1 Imilando 11

1 UIsrayeli wonke wasebuthana kuDavida eHebroni esithi: Khangela, thina silithambo lakho lenyama yakho.

Then all Israel gathered themselves to David unto Hebron, saying: 'Behold, we are thy bone and thy flesh.

2 Ngitsho mandulo, ngitsho uSawuli eyinkosi, nguwe owakhupha lowangenisa uIsrayeli; iNkosi uNkulunkulu wakho yasisithi kuwe: Wena uzakwelusa abantu bami uIsrayeli, njalo wena uzakuba ngumbusi phezu kwabantu bami uIsrayeli.

In times past, even when Saul was king, it was thou that didst lead out and bring in Israel; and the LORD thy God said unto thee: Thou shalt feed My people Israel, and thou shalt be prince over My people Israel.'

3 Kwasekufika bonke abadala bakoIsrayeli enkosini eHebroni. UDavida wasesenza isivumelwano labo eHebroni phambi kweNkosi. Basebemgcoba uDavida ukuba yinkosi phezu kukaIsrayeli, njengelizwi leNkosi ngesandla sikaSamuweli.

So all the elders of Israel came to the king to Hebron; and David made a covenant with them in Hebron before the LORD; and they anointed David king over Israel, according to the word of the LORD by the hand of Samuel.

4 UDavida loIsrayeli wonke basebesiya eJerusalema, eyiJebusi, ngoba lapho kwakulamaJebusi, abahlali balelolizwe.

And David and all Israel went to Jerusalem — the same is Jebus — and the Jebusites, the inhabitants of the land, were there.

5 Abahlali beJebusi basebesithi kuDavida: Kawuyikungena lapha. Kodwa uDavida wayithumba inqaba yeZiyoni, engumuzi kaDavida.

And the inhabitants of Jebus said to David: 'Thou shalt not come in hither.' Nevertheless David took the stronghold of Zion; the same is the city of David.

6 UDavida wasesithi: Loba ngubani ozatshaya amaJebusi kuqala uzakuba yinhloko lenduna. Ngakho uJowabi indodana kaZeruya wenyuka kuqala, waba yinhloko.

And David said: 'Whosoever smiteth the Jebusites first shall be chief and captain.' And Joab the son of Zeruiah went up first, and was made chief.

7 UDavida wasehlala enqabeni; ngalokho-ke bayibiza ngokuthi ngumuzi kaDavida.

And David dwelt in the stronghold; therefore they called it the city of David.

8 Wasewakha umuzi inhlangothi zonke, kusukela eMilo waze wawuhlanganisa. UJowabi wasevuselela okuseleyo komuzi.

And he built the city round about, from Millo even round about; and Joab repaired the rest of the city.

9 UDavida wasesiya eqhubeka esiba mkhulu, ngoba iNkosi yamabandla yayilaye.

And David waxed greater and greater; for the LORD of hosts was with him.

10 Lalezi zinhloko zamaqhawe uDavida ayelazo, ezaziqinisa kanye laye embusweni wakhe, loIsrayeli wonke, ukumenza inkosi, njengelizwi leNkosi mayelana loIsrayeli.

Now these are the chief of the mighty men whom David had, who held strongly with him in his kingdom, together with all Israel, to make him king, according to the word of the LORD concerning Israel.

11 Laleli linani lamaqhawe uDavida ayelawo: UJashobeyamu indodana yomHakimoni inhloko yamatshumi amathathu; yena waphakamisa umkhonto wakhe emelene labangamakhulu amathathu, wababulala ngasikhathi sinye.

And this is the number of the mighty men whom David had: Jashobeam, the son of a Hachmonite, the chief of the captains; he lifted up his spear against three hundred and slew them at one time.

12 Lemva kwakhe kwakuloEleyazare indodana kaDodo umAhohi; wayephakathi kwamaqhawe amathathu.

And after him was Eleazar the son of Dodo, the Ahohite, who was one of the three mighty men.

13 Yena wayeloDavida ePasi-Damimi lapho amaFilisti ayebuthanele impi khona. Lesiqinti sensimu sasigcwele ibhali; abantu basebebaleka phambi kwamaFilisti.

