Amahubo 72
1 ElikaSolomoni. Yiphe inkosi ukwahlulela kwakho, Oh Nkulunkulu, lokulunga kwakho indodana yesikhosini.
| לשלמה אלהים--משפטיך למלך תן וצדקתך לבן-מלך |
2 Uzakwahlulela abantu bakho ngokulunga, labahluphekayo bakho ngemfanelo.
| ידין עמך בצדק וענייך במשפט |
3 Izintaba zizaletha ukuphumelela ebantwini, lamaqaqa azaletha izithelo zokulunga.
| ישאו הרים שלום לעם וגבעות בצדקה |
4 Uzabavikela abahlukuluzwayo phakathi kwabantu asindise abantwana balabo abaswelayo afohloze umncindezeli.
| ישפט עניי-עם--יושיע לבני אביון וידכא עושק |
5 Uzaphila kokuphela njengelanga, njengenyanga kuzozonke izizukulwane.
| ייראוך עם-שמש ולפני ירח דור דורים |
6 Uzakuba njengezulu lisina phezu kotshani obugundiweyo, njengemikhizo ithelezela umhlabathi.
| ירד כמטר על-גז כרביבים זרזיף ארץ |
7 Ngezinsuku zayo abalungileyo bazaphumelela; ukuphumelela kuzakwanda inyanga ize itshabalale.
| יפרח-בימיו צדיק ורב שלום עד-בלי ירח |
8 Uzabusa kusukela elwandle kusiya elwandle, njalo kusukela eMfuleni kusiya emikhawulweni yomhlaba.
| וירד מים עד-ים ומנהר עד-אפסי-ארץ |
9 Izizwe ezihlala enkangala zizakhothama kuye, izitha zakhe zizakhotha uthuli.
| לפניו יכרעו ציים ואיביו עפר ילחכו |
10 Amakhosi eThashishi lawemazweni akude azaletha imithelo kuye; amakhosi aseShebha leSebha azayilethela izipho.
| מלכי תרשיש ואיים מנחה ישיבו מלכי שבא וסבא אשכר יקריבו |
11 Wonke amakhosi azakhothama kuye lezizwe zonke zizakhonza kuye.
| וישתחוו-לו כל-מלכים כל-גוים יעבדוהו |
12 Ngoba uzabakhulula abaswelayo abakhalayo kuye, abahluphekayo abangelamsizi.
| כי-יציל אביון משוע ועני ואין-עזר לו |
13 Uzabahawukela ababuthakathaka labaswelayo asindise abaswelayo ekufeni.
| יחס על-דל ואביון ונפשות אביונים יושיע |
14 Uzabahlenga ekuncindezelweni lekuhlukuluzweni, ngoba igazi labo liligugu kuye.
| מתוך ומחמס יגאל נפשם וייקר דמם בעיניו |
15 Mayibe lempilo ende! Mayiphiwe igolide laseShebha. Abantu kabayikhulekele bayenzele izibusiso ilanga lonke.
| ויחי-- ויתן-לו מזהב שבא ויתפלל בעדו תמיד כל-היום יברכנהו |
16 Akuthi amabele ande elizweni lonke; azunguze eziqongweni zamaqaqa. Izithelo zalo kazikhihlize njengeLebhanoni; kaligcwale njengotshani egangeni.
| יהי פסת-בר בארץ-- בראש הרים ירעש כלבנון פריו ויציצו מעיר כעשב הארץ |
17 Sengathi ibizo lakhe lingema njalo laphakade, kalibe khona lanini nxa lilokhu lisekhona ilanga. Zonke izizwe zizabusiswa ngaye, zizakuthi ubusisiwe.
| יהי שמו לעולם-- לפני-שמש ינין (ינון) שמו ויתברכו בו כל-גוים יאשרוהו |
18 Udumo alube kuye uThixo uNkulunkulu, uNkulunkulu ka-Israyeli, onguye yedwa owenza izinto ezimangalisayo.
| ברוך יהוה אלהים--אלהי ישראל עשה נפלאות לבדו |
19 Udumo kalube sebizweni lakhe elingcwele laphakade; sengathi umhlaba wonke ungagcwala inkazimulo yakhe.
| וברוך שם כבודו-- לעולם וימלא כבודו את-כל הארץ-- אמן ואמן |
20 Lokhu yikho ukuphetha kwemikhuleko kaDavida indodana kaJese.
| כלו תפלות-- דוד בן-ישי |
