Amahubo 147
1 Dumisani uThixo. Kuhle kangakanani ukuhlabela indumiso kuNkulunkulu wethu, kumnandi njalo kufanele ukumbonga!
Hallelujah! How good it is to sing praises to our God, how pleasant and lovely to praise Him!
2 UThixo uyalakha iJerusalema; aqoqe labo abahlakazekileyo baka-Israyeli.
The LORD builds up Jerusalem; He gathers the exiles of Israel.
3 Uyabathoba abadabukileyo enhliziyweni abophe amanxeba abo.
He heals the brokenhearted and binds up their wounds.
4 Umisile ubunengi bezinkanyezi aziqambe leyo laleyo ngamabizo.
He determines the number of the stars; He calls them each by name.
5 INkosi yethu inkulu, njalo makhulu amandla ayo; ukuzwisisa kwayo kakulamkhawulo.
Great is our Lord, and mighty in power; His understanding has no limit.
6 UThixo uyabasekela abathobekileyo kodwa abaphosele phansi ababi.
The LORD sustains the humble, but casts the wicked to the ground.
7 Hlabelani kuThixo ngokubonga; litshaye amachacho kuNkulunkulu wethu.
Sing to the LORD with thanksgiving; make music on the harp to our God,
8 Uyembesa umkhathi ngamayezi; awuphe umhlaba izulu njalo akhulise utshani ezintabeni.
who covers the sky with clouds, who prepares rain for the earth, who makes grass to grow on the hills.
9 Unika inkomo utshani aphe lamatsiyane amawabayi nxa esekhala.
He provides food for the animals, and for the young ravens when they call.
10 Ukuthokoza kwakhe kakukho emandleni ebhiza, loba injabulo yakhe ekuqineni kwemilenze yomuntu;
He does not delight in the strength of the horse; He takes no pleasure in the legpower of the man.
11 UThixo uthokoza ngalabo abamesabayo, ababeka ithemba labo ethandweni lwakhe olungaphuthiyo.
The LORD is pleased with those who fear Him, who hope in His loving devotion.
12 Umbabaze uThixo, Oh Jerusalema; dumisa uNkulunkulu wakho, Oh Ziyoni.
Exalt the LORD, O Jerusalem; praise your God, O Zion!
13 Ngoba uyaqinisa imigoqo yamasango akho, abusise labantu bakho ngaphakathi kwakho.
For He strengthens the bars of your gates and blesses the children within you.
14 Wenza ukuthula emikhawulweni yelizwe lakho. Njalo ukusuthisa ngamabele amahle kakhulu.
He makes peace at your borders; He fills you with the finest wheat.
15 Uthumela umlayo wakhe emhlabeni; ilizwi lakhe ligijima masinyane.
He sends forth His command to the earth; His word runs swiftly.
16 Wendlala ungqwaqwane njengoboya bezimvu ahaze iliqhwa njengomlotha.
He spreads the snow like wool; He scatters the frost like ashes;
17 Uphosela phansi isiqhotho sakhe njengamatshe. Ngubani ongamelana lomfutho wakhe olomqando na?
He casts forth His hail like pebbles. Who can withstand His icy blast?
18 Uthumela ilizwi lakhe konke kuncibilike; aphephethise umoya wakhe amanzi ageleze.
He sends forth His word and melts them; He unleashes His winds, and the waters flow.
19 Ulivezile ilizwi lakhe kuJakhobe, imithetho yakhe lezahlulelo ku-Israyeli.
He declares His word to Jacob, His statutes and judgments to Israel.
20 Lokhu kazange akwenzele esinye isizwe; kaziyazi imithetho yakhe. Dumisani uThixo.
He has done this for no other nation; they do not know His judgments. Hallelujah!
