Amahubo 1

1 Ubusisiwe umuntu ongahambi ngezeluleko zababi; ongemiyo endleleni yezoni; ongahlaliyo esihlalweni sabaklolodayo.

Ubusisiwe umuntu ongahambi ngeseluleko sababi, ongemi endleleni yezoni, ongahlali esihlalweni sabagconayo;

2 Kodwa ukuthokoza kwakhe kusemthethweni kaThixo, futhi unakana ngomthetho wakhe imini lobusuku.

kodwa intokozo yakhe isemlayweni weNkosi, uzindla ngomlayo wayo emini lebusuku.

3 Unjengesihlahla esihlanyelwe emifuleni yamanzi, esithela izithelo zaso ngesikhathi saso, ohlamvu laso kalibuni. Konke akwenzayo kuyaphumelela.

Njalo uzakuba njengesihlahla esihlanyelwe emifuleni yamanzi, esithela isithelo saso ngesikhathi saso, ohlamvu laso kaliyikubuna; lakho konke akwenzayo kuzaphumelela.

4 Ababi kabanjalo! Banjengamakhoba aphetshulwa ngumoya.

Ababi kabanjalo, kodwa banjengamakhoba umoya owaphephulayo.

5 Ngakho ababi kabayikuma ekwahlulelweni, noma izoni enkundleni yabalungileyo.

Ngakho ababi kabayikuma ekwahlulelweni, lezoni enhlanganweni yabalungileyo.

6 Ngoba uThixo uyayilinda indlela yabalungileyo, kodwa indlela yababi iya ekubhujisweni.

Ngoba iNkosi iyayazi indlela yabalungileyo, kodwa indlela yababi izabhubha.