Amahubo 109
1 Kumqondisi wokuhlabela. ElikaDavida. Ihubo. Oh Nkulunkulu, wena engikudumisayo, ungali ulokhu uthule,
| למנצח לדוד מזמור אלהי תהלתי אל תחרש׃ |
2 ngoba abantu ababi abalenkohliso bayivulile imilomo yabo bekhuluma ngami; bakhuluma bengigcona ngendimi zabo zamanga.
| כי פי רשע ופי מרמה עלי פתחו דברו אתי לשון שקר׃ |
3 Bangihonqolozela ngamazwi enzondo; bayangisukela nje kungelasizatho.
| ודברי שנאה סבבוני וילחמוני חנם׃ |
4 Ukubathanda kwami bakuphindisela ngokungisola, kodwa ngingumuntu womkhuleko.
| תחת אהבתי ישטנוני ואני תפלה׃ |
5 Bangiphindisela okuhle ngokubi, langenzondo ukubathanda kwami.
| וישימו עלי רעה תחת טובה ושנאה תחת אהבתי׃ |
6 Bathi, “Khethani umuntu omubi ozamelana laye; ombeka icala kame kwesokunene sakhe.
| הפקד עליו רשע ושטן יעמד על ימינו׃ |
7 Nxa esethonisiswa kafunyanwe elecala, futhi sengathi imikhuleko yakhe ingamlahla.
| בהשפטו יצא רשע ותפלתו תהיה לחטאה׃ |
8 Sengathi insuku zakhe zingabazilutshwana; kakube lomunye ozathatha isikhundla sakhe sobukhokheli.
| יהיו ימיו מעטים פקדתו יקח אחר׃ |
9 Sengathi abantwabakhe bangaba zintandane lomkakhe abe ngumfelokazi.
| יהיו בניו יתומים ואשתו אלמנה׃ |
10 Sengathi abantwabakhe bangaba zinzulane zeziceli; sengathi bangaxotshwa emizini yabo esingamanxiwa.
| ונוע ינועו בניו ושאלו ודרשו מחרבותיהם׃ |
11 Sengathi lowo aboleke kuye angamemuka konke alakho; sengathi labezizweni bangaphanga izithelo zamandla akhe.
| ינקש נושה לכל אשר לו ויבזו זרים יגיעו׃ |
12 Akungabikhona omenzela umusa loba ozwela izintandane zakhe.
| אל יהי לו משך חסד ואל יהי חונן ליתומיו׃ |
13 Sengathi izizukulwane zakhe zingaphela, amabizo abo esulwe esizukulwaneni esilandelayo.
| יהי אחריתו להכרית בדור אחר ימח שמם׃ |
14 Sengathi ububi bukayise bungakhunjulwa phambi kukaThixo, sengathi isono sikanina singacitshi lanini.
| יזכר עון אבתיו אל יהוה וחטאת אמו אל תמח׃ |
15 Sengathi izono zabo zingahlala zisobala phambi kukaThixo, ukuze aphelise du ukukhunjulwa kwabo emhlabeni.
| יהיו נגד יהוה תמיד ויכרת מארץ זכרם׃ |
16 Ngoba kazange akhumbule ukwenza umusa kodwa wabazingelela ukufa abayanga labaswelayo labadabukileyo enhliziyweni.
| יען אשר לא זכר עשות חסד וירדף איש עני ואביון ונכאה לבב למותת׃ |
17 Wayekuthanda ukwethesa isithuko, sengathi singehlela kuye. Wayengakuthandi ukubusisa sengathi kungaba khatshana laye.
| ויאהב קללה ותבואהו ולא חפץ בברכה ותרחק ממנו׃ |
18 Wayevunula ukuthuka njengesigqoko; kwangena emzimbeni wakhe njengamanzi, emathanjeni akhe njengamafutha.
| וילבש קללה כמדו ותבא כמים בקרבו וכשמן בעצמותיו׃ |
19 Sengathi kungaba njengengubo athandelwe ngayo njengebhanti abotshwe ngalo lanini.”
| תהי לו כבגד יעטה ולמזח תמיד יחגרה׃ |
20 Sengathi lokhu kungaba yisijeziso sikaThixo kulabo abangethesa amacala, labo abakhuluma okubi ngami.
| זאת פעלת שטני מאת יהוה והדברים רע על נפשי׃ |
21 Kodwa wena, Oh Thixo woBukhosi, ngenzela kuhle ngenxa yebizo lakho; ngenxa yokulunga kothando lwakho akungikhulule.
| ואתה יהוה אדני עשה אתי למען שמך כי טוב חסדך הצילני׃ |
22 Ngoba ngingumyanga ngiyaswela, lenhliziyo yami ilimele ngaphakathi kwami.
| כי עני ואביון אנכי ולבי חלל בקרבי׃ |
23 Ngiyafiphala njengethunzi lakusihlwa; ngiyaphetshulwa njengentethe.
| כצל כנטותו נהלכתי ננערתי כארבה׃ |
24 Amadolo ami asebuthakathaka ngokuzila ukudla; umzimba wami usuzacile usutshwabhene.
| ברכי כשלו מצום ובשרי כחש משמן׃ |
25 Sengiyinto yokuhlekisa kulabo abangibeka amacala; bathi bengibona banyikinye amakhanda abo.
| ואני הייתי חרפה להם יראוני יניעון ראשם׃ |
26 Akungisize, Oh Thixo Nkulunkulu wami; ngisindisa ngokuya ngothando lwakho.
| עזרני יהוה אלהי הושיעני כחסדך׃ |
27 Kumele bakwazi ukuthi lokhu ngokwesandla sakho; wena, Oh Thixo, nguwe okwenzileyo.
| וידעו כי ידך זאת אתה יהוה עשיתה׃ |
28 Bangangiqalekisa, kodwa wena uzabusisa; bathi bayahlasela bayangiswe, kodwa inceku yakho izathokoza.
| יקללו המה ואתה תברך קמו ויבשו ועבדך ישמח׃ |
29 Abangivukelayo kabembeswe ihlazo bagoqelwe ngokuyangeka njengengubo.
| ילבשו שוטני כלמה ויעטו כמעיל בשתם׃ |
30 Ngomlomo wami ngizambabaza kakhulu uThixo; ngisemphakathini ngizamdumisa.
| אודה יהוה מאד בפי ובתוך רבים אהללנו׃ |
31 Ngoba umi ngakwesokunene salowo oswelayo, ukusindisa impilo yakhe kulabo abamnikela ekufeni.
| כי יעמד לימין אביון להושיע משפטי נפשו׃ |
