Amahubo 45
1 Kumqondisi wokuhlabela. Njengengoma ethi “Izimbali.” Ihubo lamaDodana kaKhora. Ingoma yomtshado. Inhliziyo yami iyagubhazela ngendaba enkulu nxa ngivuma inkondlo yami ngiyihayela inkosi; ulimi lwami lusiba lomlobi ololwazi.
| למנצח על ששנים לבני קרח משכיל שיר ידידת רחש לבי דבר טוב אמר אני מעשי למלך לשוני עט סופר מהיר׃ |
2 Uyilikhwa lamakhwa emadodeni wonke lezindebe zakho ziconjwe kuhle ngobunono, njengalokhu uNkulunkulu ekubusisile lanininini.
| יפיפית מבני אדם הוצק חן בשפתותיך על כן ברכך אלהים לעולם׃ |
3 Hloma inkemba yakho okhalweni, wena omkhulu; zembathise ngokukhazimula langobukhosi.
| חגור חרבך על ירך גבור הודך והדרך׃ |
4 Usebukhosini bakho khwela enqoleni ulokunqoba umele iqiniso lokuzithoba lokulunga; akuthi isandla sakho sokunene senze izimanga.
| והדרך צלח רכב על דבר אמת וענוה צדק ותורך נוראות ימינך׃ |
5 Akuthi imitshoko yakho ecijileyo icibe inhliziyo zezitha zenkosi; akuthi izizwe ziwe ngaphansi kwezinyawo zakho.
| חציך שנונים עמים תחתיך יפלו בלב אויבי המלך׃ |
6 Isihlalo sakho sobukhosi, Oh Nkulunkulu, sizakuma nini lanini; intonga yokwahlulela okulungileyo izakuba yintonga yombuso wakho.
| כסאך אלהים עולם ועד שבט מישר שבט מלכותך׃ |
7 Uyakuthanda ukulunga njalo uyabuzonda ububi; ngakho uNkulunkulu, uNkulunkulu wakho usekubeke ngaphezu kwabakhula bakho ngokukugcoba ngamafutha entokozo.
| אהבת צדק ותשנא רשע על כן משחך אלהים אלהיך שמן ששון מחבריך׃ |
8 Zonke izembatho zakho ziqholiwe ngemure, langenhlaba langekhasiya; ezigodlweni eziceciswe ngempondo zendlovu kuqhamuka inhlokomo yeziginci ekuthokozisayo.
| מר ואהלות קציעות כל בגדתיך מן היכלי שן מני שמחוך׃ |
9 Amadodakazi amakhosi akhona kanye labanye abesifazane abahloniphekayo; kwesokunene sakho ngumlobokazi wesikhosini oceciswe ngegolide lase-Ofiri.
| בנות מלכים ביקרותיך נצבה שגל לימינך בכתם אופיר׃ |
10 Lalela, ndodakazi, nanzelela uvule indlebe; khohlwa abakini, lendlu yakwenu.
| שמעי בת וראי והטי אזנך ושכחי עמך ובית אביך׃ |
11 Inkosi iyaphelelwa ngobuhle bakho; yihloniphe, ngoba iyinkosi yakho.
| ויתאו המלך יפיך כי הוא אדניך והשתחוי לו׃ |
12 Indodakazi yaseThire izakuza lesipho, amadoda anothileyo azazincengela kuwe.
| ובת צר במנחה פניך יחלו עשירי עם׃ |
13 Ngaphakathi exhibeni layo inkosazana yibucwazicwazi; isembatho sayo sicecisiwe ngegolide.
| כל כבודה בת מלך פנימה ממשבצות זהב לבושה׃ |
14 Isiwa enkosini yembethe izivunulo ezelukiweyo; abakhaphi bayo bayayilandela balethwe kuwe.
| לרקמות תובל למלך בתולות אחריה רעותיה מובאות לך׃ |
15 Bangeniswa lapho ngentokozo lenjabulo; bangena esigodlweni senkosi.
| תובלנה בשמחת וגיל תבאינה בהיכל מלך׃ |
16 Amadodana enu azathatha isikhundla saboyihlo; lizawenza abe ngamakhosana elizweni lonke.
| תחת אבתיך יהיו בניך תשיתמו לשרים בכל הארץ׃ |
17 Ibizo lakho ngizalenza likhunjulwe kokuphela yizizukulwane zonke; yikho-ke izizwe zizakudumisa nini lanini.
| אזכירה שמך בכל דר ודר על כן עמים יהודך לעלם ועד׃ |
