Amahubo 116
1 Ngiyamthanda uThixo ngoba walizwa ilizwi lami; wezwa ukukhala kwami ngicela umusa.
Ngiyayithanda iNkosi, ngoba izwile ilizwi lami, ukunxusa kwami.
2 Ngoba wangipha indlela yakhe, ngizambiza kokuphela nxa ngisaphila.
Ngoba ibeke indlebe yayo kimi, ngakho ngizayibiza ensukwini zami.
3 Izibopho zokufa zangithandela, ubuhlungu obukhulu bengcwaba bangehlela; ngagajelwa yikuhlupheka losizi. (Sheol h7585)
Izibopho zokufa zangihanqa, lenhlungu zesihogo zangibamba; ngathola inhlupheko losizi. (Sheol h7585)
4 Ngasengibiza ibizo likaThixo: “Oh Thixo ake ungisindise!”
Ngasengibiza ibizo leNkosi, ngathi: O Nkosi, khulula umphefumulo wami.
5 UThixo ulomusa njalo ulungile; uNkulunkulu wethu ulesihawu.
Ilomusa iNkosi, ilungile; ye, uNkulunkulu wethu ulesihawu.
6 UThixo uvikela abalenhliziyo ethobekileyo; ngathi ngihluphekile kakhulu wangisindisa.
INkosi iyabalondoloza abathobekileyo; ngehliselwa phansi, yasingisindisa.
7 Phumula njalo, we mphefumulo wami, ngoba uThixo ukwenzile ukulunga.
Buyela, mphefumulo wami, ekuphumuleni kwakho, ngoba iNkosi ikuphethe ngomusa.
8 Ngoba wena Thixo, uwukhulule umphefumulo wami ekufeni, amehlo ami ezinyembezini, lezinyawo zami azaze zakhubeka,
Ngoba ikhulule umphefumulo wami ekufeni, amehlo ami ezinyembezini, unyawo lwami ekuweni.
9 ukuze ngihambe phambi kukaThixo elizweni labaphilayo.
Ngizahamba phambi kweNkosi emazweni abaphilayo.
10 Ngathembela kuThixo; ngakho ngasengisithi, “Ngiyahlupheka kakhulu.”
Ngakholwa, ngakho ngikhulumile. Mina ngahlupheka kakhulu.
11 Ngiphakathi kokulahla ithemba ngathi, “Bonke abantu balamanga.”
Mina ngathi ekuphangiseni kwami: Wonke umuntu ungumqambimanga.
12 Ngingambonga ngani uThixo ngabo bonke ubuhle bakhe kimi?
Ngizabuyiselani eNkosiningazo zonke inzuzo zayo kimi?
13 Ngizayiphakamisa inkezo yensindiso ngimemeze ibizo likaThixo.
Ngizathatha inkezo yosindiso, ngibize ibizo leNkosi.
14 Ngizazigcwalisa izifungo zami kuThixo phambi kwabo bonke abantu bakhe.
Ngizakhokha izifungo zami eNkosini, khathesi phambi kwabantu bayo bonke.
15 Kuligugu emehlweni kaThixo ukufa kwabathembekileyo bakhe.
Kuligugu emehlweni eNkosi ukufa kwabangcwele bayo.
16 Oh Thixo, ngempela ngiyinceku Yakho, indodana yencekukazi yakho; usungikhulule emaketaneni ami.
Hawu Nkosi, isibili ngiyinceku yakho, ngiyinceku yakho, indodana yencekukazi yakho; uthukulule izibopho zami.
17 Ngizakwenzela umhlatshelo womnikelo wokubonga ngilibize ibizo likaThixo
Ngizakuhlabela umhlatshelo wokubonga, ngibize ibizo leNkosi.
18 Ngizazigcwalisa izifungo zami kuThixo phambi kwabo bonke abantu bakhe,
Ngizakhokha izifungo zami eNkosini, khathesi phambi kwabantu bayo bonke,
19 emagumeni endlu kaThixo phakathi kwakho, wena Jerusalema. Dumisani uThixo.
emagumeni endlu yeNkosi, phakathi kwakho, Jerusalema. Dumisani iNkosi!
