Amahubo 146

1 Dumisani uThixo. Dumisa uThixo mphefumulo wami.

Praise you the LORD. Praise the LORD, O my soul.

2 Ngizamdumisa uThixo impilo yami yonke; ngizahlabela indumiso kuNkulunkulu wami nxa ngisaphila.

While I live will I praise the LORD: I will sing praises to my God while I have any being.

3 Lingabeki ithemba lenu emakhosini, ebantwini benyama, abangeke basindise.

Put not your trust in princes, nor in the son of man, in whom there is no help.

4 Kuthi umoya wabo ungaphuma, babuyele emhlabathini; mhlalokho nje amacebo ahle abhidlike.

His breath goes forth, he returns to his earth; in that very day his thoughts perish.

5 Ubusisiwe lowo osizo lwakhe lunguNkulunkulu kaJakhobe, othemba lakhe likuThixo uNkulunkulu wakhe.

Happy is he that has the God of Jacob for his help, whose hope is in the LORD his God:

6 UnguMenzi wamazulu lomhlaba, ulwandle lakho konke okulapho: uThixo owala elokhu ethembekile laphakade.

Which made heaven, and earth, the sea, and all that therein is: which keeps truth for ever:

7 Uyabalwela abancindezelwayo anike abalambileyo ukudla. UThixo ukhulula izibotshwa,

Which executes judgment for the oppressed: which gives food to the hungry. The LORD looses the prisoners:

8 uThixo wenza iziphofu zibone, uThixo uyabaphakamisa labo asebebhazalele, uThixo uthanda abalungileyo.

The LORD opens the eyes of the blind: the LORD raises them that are bowed down: the LORD loves the righteous:

9 UThixo uyabalinda abezizweni asekele izintandane labafelokazi, kodwa anyampise izindlela zababi.

The LORD preserves the strangers; he relieves the fatherless and widow: but the way of the wicked he turns upside down.

10 UThixo uyabusa nini lanini, uNkulunkulu wakho, wena Ziyoni, ezizukulwaneni zonke. Dumisani uThixo.

The LORD shall reign for ever, even your God, O Zion, to all generations. Praise you the LORD.