Amahubo 111

1 Dumisani uThixo. Ngizambabaza uThixo ngenhliziyo yami yonke enkundleni yabaqotho lasemhlanganweni.

Praise ye Yah! I will give thanks unto Yahweh, with a whole heart, in the circle of the upright and the assembly.

2 Mikhulu imisebenzi kaThixo; isemicabangweni yabo bonke abathokoza ngayo.

Great are the works of Yahweh, sought out, by all who find pleasure therein.

3 Zilenkazimulo lobukhosi izenzo zakhe, lokulunga Kwakhe kumi kuze kube laphakade.

Honourable and majestic, is his doing, and, his righteousness, standeth for aye.

4 Wenzile ukuthi izimanga zakhe zikhunjulwe; uThixo ulomusa lesihawu.

A memorial, hath he made by his wonders, Gracious and compassionate, is Yahweh.

5 Uyabapha ukudla labo abamesabayo; uyasikhumbula isivumelwano Sakhe lanini.

Food, hath he given to them who revere him, He will remember, age-abidingly, his covenant.

6 Ubatshengisile abantu bakhe amandla emisebenzi yakhe, ngokubapha amazwe ezinye izizwe.

The might of his works, hath he declared to his people, that he may give them the inheritance of the nations.

7 Imisebenzi yezandla zakhe ithembekile, ilungile; zonke iziqondiso zakhe ziyathembeka.

The works of his hands, are faithful and just, Firm are all his precepts;

8 Zimi kaziguquki nini lanini, zenziwa ngeqiniso langobuqotho.

Upheld to futurity, to times age-abiding, done in faithfulness and equity.

9 Wathumela abantu bakhe insindiso; wasingcwelisa isivumelwano Sakhe okwanininini lingcwele liyesabeka ibizo lakhe.

Ransom, hath he sent to his people, He hath commanded, to times age-abiding, his covenant, Holy and reverend, is his Name.

10 Ukumesaba uThixo kuyikuqala kwenhlakanipho bonke abalandela iziqondiso zakhe balokuzwisisa okuhle. Kungokwakhe ukudunyiswa kwaphakade.

The beginning of wisdom, is the reverence of Yahweh, Good discretion, have all that do them, His praise, endureth for aye.