Amahubo 129

1 Ingoma yemiqanso. Sebengihluphe kakhulu kusukela ebutsheni bami katsho njalo u-Israyeli,

Kanengi bangihluphile kusukela ebutsheni bami, katsho-ke uIsrayeli,

2 sebengihluphe kakhulu kusukela ebutsheni bami, kodwa kabangehlulanga.

kanengi bangihluphile kusukela ebutsheni bami, kanti kabangehlulanga.

3 Abalimi bawulimile umhlane wami benza imifolo emide.

Abalimi balima emhlana wami, bayenza yaba mide imifolo yabo.

4 Kodwa uThixo ulungile; ungikhulule ezintanjeni zababi.

INkosi ilungile, iqumile intambo zababi.

5 Akuthi bonke abayizondayo iZiyoni babuyiselwe emuva beyangekile.

Kabayangeke babuyiselwe emuva bonke abazonda iZiyoni.

6 Sengathi bangaba njengotshani obukhula ephahleni obubuna bungakakhuli;

Kababe njengotshani ephahleni, obubuna bungakakhuli,

7 umvuni angeke agcwalisa isandla sakhe ngabo, loba lowo obuthayo agcwalise izingalo zakhe.

ovunayo angagcwalisi ngabo isandla sakhe, lalowo obopha izithungo isifuba sakhe.

8 Sengathi labo abadlulayo bangabokuthi, “Izibusiso zikaThixo mazibe kuwe; siyakubusisa ngegama likaThixo.”

Labadlulayo bangatsho ukuthi: Isibusiso seNkosi kasibe phezu kwenu; siyalibusisa ebizweni leNkosi.