Izaga 18
1 Umuntu ongelamusa uzifunela okwakhe; uyazilahla zonke iziqondiso ezinhle.
| לתאוה יבקש נפרד בכל-תושיה יתגלע |
2 Isiwula kasikuthakazeleli ukuzwisisa kodwa sithokoza ngokutsho eyaso imibono.
| לא-יחפץ כסיל בתבונה כי אם-בהתגלות לבו |
3 Nxa kufika ububi kufika lokweyisa, njalo ihlazo liza lokudumazeka.
| בבוא-רשע בא גם-בוז ועם-קלון חרפה |
4 Amazwi omlomo womuntu ayinziki yamanzi, kodwa umthombo wokuhlakanipha ngumfudlana ontuntuzayo.
| מים עמקים דברי פי-איש נחל נבע מקור חכמה |
5 Kakukuhle ukulungisela ababi loba ukungehluleli kuhle abangelacala.
| שאת פני-רשע לא-טוב-- להטות צדיק במשפט |
6 Izindebe zesiwula zisilethela ingxabano, lomlomo waso unxusa ukutshaywa.
| שפתי כסיל יבאו בריב ופיו למהלמות יקרא |
7 Umlomo wesiwula yiwo osidilizayo, lezindebe zaso zingumjibila womphefumulo waso.
| פי-כסיל מחתה-לו ושפתיו מוקש נפשו |
8 Amazwi omuntu onyeyayo anjengezibiliboco; angena ekujuleni kwenhliziyo yomuntu.
| דברי נרגן כמתלהמים והם ירדו חדרי-בטן |
9 Lowo ovilaphayo emsebenzini wakhe ungumfowabo walowo odilizayo.
| גם מתרפה במלאכתו-- אח הוא לבעל משחית |
10 Ibizo likaThixo liyinqaba eqinileyo; abalungileyo babalekela kulo baphephe.
| מגדל-עז שם יהוה בו-ירוץ צדיק ונשגב |
11 Inotho yezikhulu ingumuzi wazo ovikelweyo; zicabanga ukuthi imiduli yawo ayikhweleki.
| הון עשיר קרית עזו וכחומה נשגבה במשכתו |
12 Umuntu uyazikhukhumeza ngenhliziyo yakhe, mandulo kokuba awe, ikanti ukuzithoba kwandulela udumo.
| לפני-שבר יגבה לב-איש ולפני כבוד ענוה |
13 Lowo ophendulayo engaqali alalele lobo yibuwula bakhe lehlazo lakhe.
| משיב דבר בטרם ישמע-- אולת היא-לו וכלמה |
14 Umphefumulo womuntu uyamqinisa nxa egula, kodwa ngubani ongaphila elomoya owephukileyo na?
| רוח-איש יכלכל מחלהו ורוח נכאה מי ישאנה |
15 Inhliziyo yabaqedisisayo izuza ulwazi; indlebe zabahlakaniphileyo ziyakudinga.
| לב נבון יקנה-דעת ואזן חכמים תבקש-דעת |
16 Isipho siyamvulela indlela ophayo azuze ithuba lokubonana labakhulu.
| מתן אדם ירחיב לו ולפני גדלים ינחנו |
17 Ecaleni okhuluma kuqala ubonakala enguye olungileyo, kuze kuqhamuke omunye ambuzisise.
| צדיק הראשון בריבו יבא- (ובא-) רעהו וחקרו |
18 Ukwenza inkatho kuyakuqeda ukulwisana, kubehlukanise abaxabanayo.
| מדינים ישבית הגורל ובין עצומים יפריד |
19 Umzalwane owonelweyo uba lukhuni kulomuzi ohonqolozelweyo, lezingxabano zinjengamasango enqaba avaliweyo.
| אח--נפשע מקרית-עז ומדונים (ומדינים) כבריח ארמון |
20 Isisu somuntu sigcwaliswa yizithelo zomlomo wakhe; usuthiswa yisivuno sezindebe zakhe.
| מפרי פי-איש תשבע בטנו תבואת שפתיו ישבע |
21 Ulimi lulamandla okuphila lokufa, njalo labo abaluthandayo bazakudla izithelo zalo.
| מות וחיים ביד-לשון ואהביה יאכל פריה |
22 Lowo ozuza umfazi ufumana okuhle, athole umusa kuThixo.
| מצא אשה מצא טוב ויפק רצון מיהוה |
23 Umyanga uyancenga ukuthi axolelwe, kodwa isinothi siphendula ngolaka.
| תחנונים ידבר-רש ועשיר יענה עזות |
24 Umuntu olabangane abanengi ucina kubi, kodwa kuba khona umngane othembeka okudlula umfowenu.
| איש רעים להתרעע ויש אהב דבק מאח |
