Amahubo 37
1 ElikaDavida. Ungazikhathazi ngabantu ababi loba uhawukele labo abenza okungalunganga;
| לדוד אל-תתחר במרעים אל-תקנא בעשי עולה |
2 ngoba bazabuna masinyane njengotshani, njengezimila eziluhlaza bazakufa masinyane.
| כי כחציר מהרה ימלו וכירק דשא יבולון |
3 Themba kuThixo wenze okulungileyo; hlala elizweni ukholise amadlelo amahle.
| בטח ביהוה ועשה-טוב שכן-ארץ ורעה אמונה |
4 Zithokozise kuThixo Yena uzakupha izifiso zenhliziyo yakho.
| והתענג על-יהוה ויתן-לך משאלת לבך |
5 Nikela indlela zakho kuThixo; themba kuye, Yena uzakwenzela lokhu:
| גול על-יהוה דרכך ובטח עליו והוא יעשה |
6 Uzakwenza ukulunga kwakho kukhazimule njengentathakusa, ubuqotho balokho okulwelayo njengelanga lemini enkulu.
| והוציא כאור צדקך ומשפטך כצהרים |
7 Chuma phambi kukaThixo umlindele ngesineke; ungakhathazeki nxa abantu bephumelela ngezindlela zabo, nxa bephutshisa amaqhinga abo amabi.
| דום ליהוה-- והתחולל-לו אל-תתחר במצליח דרכו באיש עשה מזמות |
8 Xwayana lokuzonda njalo ufulathele intukuthelo; ungakhathazeki, kukhokhelela ebubini kuphela.
| הרף מאף ועזב חמה אל-תתחר אך-להרע |
9 Ngoba abantu ababi bazasuswa, kodwa labo abathemba uThixo bazakudla ilifa lelizwe.
| כי-מרעים יכרתון וקוי יהוה המה יירשו-ארץ |
10 Kuseyisikhatshana nje, ababi bazabe bengasekho; loba usubadinga kabasayikufunyanwa.
| ועוד מעט ואין רשע והתבוננת על-מקומו ואיננו |
11 Kodwa abathobekileyo bazakudla ilifa lelizwe njalo bakholise ukuthula okukhulu.
| וענוים יירשו-ארץ והתענגו על-רב שלום |
12 Ababi baceba ukulimaza abalungileyo babagedlele amazinyo;
| זמם רשע לצדיק וחרק עליו שניו |
13 kodwa iNkosi iyabahleka ababi, ngoba iyazi ukuthi usuku lwabo luyeza.
| אדני ישחק-לו כי-ראה כי-יבא יומו |
14 Ababi bakhokha inkemba, badonsa idandili ngenhloso yokulimaza abahluphekayo labaswelayo, lokubulala labo abahamba ngokulunga.
| חרב פתחו רשעים-- ודרכו קשתם להפיל עני ואביון לטבוח ישרי-דרך |
15 Kodwa izinkemba zabo zizagwaza ezabo inhliziyo, lamadandili abo azakwephulwa.
| חרבם תבוא בלבם וקשתותם תשברנה |
16 Kungcono ingcosana leyo abalayo abalungileyo kulenotho yababi abanengi;
| טוב-מעט לצדיק-- מהמון רשעים רבים |
17 ngoba amandla ababi azaqedwa, kodwa uThixo uyabaxhasa abalungileyo.
| כי זרועות רשעים תשברנה וסומך צדיקים יהוה |
18 Insuku zabangelasici ziyaziwa nguThixo, ilifa labo lizakuma lanini.
| יודע יהוה ימי תמימם ונחלתם לעולם תהיה |
19 Ngezikhathi zomonakalo abayikubuna; ngezikhathi zendlala bazasutha.
| לא-יבשו בעת רעה ובימי רעבון ישבעו |
20 Kodwa ababi bazabhubha; izitha zikaThixo zinjengobuhle beganga, zizanyamalala, zinyamalale njengentuthu.
| כי רשעים יאבדו ואיבי יהוה כיקר כרים כלו בעשן כלו |
21 Ababi bayaboleka kodwa kababuyiseli, kodwa abalungileyo bayapha kakhulu;
| לוה רשע ולא ישלם וצדיק חונן ונותן |
22 labo uThixo ababusisayo bazakudla ilifa lelizwe; kodwa labo abathukayo bazasuswa.
