Amahubo 122

1 Ingoma yemiqanso. ElikaDavida. Ngathokoza lalabo abathi kimi, “Kasiye endlini kaThixo.”

A Song of Degrees. I was glad when they said to me, Let us go into the house of the Lord.

2 Inyawo zethu zimi ngaphakathi kwamasango akho, wena Jerusalema.

Our feet stood in your courts, O Jerusalem.

3 IJerusalema yakhiwe njengomuzi obambeneyo waqina.

Jerusalem is built as a city whose fellowship is complete.

4 Kulapho eziqansela khona izizwana, izizwana zikaThixo, ukudumisa ibizo likaThixo njengalokho okwamiselwa u-Israyeli, ukuba abonge ibizo likaThixo.

For there the tribes went up, the tribes of the Lord, as a testimony for Israel, to give thanks to the name of the Lord.

5 Kulapho okumi khona izihlalo zobukhosi ezokwahlulela, izihlalo zobukhosi ezendlu kaDavida.

For there are set thrones for judgement, [even] thrones for the house of David.

6 Khulekelani ukuthula kwaseJerusalema: “Sengathi labo abakuthandayo bangaphepha.

Pray now for the peace of Jerusalem: and [let there be] prosperity to them that love you.

7 Sengathi kungaba lokuthula ngaphakathi kwemiduli yakho lokuvikela ngaphakathi kwezinqaba zakho.”

Let peace, I pray, be within your host, and prosperity in your palaces.

8 Ngenxa yabafowethu labangane bami, ngizakuthi, “Ukuthula akube ngaphakathi kwakho.”

For the sake of my brethren and my neighbours, I have indeed spoken peace concerning you.

9 Ngenxa yendlu kaThixo uNkulunkulu wethu, ngizakhuthaza ukuphumelela kwakho.

Because of the house of the Lord our God, I have diligently sought your good.