Amahubo 147
1 Dumisani uThixo. Kuhle kangakanani ukuhlabela indumiso kuNkulunkulu wethu, kumnandi njalo kufanele ukumbonga!
Praise JAH, for it is good to sing praises to our God; for it is pleasant and fitting to praise him.
2 UThixo uyalakha iJerusalema; aqoqe labo abahlakazekileyo baka-Israyeli.
Jehovah builds up Jerusalem. He gathers together the outcasts of Israel.
3 Uyabathoba abadabukileyo enhliziyweni abophe amanxeba abo.
He heals the broken in heart, and binds up their wounds.
4 Umisile ubunengi bezinkanyezi aziqambe leyo laleyo ngamabizo.
He counts the number of the stars. He calls them all by their names.
5 INkosi yethu inkulu, njalo makhulu amandla ayo; ukuzwisisa kwayo kakulamkhawulo.
Great is our Lord, and mighty in power. His understanding is infinite.
6 UThixo uyabasekela abathobekileyo kodwa abaphosele phansi ababi.
Jehovah upholds the humble. He brings the wicked down to the ground.
7 Hlabelani kuThixo ngokubonga; litshaye amachacho kuNkulunkulu wethu.
Sing to Jehovah with thanksgiving. Sing praises on the harp to our God,
8 Uyembesa umkhathi ngamayezi; awuphe umhlaba izulu njalo akhulise utshani ezintabeni.
who covers the sky with clouds, who prepares rain for the earth, who makes grass grow on the mountains.
9 Unika inkomo utshani aphe lamatsiyane amawabayi nxa esekhala.
He provides food for the livestock, and for the young ravens when they call.
10 Ukuthokoza kwakhe kakukho emandleni ebhiza, loba injabulo yakhe ekuqineni kwemilenze yomuntu;
He doesn't delight in the strength of the horse. He takes no pleasure in the legs of a man.
11 UThixo uthokoza ngalabo abamesabayo, ababeka ithemba labo ethandweni lwakhe olungaphuthiyo.
Jehovah takes pleasure in those who fear him, in those who hope in his loving kindness.
12 Umbabaze uThixo, Oh Jerusalema; dumisa uNkulunkulu wakho, Oh Ziyoni.
Praise Jehovah, Jerusalem. Praise your God, Zion.
13 Ngoba uyaqinisa imigoqo yamasango akho, abusise labantu bakho ngaphakathi kwakho.
For he has strengthened the bars of your gates. He has blessed your children within you.
14 Wenza ukuthula emikhawulweni yelizwe lakho. Njalo ukusuthisa ngamabele amahle kakhulu.
He makes peace in your borders. He fills you with the finest of the wheat.
15 Uthumela umlayo wakhe emhlabeni; ilizwi lakhe ligijima masinyane.
He sends out his commandment to the earth. His word runs very swiftly.
16 Wendlala ungqwaqwane njengoboya bezimvu ahaze iliqhwa njengomlotha.
He gives snow like wool, and scatters frost like ashes.
17 Uphosela phansi isiqhotho sakhe njengamatshe. Ngubani ongamelana lomfutho wakhe olomqando na?
He hurls down his hail like pebbles. Who can stand before his cold?
18 Uthumela ilizwi lakhe konke kuncibilike; aphephethise umoya wakhe amanzi ageleze.
He sends out his word, and melts them. He causes his wind to blow, and the waters flow.
19 Ulivezile ilizwi lakhe kuJakhobe, imithetho yakhe lezahlulelo ku-Israyeli.
He shows his word to Jacob; his statutes and his ordinances to Israel.
20 Lokhu kazange akwenzele esinye isizwe; kaziyazi imithetho yakhe. Dumisani uThixo.
He has not done this for just any nation. They do not know his ordinances. Praise JAH.
