1 KwabaseKhorinte 10

1 Kangithandi-ke ukuthi lingazi, bazalwane, ukuthi bonke obaba bethu babengaphansi kweyezi, njalo bonke badabula ulwandle,

Now I would not have you ignorant, brothers, that our fathers were all under the cloud, and all passed through the sea;

2 futhi bonke babhabhathizwa kuMozisi eyezini lasolwandle,

and were all immersed into Moses in the cloud and in the sea;

3 labo bonke badla ukudla kunye komoya,

and all ate the same spiritual food;

4 futhi bonke banatha okunathwayo kunye komoya; ngoba banatha edwaleni lomoya elabalandelayo; lalelodwala lalinguKristu.

and all drank the same spiritual drink. For they drank of a spiritual rock that followed them, and the rock was Messiah.

5 Kodwa ubunengi babo uNkulunkulu wayengathokozi ngabo; ngoba bachithwa enkangala.

However with most of them, God was not well pleased, for they were overthrown in the wilderness.

6 Lalezizinto zaba yizibonelo kithi, ukuze singaloyisi okubi, njengalokhu labo baloyisa.

Now these things were our examples, to the intent we should not lust after evil things as they also lusted.

7 Njalo lingabi ngabakhonza izithombe, njengabanye babo; njengokulotshiweyo ukuthi: Abantu bahlala phansi ukudla lokunatha, basebesukuma ukudlala.

Don’t be idolaters, as some of them were. As it is written, “The people sat down to eat and drink, and rose up to play.”

8 Njalo kasingaphingi, njengabanye babo abaphingayo, basebesiwa ngasuku lunye inkulungwane ezingamatshumi amabili lantathu.

Let’s not commit sexual immorality, as some of them committed, and in one day twenty-three thousand fell.

9 Njalo asingamlingi uKristu, njengabanye babo futhi bamlinga, basebebhujiswa zinyoka.

Let’s not test Messiah, as some of them tested, and perished by the serpents.

10 Lingasoli-ke, njengabanye babo labo basola, babhujiswa ngumbhubhisi.

Don’t grumble, as some of them also grumbled, and perished by the destroyer.

11 Lalezizinto zonke zabehlela labo kube yizibonelo, njalo zabhalelwa ukuba yisixwayiso sethu, osekufike ukucina kwezikhathi. (aiōn g165)

Now all these things happened to them by way of example, and they were written for our admonition, on whom the ends of the ages have come. (aiōn g165)

12 Ngakho lowo ocabanga ukuthi umi, kabone ukuthi kawi.

Therefore let him who thinks he stands be careful that he doesn’t fall.

13 Kakulakulingwa okulibambileyo ngaphandle kokusebantwini; kodwa uNkulunkulu uthembekile, ongayikuvuma ukuthi lilingwe ngokungaphezu kwamandla enu, kanti kanye lesilingo uzakwenza lendlela yokuphepha, ukuze libe lamandla okusithwala.

No temptation has taken you except what is common to man. God is faithful, who will not allow you to be tempted above what you are able, but will with the temptation also make the way of escape, that you may be able to endure it.

14 Ngakho-ke, bathandiweyo bami, balekelani ukukhonza izithombe.

Therefore, my beloved, flee from idolatry.

15 Ngikhuluma njengakwabahlakaniphileyo; lina yehlukanisani engikutshoyo.

I speak as to wise men. Judge what I say.

16 Inkezo yesibusiso esiyibusisayo, kayisiyo yini eyokuhlanganyela kwegazi likaKristu? Isinkwa esisihlephunayo, kayisiso yini esokuhlanganyela komzimba kaKristu?

The cup of blessing which we bless, isn’t it a sharing of the blood of Messiah? The bread which we break, isn’t it a sharing of the body of Messiah?

17 Ngoba thina abanengi siyisinkwa sinye, simzimba munye; ngoba thina sonke sihlanganyela lesosinkwa sinye.

Because there is one loaf of bread, we, who are many, are one body; for we all partake of the one loaf of bread.

