Amahubo 46
1 Kumqondisi wokuhlabela. ElamaDodana kaKhora. Ingoma ngendlela ye-alamothi. UNkulunkulu uyisiphephelo sethu lamandla ethu, usizo oluhlezi lukhona nxa kulohlupho.
To the Overseer. — By sons of Korah. 'For the Virgins.' — A song. God [is] to us a refuge and strength, A help in adversities found most surely.
2 Ngakho kangiyikwesaba, umhlaba ungaze ubhidlike lezintaba ziwele ekujuleni kolwandle,
Therefore we fear not in the changing of earth, And in the slipping of mountains Into the heart of the seas.
3 loba amanzi alo ehlokoma agubhazele izintaba zivevezele ngokuqubuka kwalo.
Roar — troubled are its waters, Mountains they shake in its pride. (Selah)
4 Kukhona umfula ozifudlana zawo zithokozisa idolobho likaNkulunkulu, indawo engcwele okuhlala kuyo oPhezukonke.
A river — its rivulets rejoice the city of God, Thy holy place of the tabernacles of the Most High.
5 UNkulunkulu ungaphakathi kwalo, kaliyikuwiswa; uNkulunkulu uzalisiza ngovivi lokusa.
God [is] in her midst — she is not moved, God doth help her at the turn of the morn!
6 Izizwe ziyahlokoma, imibuso iyachitheka; uphakamisa ilizwi lakhe umhlaba uncibilike.
Troubled have been nations, Moved have been kingdoms, He hath given forth with His voice, earth melteth.
7 UThixo uSomandla ulathi; uNkulunkulu kaJakhobe uyinqaba yethu.
Jehovah of Hosts [is] with us, A tower for us [is] the God of Jacob. (Selah)
8 Wozani libone imisebenzi kaThixo, incithakalo aseyenzile emhlabeni.
Come ye, see the works of Jehovah, Who hath done astonishing things in the earth,
9 Uyathulisa izimpi kuze kube semikhawulweni yomhlaba; uyalephula idandili avadlaze lomkhonto, utshisa izinqola ngomlilo.
Causing wars to cease, Unto the end of the earth, the bow he shivereth, And the spear He hath cut asunder, Chariots he doth burn with fire.
10 “Thulani, lazi ukuba mina nginguNkulunkulu; ngizaphakanyiswa phakathi kwezizwe; ngizaphakanyiswa emhlabeni.”
Desist, and know that I [am] God, I am exalted among nations, I am exalted in the earth.
11 UThixo uSomandla ulathi, uNkulunkulu kaJakhobe uyinqaba yethu.
Jehovah of hosts [is] with us, A tower for us [is] the God of Jacob! (Selah)
