Amahubo 102
1 Umkhuleko womuntu okhathazekileyo. Lapho esephela umoya eseqhinqa isililo phambi kukaThixo. Zwana umkhuleko wami, Oh Thixo; ukukhala kwami ngicela uncedo kakufike kuwe.
| תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃ |
2 Ungangifihleli ubuso bakho nxa ngikhathazekile. Ngipha indlebe yakho; nxa ngibiza ngiphendula masinyane.
| אל תסתר פניך ממני ביום צר לי הטה אלי אזנך ביום אקרא מהר ענני׃ |
3 Ngoba insuku zami ziyanyamalala njengentuthu; amathambo ami ayavutha njengamalahle abhebhayo.
| כי כלו בעשן ימי ועצמותי כמו קד נחרו׃ |
4 Inhliziyo yami yonakele, ibunile njengotshani; ngiyakhohlwa ukudla kwami.
| הוכה כעשב ויבש לבי כי שכחתי מאכל לחמי׃ |
5 Ngenxa yokububula kwami okukhulu sengiphelile, isikhumba sesinamathela emathanjeni.
| מקול אנחתי דבקה עצמי לבשרי׃ |
6 Sengifana lesikhova senkangala, njengesikhova semanxiweni.
| דמיתי לקאת מדבר הייתי ככוס חרבות׃ |
7 Ngilala ngikhangele; senginjengenyoni ehlezi yodwa ephahleni.
| שקדתי ואהיה כצפור בודד על גג׃ |
8 Ilanga lonke izitha zami ziyangichukuluza; labo abangichothozayo badlala ngebizo lami njengesethuko.
| כל היום חרפוני אויבי מהוללי בי נשבעו׃ |
9 Ngoba ngidla umlotha njengokudla kwami, ngixube okunathwayo kwami ngezinyembezi
| כי אפר כלחם אכלתי ושקוי בבכי מסכתי׃ |
10 ngenxa yokuthukuthela kwakho okukhulu, ngoba ungiqukule wangilahlela eceleni.
| מפני זעמך וקצפך כי נשאתני ותשליכני׃ |
11 Insuku zami zifana lesithunzi sakusihlwa; ngiyabuna njengotshani.
| ימי כצל נטוי ואני כעשב איבש׃ |
12 Kodwa wena, Oh Thixo, uhlezi ebukhosini lanininini; udumo lwakho lumi ezizukulwaneni zonke.
| ואתה יהוה לעולם תשב וזכרך לדר ודר׃ |
13 Uzaphakama uzwele iZiyoni isihawu, ngoba sekuyisikhathi sokutshengisa umusa kuyo, isikhathi esimisiweyo sesifikile.
| אתה תקום תרחם ציון כי עת לחננה כי בא מועד׃ |
14 Ngoba amatshe ayo aligugu ezincekwini zakho; othuli lwayo nje lubalethela usizi.
| כי רצו עבדיך את אבניה ואת עפרה יחננו׃ |
15 Izizwe zizalesaba ibizo likaThixo, wonke amakhosi omhlaba azahlonipha inkazimulo yakhe.
| וייראו גוים את שם יהוה וכל מלכי הארץ את כבודך׃ |
16 Ngoba uThixo uzayakha kutsha iZiyoni avele enkazimulweni yakhe.
| כי בנה יהוה ציון נראה בכבודו׃ |
17 Uzaphendula imikhuleko yabahluphekayo; kazukweyisa isicelo sabo.
| פנה אל תפלת הערער ולא בזה את תפלתם׃ |
18 Lokhu kakulotshwe phansi kube ngokwesizukulwane sakusasa, ukuze abantu abangakadalwa bamdumise uThixo:
| תכתב זאת לדור אחרון ועם נברא יהלל יה׃ |
19 “UThixo wakhangela phansi ephezulu endlini yakhe engcwele, esezulwini wawuhlola umhlaba,
| כי השקיף ממרום קדשו יהוה משמים אל ארץ הביט׃ |
20 ukuze ezwe ukububula kwezibotshwa lokukhulula labo ababegwetshelwe ukufa.”
| לשמע אנקת אסיר לפתח בני תמותה׃ |
21 Ngalokho-ke ibizo likaThixo lizamenyezelwa eZiyoni lodumo lwakhe eJerusalema,
| לספר בציון שם יהוה ותהלתו בירושלם׃ |
22 lapha izizwe lemibuso sekuhlangana ndawonye ukukhonza uThixo.
| בהקבץ עמים יחדו וממלכות לעבד את יהוה׃ |
23 Wawanciphisa amandla ami ngisaphila; waziphungula insuku zami.
| ענה בדרך כחו קצר ימי׃ |
24 Yikho ngasengisithi, “Ungangithathi, Oh Nkulunkulu wami, ngilokhu ngisephakathi kwensuku zami; iminyaka yakho ihlala ikhona ezizukulwaneni zonke.
| אמר אלי אל תעלני בחצי ימי בדור דורים שנותיך׃ |
25 Ekuqaleni wabeka izisekelo zomhlaba, lamazulu angumsebenzi wezandla zakho.
| לפנים הארץ יסדת ומעשה ידיך שמים׃ |
26 Konke kuzabhubha, kodwa wena uzasala; konke kuzaguga njengesigqoko. Njengesivunulo uzakuguqula kucine sekulahlwa.
| המה יאבדו ואתה תעמד וכלם כבגד יבלו כלבוש תחליפם ויחלפו׃ |
27 Kodwa wena uhlala unjalo, leminyaka yakho kayiyikuphela.
| ואתה הוא ושנותיך לא יתמו׃ |
28 Abantwana bezinceku zakho bazahlala besemehlweni akho; izizukulwane zazo zizaqiniswa phambi kwakho.”
| בני עבדיך ישכונו וזרעם לפניך יכון׃ |
