Amahubo 2

1 Kungani izizwe zixokozela, labantu besakha amacebo ngeze?

Kungani izizwe zixokozela, labantu benakana okuyize?

2 Amakhosi omhlaba ayahloma ajame lababusi bahlangana ndawonye bemelana loThixo njalo lalowo ogcotshiweyo wakhe besithi;

Amakhosi omhlaba azimisela, lababusi benza ugobe ndawonye bemelene leNkosi njalo bemelene logcotshiweyo wayo, besithi:

3 “Kasiwaqamuleni amaketane abo, silahle izibopho zabo.”

Asiqamule izibopho zabo, silahle intambo zabo zisuke kithi.

4 Yena osesihlalweni ezulwini uyahleka; uThixo uyabahleka.

Ohlezi emazulwini uzahleka, iNkosi izabahleka usulu.

5 Abesebakhalimela ngolaka, abathuthumelise ngentukuthelo yakhe, esithi,

Khona izakhuluma kubo entukuthelweni yayo, ibethuse ngokuvutha kolaka lwayo.

6 “Sengiyibekile eyami inkosi phezu kweZiyoni, intaba yami engcwele.”

Kube kanti mina ngibekile iNkosi yami phezu kweZiyoni, intaba yami engcwele.

7 Ngizasimemezela isimiso sikaThixo: Wathi kimi, “UyiNdodana yami; lamhla sengibe nguyihlo.

Ngizalandisa ngesimiso: INkosi ithe kimi: Wena uyiNdodana yami, lamuhla ngikuzele.

8 Cela kimi, ngizakwenza izizwe zibe yilifa lakho, imikhawulo yomhlaba kube yinotho yakho.

Cela kimi, ngizanika izizwe zibe yilifa lakho, lemikhawulo yomhlaba ibe yimfuyo yakho.

9 Uzazibusa ngentonga yobukhosi eyensimbi, uzazibhidliza zicubuzeke njengebumba.”

Uzazephula ngentonga yensimbi, uziphahlaze njengembiza yebumba.

10 Ngakho-ke lina makhosi, limukani, liyaxwayiswa lina babusi bomhlaba.

Ngakho-ke hlakaniphani makhosi, lilayeke bahluleli bomhlaba.

11 Mkhonzeni uThixo ngokumesaba, lithokozele umbuso wakhe ngokuthuthumela.

Ikhonzeni iNkosi ngokwesaba, lithokoze ngokuthuthumela,

12 Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.

liyange iNdodana, hlezi ithukuthele, libhubhe endleleni, nxa ulaka lwayo seluvutha kancinyane. Babusisiwe bonke abaphephela kuyo.