Amahubo 138

1 ElikaDavida. Ngizakudumisa, Thixo, ngenhliziyo yami yonke; phambi kwabo “nkulunkulu” ngizahlabelela udumo lwakho.

“A psalm of David.” I will praise thee with my whole heart; Before the gods will I sing praise to thee;

2 Ngizakhothama ngikhangele ethempelini lakho elingcwele ngidumise ibizo lakho, ngenxa yothando lwakho lokuthembeka kwakho, ngoba uphakamise ngaphezu kwezinto zonke ibizo lakho lelizwi lakho.

I will worship toward thy holy temple, And praise thy name for thy goodness and thy truth; For thy promise thou hast magnified above all thy name!

3 Ngabiza wena wangiphendula; wangenza ngaba lesibindi lenhliziyo eqinileyo.

In the day when I called, thou didst hear me; Thou didst strengthen me, and encourage my soul.

4 Sengathi wonke amakhosi omhlaba angakudumisa, Oh Thixo, lapho esizwa amazwi omlomo wakho.

All the kings of the earth shall praise thee, O LORD! When they hear the promises of thy mouth!

5 Sengathi bangahlabela ngezindlela zikaThixo ngoba inkazimulo kaThixo inkulu.

Yea, they shall sing of the ways of the LORD; For great is the glory of the LORD.

6 Loba uThixo ephakeme, uyabananza abathobekileyo, kodwa abazigqajayo ubazi ekhatshana labo.

The LORD is high, yet he looketh upon the humble, And the proud doth he know from afar.

7 Loba ngihamba phakathi kohlupho uyayilondoloza impilo yami; uyaselula isandla sakho ukungivikela elakeni lwezitha zami, ngesandla sakho sokunene uyangisindisa.

Though I walk through the midst of trouble, thou wilt revive me; Thou wilt stretch forth thy hand against the wrath of my enemies; Thou wilt save me by thy right hand!

8 UThixo uzagcwalisa icebo lakhe ngami; uthando lwakho, Oh Thixo, lumi laphakade ungawutshiyi umsebenzi wezandla zakho.

The LORD will perform all things for me; Thy goodness, O LORD! endureth ever: Forsake not the works of thine hands!