18 Khangelani uIsrayeli ngokwenyama; abadlayo imihlatshelo kabasibo yini abahlanganyela lelathi?

Consider Israel according to the flesh. Don’t those who eat the sacrifices participate in the altar?

19 Ngithini pho? Ukuthi isithombe siyilutho yini? Kumbe ukuthi okuhlatshelwe izithombe kuyilutho?

What am I saying then? That a thing sacrificed to idols is anything, or that an idol is anything?

20 Kodwa ukuthi izinto abezizwe abazihlabayo, bazihlabela amadimoni, njalo kungeyisikho kuNkulunkulu; kodwa kangithandi ukuthi libe lenhlanganyelo lamadimoni.

But I say that the things which the Gentiles sacrifice, they sacrifice to demons and not to God, and I don’t desire that you would have fellowship with demons.

21 Lingenathe inkezo yeNkosi lenkezo yamadimoni; lingehlanganyele itafula leNkosi letafula lamadimoni.

You can’t both drink the cup of the Lord and the cup of demons. You can’t both partake of the table of the Lord and of the table of demons.

22 Kumbe sizayivusela ubukhwele iNkosi? Kambe silamandla kulayo?

Or do we provoke the Lord to jealousy? Are we stronger than he?

23 Zonke izinto zivunyelwe kimi, kodwa kayisizo zonke izinto ezisizayo. Zonke izinto zivunyelwe kimi, kodwa kayisizo zonke izinto ezakhayo.

“All things are lawful for me,” but not all things are profitable. “All things are lawful for me,” but not all things build up.

24 Kakungabi khona ozidingela okwakhe, kodwa ngulowo lalowo okomunye.

Let no one seek his own, but each one his neighbor’s good.

25 Konke okuthengiswa esilaheni kudleni, lingabuzi lutho ngenxa yesazela;

Whatever is sold in the butcher shop, eat, asking no question for the sake of conscience,

26 ngoba umhlaba ungoweNkosi lokugcwala kwawo.

for “the earth is the Lord’s, and its fullness.”

27 Njalo uba omunye kwabangakholwayo elinxusa, njalo lithanda ukuya, dlanini konke okubekwa phambi kwenu, lingabuzi lutho ngenxa yesazela.

But if one of those who don’t believe invites you to a meal, and you are inclined to go, eat whatever is set before you, asking no questions for the sake of conscience.

28 Kodwa uba umuntu esithi kini: Lokhu kuhlatshelwe isithombe; lingadli ngenxa yalowo olitshelileyo, langenxa yesazela; ngoba umhlaba ungoweNkosi lokugcwala kwawo.

But if anyone says to you, “This was offered to idols,” don’t eat it for the sake of the one who told you, and for the sake of conscience. For “the earth is the Lord’s, with all its fullness.”

29 Kodwa isazela ngithi, esingeyisiso esakho, kodwa esomunye; ngoba kungani inkululeko yami yahlulelwe yisazela somunye?

Conscience, I say, not your own, but the other’s conscience. For why is my liberty judged by another conscience?

30 Njalo uba mina ngomusa ngihlanganyela, ngikhulunyelwani kubi ngalokho mina engikubongayo?

If I partake with thankfulness, why am I denounced for something I give thanks for?

31 Ngakho uba lisidla, loba linatha, loba lisenzani, konke kwenzeleni udumo lukaNkulunkulu.

Whether therefore you eat or drink, or whatever you do, do all to the glory of God.

32 Lingabi ngabakhubekisi lakumaJuda lakumaGriki lebandleni likaNkulunkulu;

Give no occasion for stumbling, whether to Jews, to Greeks, or to the assembly of God;

33 njengami futhi ezintweni zonke ngithokozisa bonke, ngingadingi olwami usizo, kodwa olwabanengi, ukuze basindiswe.

even as I also please all men in all things, not seeking my own profit, but the profit of the many, that they may be saved.