Amahubo 112

1 Dumisani uThixo. Ubusisiwe umuntu owesaba uThixo, othokoza kakhulu ngemilayo yakhe.

Praise Yahweh. Blessed is the man who obeys Yahweh, who greatly delights in his commandments.

2 Abantwabakhe bazaba lamandla elizweni; isizukulwane soqotho sizabusiswa.

His descendants will be powerful on earth; the descendants of the godly man will be blessed.

3 Inotho lenzuzo kusendlini yakhe, lokulunga kwakhe kumi laphakade.

Wealth and riches are in his house; his righteousness will endure forever.

4 Lasebumnyameni kuyavela ukukhanya kwabaqotho, emuntwini olomusa, olesihawu lolungileyo.

Light shines in the darkness for the godly person; he is gracious, merciful, and just.

5 Ubuhle buzakwehlela kuye ophanayo loweboleka ekhululekile, oqhuba zonke izinto zakhe ngemfanelo.

It goes well for the man who deals graciously and lends money, who conducts his affairs with honesty.

6 Ngeqiniso kayikunyikinyeka; umuntu olungileyo uzakhunjulwa lanininini.

For he will never be moved; the righteous person will be remembered forever.

7 Akayikwesaba imibiko emibi; inhliziyo yakhe ichumile, yethembele kuThixo.

He does not fear bad news; he is confident, trusting in Yahweh.

8 Inhliziyo yakhe ikhululekile, akalakwesaba; ekucineni uzakhangela izitha zakhe ngokunqoba.

His heart is tranquil, without fear, until he looks in triumph over his adversaries.

9 Uhlakazele izipho zakhe kubayanga ezindaweni zonke, ukulunga kwakhe kumi laphakade; uphondo lwakhe luzaphakanyiselwa phezulu ngenhlonipho.

He generously gives to the poor; his righteousness endures forever; he will be exalted with honor.

10 Umuntu omubi uzakubona lokhu afuthelane, uzagedla amazinyo akhe, acikizeke emzimbeni; izinkanuko zababi zizaphetha ziyize.

The wicked person will see this and be angry; he will grind his teeth in rage and he will melt away; the desire of the wicked people will perish.