Amahubo 122

1 Ingoma yemiqanso. ElikaDavida. Ngathokoza lalabo abathi kimi, “Kasiye endlini kaThixo.”

A Song of Ascents; of David. I was glad when they said unto me, Let us go unto the house of the LORD.

2 Inyawo zethu zimi ngaphakathi kwamasango akho, wena Jerusalema.

Our feet are standing within thy gates, O Jerusalem;

3 IJerusalema yakhiwe njengomuzi obambeneyo waqina.

Jerusalem, that art builded as a city that is compact together:

4 Kulapho eziqansela khona izizwana, izizwana zikaThixo, ukudumisa ibizo likaThixo njengalokho okwamiselwa u-Israyeli, ukuba abonge ibizo likaThixo.

Whither the tribes go up, even the tribes of the LORD [for] a testimony unto Israel, to give thanks into the name of the LORD.

5 Kulapho okumi khona izihlalo zobukhosi ezokwahlulela, izihlalo zobukhosi ezendlu kaDavida.

For there are set thrones for judgment, the thrones of the house of David.

6 Khulekelani ukuthula kwaseJerusalema: “Sengathi labo abakuthandayo bangaphepha.

Pray for the peace of Jerusalem: they shall prosper that love thee.

7 Sengathi kungaba lokuthula ngaphakathi kwemiduli yakho lokuvikela ngaphakathi kwezinqaba zakho.”

Peace be within thy walls, and prosperity within thy palaces.

8 Ngenxa yabafowethu labangane bami, ngizakuthi, “Ukuthula akube ngaphakathi kwakho.”

For my brethren and companions’ sakes, I will now say, Peace be within thee.

9 Ngenxa yendlu kaThixo uNkulunkulu wethu, ngizakhuthaza ukuphumelela kwakho.

For the sake of the house of the LORD our God I will seek thy good.