Amahubo 30

1 Ihubo. Ingoma. Elokunikela ithempeli. ElikaDavida. Ngizakuphakamisa, Oh Thixo, ngoba wangenyula ekujuleni awaze wavumela izitha zami zijabule phezu kwami.

A psalm of a canticle, at the dedication of David’s house. I will extol thee, O Lord, for thou hast upheld me: and hast not made my enemies to rejoice over me.

2 Awu Thixo, Nkulunkulu wami, ngacela Kuwe uncedo wangisilisa.

O Lord my God, I have cried to thee, and then hast healed me.

3 Yebo Thixo wangenyula elibeni, wangisiza ngaphepha ukungena egodini. (Sheol h7585)

Thou hast brought forth, O Lord, my soul from hell: thou hast saved me from them that go down into the pit. (Sheol h7585)

4 Hlabelelani kuThixo lina bathembekileyo bakhe; dumisani ibizo lakhe elingcwele.

Sing to the Lord, O ye his saints: and give praise to the memory of his holiness.

5 Ngoba ukuthukuthela Kwakhe ngokomzuzwana nje, kodwa umusa wakhe ukhona okwempilo yonke; ukulila kungaqhubeka ubusuku bonke, kodwa ukuthokoza kuyafika ekuseni.

For wrath is in his indignation; and life in his good will. In the evening weeping shall have place, and in the morning gladness.

6 Ngathi lapho ngizizwa ngihlezi kuhle ngathi, “Kangisoze ngafa ngahlukuluzeka.”

And in my abundance I said: I shall never be moved.

7 Yebo Thixo, wathi lapho ungizwela wenza intaba yami yagxila qho; kodwa kwathi lapho usufihle ubuso Bakho ngaphelelwa lithemba.

O Lord, in thy favour, thou gavest strength to my beauty. Thou turnedst away thy face from me, and I became troubled.

8 Ngakhala kuwe, Thixo; ngacela umusa eNkosini:

To thee, O Lord, will I cry: and I will make supplication to my God.

9 “Kulenzuzo bani ngokubhujiswa kwami na, ngokutshona kwami egodini? Kambe uthuli luzakudumisa na? Lona luzafakaza na ngokuthembeka Kwakho?

What profit is there in my blood, whilst I go down to corruption? Shall dust confess to thee, or declare thy truth?

10 Zwana, Oh Thixo, ube lomusa kimi; woba lusizo lwami.”

The Lord hath heard, and hath had mercy on me: the Lord became my helper.

11 Waguqula ukububula kwami kwaba ngumgido; wangihlubula izigqoko zamasaka wangigqokisa ukuthokoza,

Thou hast turned for me my mourning into joy: thou hast cut my sackcloth, and hast compassed me with gladness:

12 ukuze inhliziyo yami ikuhlabelele ingathuli. Oh Thixo, Nkulunkulu wami, ngizakubonga nini lanini.

To the end that my glory may sing to thee, and I may not regret: O Lord my God, I will give praise to thee for ever.