Amahubo 122

1 Ingoma yemiqanso. ElikaDavida. Ngathokoza lalabo abathi kimi, “Kasiye endlini kaThixo.”

שיר המעלות לדוד שמחתי באמרים לי בית יהוה נלך׃

2 Inyawo zethu zimi ngaphakathi kwamasango akho, wena Jerusalema.

עמדות היו רגלינו בשעריך ירושלם׃

3 IJerusalema yakhiwe njengomuzi obambeneyo waqina.

ירושלם הבנויה כעיר שחברה לה יחדו׃

4 Kulapho eziqansela khona izizwana, izizwana zikaThixo, ukudumisa ibizo likaThixo njengalokho okwamiselwa u-Israyeli, ukuba abonge ibizo likaThixo.

ששם עלו שבטים שבטי יה עדות לישראל להדות לשם יהוה׃

5 Kulapho okumi khona izihlalo zobukhosi ezokwahlulela, izihlalo zobukhosi ezendlu kaDavida.

כי שמה ישבו כסאות למשפט כסאות לבית דויד׃

6 Khulekelani ukuthula kwaseJerusalema: “Sengathi labo abakuthandayo bangaphepha.

שאלו שלום ירושלם ישליו אהביך׃

7 Sengathi kungaba lokuthula ngaphakathi kwemiduli yakho lokuvikela ngaphakathi kwezinqaba zakho.”

יהי שלום בחילך שלוה בארמנותיך׃

8 Ngenxa yabafowethu labangane bami, ngizakuthi, “Ukuthula akube ngaphakathi kwakho.”

למען אחי ורעי אדברה נא שלום בך׃

9 Ngenxa yendlu kaThixo uNkulunkulu wethu, ngizakhuthaza ukuphumelela kwakho.

למען בית יהוה אלהינו אבקשה טוב לך׃