Amahubo 123

1 Ingoma yemiqanso. Ngiphakamisela amehlo ami kuwe, wena osesihlalweni sobukhosi emazulwini!

Ngiyaphakamisela kuwe amehlo ami, wena ohlezi emazulwini.

2 Njengalokhu amehlo ezisebenzi ekhangela isandla somqatshi wazo, lanjengoba amehlo encekukazi ekhangela isandla senkosikazi yayo, kanjalo amehlo ethu akhangela kuThixo uNkulunkulu wethu, aze abe lomusa kithi.

Khangela, njengalokhu amehlo ezinceku engasesandleni senkosi yazo, njengamehlo encekukazi engasesandleni senkosikazi yayo, ngokunjalo amehlo ethu angaseNkosini uNkulunkulu wethu, ize ibe lesihawu kithi.

3 Woba lomusa kithi, Oh Thixo, woba lomusa kithi, ngoba sesidiniwe yikweyiswa.

Woba lesihawu kithi, Nkosi, woba lesihawu kithi, ngoba sigcwele kakhulu yikudelelwa.

4 Sesibhensele ukuhozwa okunengi ngabazigqajayo, ukweyiswa yilabo abaklolodayo.

Umphefumulo wethu ugcwele kakhulu yikukloloda kwabonwabileyo, yikudelela kwabazigqajayo.