Amahubo 126

1 Ingoma yemiqanso. Kwathi lapho uThixo ebuyisa izithunjwa eZiyoni, sasinjengabantu abaphuphayo.

Lapho iNkosi ibuyisa abathunjiweyo beZiyoni, saba njengabaphuphayo.

2 Imilomo yethu yayigcwele ngohleko, lezindimi zethu zicula izingoma zentokozo. Basebesithi abezizwe, “UThixo ubenzele izinto ezimangalisayo.”

Umlomo wethu wasugcwala uhleko, lolimi lwethu ukuhlabelela. Basebesithi phakathi kwezizwe: INkosi ibenzele izinto ezinkulu.

3 UThixo usenzele izinto ezimangalisayo, ngakho siyathokoza kakhulu.

INkosi isenzele izinto ezinkulu; siyathokoza.

4 Buyisa ukuphumelela kwethu, Oh Thixo, njengemifula eseNegebi.

Buyisa, Nkosi, ukuthunjwa kwethu, njengezifula zeningizimu.

5 Labo abahlanyela ngezinyembezi bazavuna ngezingoma zentokozo.

Abahlanyela ngezinyembezi bazavuna ngentokozo.

6 Lowo ophuma ekhala, ethwele inhlanyelo ukuba ayehlanyela uzabuya ngezingoma zentokozo, ethwele izinyanda.

Yena ohamba ahambe ekhala inyembezi, ephethe inhlanyelo yokuhlanyela, isibili uzabuya ethokoza, ethwele inyanda zakhe.