He was with David at Pas-dammim, and there the Philistines were gathered together to battle, where was a plot of ground full of barley; and the people fled from before the Philistines.

14 Bona bazimisa phakathi kwesiqinti, basikhulula, batshaya amaFilisti, iNkosi yasisindisa ngokukhulula okukhulu.

But they stood in the midst of the plot, and defended it, and slew the Philistines; and the LORD saved them by a great victory.

15 Abathathu ezinduneni ezingamatshumi amathathu basebesehlela edwaleni kuDavida, ebhalwini lweAdulamu; lebutho lamaFilisti lalimise inkamba esihotsheni seRefayimi.

And three of the thirty chiefs went down to the rock to David, unto the cave of Adullam; and the host of the Philistines were encamped in the valley of Rephaim.

16 UDavida ngalesosikhathi wayesenqabeni, lebutho lenqaba lamaFilisti ngalesosikhathi laliseBhethelehema.

And David was then in the stronghold, and the garrison of the Philistines was then in Beth-lehem.

17 UDavida waselangatha wathi: Hawu, kungathi omunye ubenganginathisa amanzi omthombo weBhethelehema osesangweni!

And David longed, and said: 'Oh that one would give me water to drink of the well of Beth-lehem, which is by the gate!'

18 Labo abathathu bafohlela enkambeni yamaFilisti, bakha amanzi emthonjeni weBhethelehema owawusesangweni, bawathwala bawaletha kuDavida; kodwa uDavida kafunanga ukuwanatha, kodwa wawathululela iNkosi.

And the three broke through the host of the Philistines, and drew water out of the well of Beth-lehem, that was by the gate, and took it, and brought it to David; but David would not drink thereof, but poured it out unto the LORD,

19 Wasesithi: Kakube khatshana lami, ngoNkulunkulu wami, ukwenza lokho. Nginganatha yini igazi lalamadoda abeke impilo yawo engozini? Ngoba ngokubeka impilo yawo engozini, awalethile. Ngakho kafunanga ukuwanatha. Lezizinto azenza lawomaqhawe amathathu.

and said: 'My God forbid it me, that I should do this; shall I drink the blood of these men that have put their lives in jeopardy? for with the jeopardy of their lives they brought it.' Therefore he would not drink it. These things did the three mighty men.

20 UAbishayi umfowabo kaJowabi, yena-ke wayeyinhloko yabathathu. Yena ephakamisa umkhonto wakhe emelene labangamakhulu amathathu wababulala; wasesiba lebizo phakathi kwabathathu.

And Abishai, the brother of Joab, he was chief of the three; for he lifted up his spear against three hundred and slew them, and had a name among the three.

21 Kwabathathu wayehlonitshwa kulababili, wasesiba yinduna yabo; kodwa kafinyelelanga kwabathathu abokuqala.

Of the three in the second rank he was the most honourable, and was made their captain; howbeit he attained not to the first three.

22 UBhenaya indodana kaJehoyada, indodana yeqhawe leKabhiseyeli, wayemkhulu ngezenzo: Nguye owatshaya abakoMowabi ababili ababenjengezilwane; futhi yena wehla wabulala isilwane phakathi komgodi mhla weliqhwa elikhithikileyo.

Beniah the son of Jehoiada, the son of a valiant man of Kabzeel, who had done mighty deeds, he smote the two altar-hearths of Moab; he went down also and slew a lion in the midst of a pit in time of snow.

23 Yena wasetshaya indoda engumGibhithe, umuntu omude, ozingalo ezinhlanu. Lesandleni somGibhithe kwakulomkhonto onjengogodo lomeluki; kodwa wehlela kuye ngenduku, wahluthuna umkhonto esandleni somGibhithe, wambulala ngowakhe umkhonto.

And he slew an Egyptian, a man of great stature, five cubits high; and in the Egyptian's hand was a spear like a weaver's beam; and he went down to him with a staff, and plucked the spear out of the Egyptian's hand, and slew him with his own spear.

