Amahubo 20

1 Kumqondisi wokuhlabela. Ihubo likaDavida. Sengathi uThixo angakuphendula nxa usenkathazweni; sengathi ibizo likaNkulunkulu kaJakhobe lingakuvikela.

For the Chief Musician. A Psalm by David. May Yahweh answer you in the day of trouble. May the name of the God of Jacob set you up on high,

2 Sengathi angakuthumela usizo luvela endlini engcwele njalo akunike ukuhlomulela kuvela eZiyoni.

send you help from the sanctuary, grant you support from Zion,

3 Sengathi angakhumbula yonke imihlatshelo yakho njalo emukele iminikelo yakho yokutshiswa.

remember all your offerings, and accept your burned sacrifice. (Selah)

4 Sengathi angakupha isifiso senhliziyo yakho enze izimiso zakho zonke ziphumelele.

May he grant you your heart’s desire, and fulfill all your counsel.

5 Sizamemeza ngokujabula lapho usunqobile, siphakamise uphawu lwethu egameni likaNkulunkulu wethu. Sengathi uThixo angakupha zonke izicelo zakho.

We will triumph in your salvation. In the name of our God, we will set up our banners. May Yahweh grant all your requests.

6 Manje sengisazi ukuthi uThixo uyamhlenga ogcotshiweyo wakhe; uyamphendula esezulwini lakhe elingcwele ngamandla Akhe asindisayo awesandla Sakhe sokunene.

Now I know that Yahweh saves his anointed. He will answer him from his holy heaven, with the saving strength of his right hand.

7 Abanye bathemba izinqola zempi, abanye amabhiza, kodwa thina sithemba ibizo likaThixo uNkulunkulu wethu.

Some trust in chariots, and some in horses, but we trust in the name of Yahweh our God.

8 Bafuqelwa phansi bawe, kodwa thina siyaphakama sime sigxile.

They are bowed down and fallen, but we rise up, and stand upright.

9 Oh Thixo, sindisa inkosi! Sabela lapho simemeza!

Save, Yahweh! Let the King answer us when we call!