Amahubo 24

1 Ihubo likaDavida. Umhlaba ngokaThixo, lakho konke okukuwo, ilizwe labo bonke abahlala kulo;

“A psalm of David.” The earth is the LORD'S, and all that is therein; The world, and they who inhabit it.

2 ngoba wenza isisekelo sawo phezu kolwandle wawumisa phezu kwamanzi.

For he hath founded it upon the seas, And established it upon the floods.

3 Ngubani ongaqansa intaba kaThixo na? Ngubani ongema endaweni yakhe engcwele na?

Who shall ascend the hill of the LORD? And who shall stand in his holy place?

4 Ngulowo olezandla ezihlanzekileyo lenhliziyo emhlophe, ongaphakamiseli umphefumulo wakhe kunkulunkulu wamanga loba afunge ngenkohliso.

He that hath clean hands and a pure heart; Who hath not inclined his soul to falsehood, Nor sworn deceitfully.

5 Uzakwamukela isibusiso kuThixo lokukhululwa kuNkulunkulu uMsindisi wakhe.

He shall receive a blessing from the LORD, And favor from the God of his salvation.

6 Sinjalo isizukulwane salabo abamdingayo, abadinga ubuso Bakho, Oh Nkulunkulu kaJakhobe.

This is the race of them that seek him; They that seek thy face are Jacob. (Pause)

7 Phakamisani amakhanda enu, lina masango; phakamani, lina minyango yekadeni, ukuba iNkosi yenkazimulo ingene.

Lift up your heads, O ye gates! Lift yourselves up, ye everlasting doors, That the king of glory may come in!

8 Ngubani iNkosi yenkazimulo? NguThixo oqinileyo olamandla, uThixo olamandla empini.

“Who is this king of glory?” Jehovah, strong and mighty; Jehovah, mighty in battle.

9 Phakamisani amakhanda enu, lina masango; aphakamiseni, lina minyango yekadeni, ukuba iNkosi yenkazimulo ingene.

Lift up your heads, O ye gates! Lift yourselves up, ye everlasting doors, That the king of glory may enter in!

10 Ungubani na lowo Thixo wenkazimulo? NguThixo uSomandla iNkosi yenkazimulo.

“Who is this king of glory?” Jehovah, God of hosts, he is the king of glory. (Pause)