Amahubo 122

1 Ingoma yemiqanso. ElikaDavida. Ngathokoza lalabo abathi kimi, “Kasiye endlini kaThixo.”

A song of ascents. Of David. I was glad when they said to me, “Let us go to the house of the LORD.”

2 Inyawo zethu zimi ngaphakathi kwamasango akho, wena Jerusalema.

Our feet are standing in your gates, O Jerusalem.

3 IJerusalema yakhiwe njengomuzi obambeneyo waqina.

Jerusalem is built up as a city united together,

4 Kulapho eziqansela khona izizwana, izizwana zikaThixo, ukudumisa ibizo likaThixo njengalokho okwamiselwa u-Israyeli, ukuba abonge ibizo likaThixo.

where the tribes go up, the tribes of the LORD, as a testimony for Israel, to give thanks to the name of the LORD.

5 Kulapho okumi khona izihlalo zobukhosi ezokwahlulela, izihlalo zobukhosi ezendlu kaDavida.

For there the thrones of judgment stand, the thrones of the house of David.

6 Khulekelani ukuthula kwaseJerusalema: “Sengathi labo abakuthandayo bangaphepha.

Pray for the peace of Jerusalem: “May those who love you prosper.

7 Sengathi kungaba lokuthula ngaphakathi kwemiduli yakho lokuvikela ngaphakathi kwezinqaba zakho.”

May there be peace within your walls, and prosperity inside your fortresses.”

8 Ngenxa yabafowethu labangane bami, ngizakuthi, “Ukuthula akube ngaphakathi kwakho.”

For the sake of my brothers and friends, I will say, “Peace be within you.”

9 Ngenxa yendlu kaThixo uNkulunkulu wethu, ngizakhuthaza ukuphumelela kwakho.

For the sake of the house of the LORD our God, I will seek your prosperity.