24 Lezizinto wazenza uBhenaya indodana kaJehoyada, waba lebizo phakathi kwamaqhawe amathathu.

These things did Benaiah the son of Jehoiada, and had a name among the three mighty men.

25 Khangela, wahlonitshwa phakathi kwabangamatshumi amathathu, kodwa kafinyelelanga kwabathathu. UDavida wasembeka phezu kwabalindi bakhe.

Behold, he was more honourable than the thirty, but he attained not to the first three; and David set him over his guard.

26 Lamaqhawe amabutho: OAsaheli umfowabo kaJowabi, uElihanani indodana kaDodo weBhethelehema,

Also the mighty men of valour: Asahel the brother of Joab, Elhanan the son of Dodo of Beth-lehem;

27 uShamothi umHarodi, uHelezi umPheloni,

Shammoth the Harorite, Helez the Pelonite;

28 uIra indodana kaIkheshi umThekhowa, uAbiyezeri umAnathothi,

Ira the son of Ikkesh the Tekoite, Abiezer the Anathothite;

29 uSibekayi umHushathi, uIlayi umAhohi,

Sibbecai the Hushathite, Ilai the Ahohite;

30 uMaharayi umNetofa, uHelebi indodana kaBahana umNetofa,

Mahrai the Netophathite, Heled the son of Baanah the Netophathite;

31 uIthayi indodana kaRibayi weGibeya yabantwana bakoBhenjamini, uBhenaya umPirathoni,

Ithai the son of Ribai of Gibeah of the children of Benjamin, Benaiah the Pirathonite;

32 uHurayi wezifula zeGahashi, uAbiyeli umArba,

Hurai of Nahale-gaash, Abiel the Arbathite;

33 uAzimavethi umBaharumi, uEliyabha umShahaliboni,

Azmaveth the Baharumite, Eliahba the Shaalbonite;

34 amadodana kaHashema umGizoni, uJonathani indodana kaShage umHarari,

the sons of Hashem the Gizonite, Jonathan the son of Shageh the Hararite;

35 uAhiyamu indodana kaSakari umHarari, uElifali indodana kaUri,

Ahiam the son of Sacar the Hararite, Eliphal the son of Ur;

36 uHeferi umMekera, uAhiya umPheloni,

Hepher the Mecherathite, Ahijah the Pelonite;

37 uHeziro umKharmeli, uNaharayi indodana kaEzibayi,

Hezro the Carmelite, Naarai the son of Ezbai;

38 uJoweli umfowabo kaNathani, uMibhari indodana kaHagiri,

Joel the brother of Nathan, Mibhar the son of Hagri;

39 uZeleki umAmoni, uNaharayi umBherothi, umthwali wezikhali zikaJowabi indodana kaZeruya,

Zelek the Ammonite, Nahrai the Berothite, the armour-bearer of Joab the son of Zeruiah;

40 uIra umIthiri, uGarebi umIthiri,

Ira the Ithrite, Gareb the Ithrite;

41 uUriya umHethi, uZabadi indodana kaAhilayi,

Uriah the Hittite, Zabad the son of Ahlai;

42 uAdina indodana kaShiza umRubeni, inhloko kwabakoRubeni, labangamatshumi amathathu belaye,

Adina the son of Shiza the Reubenite, a chief of the Reubenites, and thirty with him;

43 uHanani indodana kaMahaka, loJoshafati umMithini,

Hanan the son of Maacah, and Joshaphat the Mithnite;

44 uUziya umAshiterathi, uShama loJehiyeli amadodana kaHothamu umAroweri,

Uzzia the Ashterathite, Shama and Jeiel the sons of Hotham the Aroerite;

45 uJediyayeli indodana kaShimri, loJoha umfowabo umTizi,

Jediael the son of Shimri, and Joha his brother, the Tizite;

46 uEliyeli umMahavi, loJeribayi loJoshaviya amadodana kaElinahamu, loIthima umMowabi,

Eliel the Mahavite, and Jeribai, and Joshaviah, the sons of Elnaam, and Ithmah the Moabite;

47 loEliyeli, loObedi, loJahasiyeli umMezobaya.

Eliel, and Obed, and Jaasiel the Mezobaite.