Amahubo 8

1 Kumqondisi wokuhlabela. Ngendlela yegithithi. Ihubo likaDavida. Oh Thixo, Thixo wethu, ibizo lakho libabazeka kangaka emhlabeni wonke! Uyibekile inkazimulo yakho ngaphezulu emazulwini.

To the chief Musician upon Gittith, A Psalm of David. O LORD our Lord, how excellent [is] thy name in all the earth! who hast set thy glory above the heavens.

2 Ukumisile ukudunyiswa yizindebe zabantwana lensane ngenxa yezitha zakho, ukuze uthulise isitha lomphindiseli.

Out of the mouth of babes and sucklings hast thou ordained strength because of thy enemies, that thou mightest still the enemy and the avenger.

3 Nxa nginakana ngamazulu akho, umsebenzi weminwe yakho, inyanga lezinkanyezi ozibeke endaweni yazo,

When I consider thy heavens, the work of thy fingers; the moon and the stars, which thou hast ordained;

4 uyini umuntu osungaze uzihluphe ngaye na, indodana yomuntu ukuba uyinanze?

What is man, that thou art mindful of him? and the son of man, that thou visitest him?

5 Wamenza waba mncinyazana kulezingilosi, wamethesa umqhele wodumo lobukhosi.

For thou hast made him a little lower than the angels, and hast crowned him with glory and honor.

6 Wamenza umbusi phezu kwemisebenzi yezandla zakho; wabeka zonke izinto ngaphansi kwezinyawo zakhe:

Thou hast made him to have dominion over the works of thy hands; thou hast put all [things] under his feet:

7 yonke imihlambi yezimvu leyenkomo lezinyamazana zeganga,

All sheep and oxen, yes, and the beasts of the field;

8 izinyoni zasemkhathini lenhlanzi zolwandle, konke okuntsheza emanzini olwandle.

The fowl of the air, and the fish of the sea, [and whatever] passeth through the paths of the seas.

9 Oh Thixo, Thixo wethu, ibizo lakho libabazeka kangaka emhlabeni wonke!

O LORD our Lord, how excellent [is] thy name in all the earth!