Amahubo 130

1 Ingoma yemiqanso. Ngingaphansi ekujuleni ngiyakhala kuwe, Thixo;

Ngisenzikini ngakhalela kuwe, Nkosi.

2 Thixo, zwana ilizwi lami. Indlebe zakho kazilalele ukukhala kwami ngicela umusa.

Nkosi, zwana ilizwi lami, indlebe zakho zilalele ilizwi lokuncenga kwami.

3 Aluba wena, Thixo ububhala phansi zonke izono, ngubani ongema na Nkosi?

Uba wena, Nkosi, uqaphela iziphambeko, Nkosi, ngubani ongema?

4 Kodwa kuwe kulentethelelo; ngalokho uyesatshwa.

Kodwa kuwe kulothethelelo, ukuze wesatshwe.

5 Ngiyamlindela uThixo, umphefumulo wami uyalinda, ngibeka ithemba lami elizwini lakho.

Ngiyilindele iNkosi, umphefumulo wami ulindile, lelizwini layo ngiyathemba.

6 Umphefumulo wami ulindela uThixo okudlula abalindi bemelele ukusa, okudlula abalindi bemelele ukusa.

Umphefumulo wami ulindela iNkosi okwedlula abalindele ukusa, belindele ukusa.

7 We Israyeli, beka ithemba lakho kuThixo, ngoba kuye uThixo kulothando olungaphuthiyo njalo kuye kulensindiso epheleleyo.

UIsrayeli kathembele eNkosini; ngoba eNkosini kulothandolomusa, njalo kuyo kulohlengo olunengi.

8 Yena ngokwakhe uzahlenga u-Israyeli kuzozonke izono zabo.

Yona-ke izahlenga uIsrayeli kuzo zonke iziphambeko zakhe.