| כי מברכיו יירשו ארץ ומקלליו יכרתו |
23 Nxa uThixo ethokoziswa yikuhamba komuntu, uyaqinisa izinyathelo zakhe;
| מיהוה מצעדי-גבר כוננו ודרכו יחפץ |
24 loba angakhubeka, kayikuwa, ngoba uThixo uyamsekela ngesandla sakhe.
| כי-יפל לא-יוטל כי-יהוה סומך ידו |
25 Ngangimutsha, manje sengiluphele, kodwa angizange ngibone abalungileyo bedelwa loba abantwababo becela isinkwa.
| נער הייתי-- גם-זקנתי ולא-ראיתי צדיק נעזב וזרעו מבקש-לחם |
26 Bayaphana kokuphela njalo bayebolekana nje; abantwababo bazabusiswa.
| כל-היום חונן ומלוה וזרעו לברכה |
27 Phendukani ebubini lenze ukulunga lapho-ke lizahlala elizweni nini lanini.
| סור מרע ועשה-טוב ושכן לעולם |
28 Ngoba uThixo uthanda abalungileyo njalo kayikubadela abathembekileyo bakhe. Bazavikelwa kuze kube nini lanini kodwa inzalo yababi izalahlwa;
| כי יהוה אהב משפט ולא-יעזב את-חסידיו לעולם נשמרו וזרע רשעים נכרת |
29 abalungileyo bazazuza ilifa lelizwe bahlale kulo lanini.
| צדיקים יירשו-ארץ וישכנו לעד עליה |
30 Umlomo womuntu olungileyo ukhuluma ukuhlakanipha, lolimi lwakhe lukhuluma okuqondileyo.
| פי-צדיק יהגה חכמה ולשונו תדבר משפט |
31 Umthetho kaNkulunkulu wakhe usenhliziyweni yakhe; inyawo zakhe kazitsheleli.
| תורת אלהיו בלבו לא תמעד אשריו |
32 Ababi bacathamela abalungileyo befuna impilo yabo qobo lwayo;
| צופה רשע לצדיק ומבקש להמיתו |
33 kodwa uThixo kayikubayekela bazenzele abakuthandayo kubo kumbe balahlwe licala nxa bethonisiswa.
| יהוה לא-יעזבנו בידו ולא ירשיענו בהשפטו |
34 Lindelani uThixo ligcine indlela yakhe. Uzaliphakamisa lilithathe ilifa lelizwe; lizakubona lokhu nxa ababi sebesusiwe.
| קוה אל-יהוה ושמר דרכו וירוממך לרשת ארץ בהכרת רשעים תראה |
35 Sengike ngabona umuntu omubi olesihluku kulokubhadala ehluma njengesihlahla, esikhula kuhle emhlabathini waso wemvelo,
| ראיתי רשע עריץ ומתערה כאזרח רענן |
36 kodwa waphanga wafa kabe esabakhona; ngathi loba sengimdinga ngamswela.
| ויעבר והנה איננו ואבקשהו ולא נמצא |
37 Nanzelela abangelecala, qaphela abaqotho. Likhona ikusasa kumuntu wokuthula.
| שמר-תם וראה ישר כי-אחרית לאיש שלום |
38 Kodwa zonke izoni zizabhujiswa; ikusasa lezigangi lizasuswa.
| ופשעים נשמדו יחדו אחרית רשעים נכרתה |
39 Ukusindiswa kwabalungileyo kuvela kuThixo; uyinqaba yabo ngesikhathi sokuhlupheka.
| ותשועת צדיקים מיהוה מעוזם בעת צרה |
40 UThixo uyabasiza abakhulule; abakhulule kwababi abasindise, ngoba baphephela kuye.
| ויעזרם יהוה ויפלטם יפלטם מרשעים ויושיעם--כי-חסו בו |
