Amahubo 2
1 Kungani izizwe zixokozela, labantu besakha amacebo ngeze?
Why do the heathen rage, and the people imagine a vain thing?
2 Amakhosi omhlaba ayahloma ajame lababusi bahlangana ndawonye bemelana loThixo njalo lalowo ogcotshiweyo wakhe besithi;
The kings of the earth set themselves, and the rulers take counsel together, against the LORD, and against his anointed, [saying],
3 “Kasiwaqamuleni amaketane abo, silahle izibopho zabo.”
Let us break their bands asunder, and cast away their cords from us.
4 Yena osesihlalweni ezulwini uyahleka; uThixo uyabahleka.
He that sitteth in the heavens shall laugh: the Lord shall have them in derision.
5 Abesebakhalimela ngolaka, abathuthumelise ngentukuthelo yakhe, esithi,
Then shall he speak unto them in his wrath, and vex them in his sore displeasure.
6 “Sengiyibekile eyami inkosi phezu kweZiyoni, intaba yami engcwele.”
Yet have I set my king upon my holy hill of Zion.
7 Ngizasimemezela isimiso sikaThixo: Wathi kimi, “UyiNdodana yami; lamhla sengibe nguyihlo.
I will declare the decree: the LORD hath said unto me, Thou [art] my Son; this day have I begotten thee.
8 Cela kimi, ngizakwenza izizwe zibe yilifa lakho, imikhawulo yomhlaba kube yinotho yakho.
Ask of me, and I shall give [thee] the heathen [for] thine inheritance, and the uttermost parts of the earth [for] thy possession.
9 Uzazibusa ngentonga yobukhosi eyensimbi, uzazibhidliza zicubuzeke njengebumba.”
Thou shalt break them with a rod of iron; thou shalt dash them in pieces like a potter’s vessel.
10 Ngakho-ke lina makhosi, limukani, liyaxwayiswa lina babusi bomhlaba.
Be wise now therefore, O ye kings: be instructed, ye judges of the earth.
11 Mkhonzeni uThixo ngokumesaba, lithokozele umbuso wakhe ngokuthuthumela.
Serve the LORD with fear, and rejoice with trembling.
12 Ikhothameleni iNdodana, funa ithukuthele beselibhujiswa endleleni yenu, ngoba intukuthelo yakhe ingavutha ngesikhatshana. Babusisiwe bonke abaphephela kuye.
Kiss the Son, lest he be angry, and ye perish [from] the way, when his wrath is kindled but a little. Blessed [are] all they that put their trust in him.
