Amanani 33
1 Nanka amalombolombo ohambo lwabako-Israyeli ekuphumeni kwabo eGibhithe ngamaviyo abo bekhokhelwa nguMosi lo-Aroni.
Lezi zinhambo zabantwana bakoIsrayeli abaphuma elizweni leGibhithe ngamabutho abo, ngesandla sikaMozisi loAroni.
2 Ngokulaya kukaThixo waloba walonda izigaba zamalombolombo ohambo lwabo. Nantu uhambo lwabo ngezigaba zakhona:
UMozisi wasebhala ukuphuma kwabo ngezinhambo zabo ngokomlayo weNkosi. Lalezi zinhambo zabo njengokuphuma kwabo.
3 Abako-Israyeli basuka eRamesesi ngosuku lwetshumi lanhlanu lwenyanga yakuqala, ngosuku kwedlule iPhasika. Baphuma ngesibindi bekhangelwe ngamaGibhithe wonke,
Basebesuka eRamesesi ngenyanga yokuqala ngosuku lwetshumi lanhlanu lwenyanga yokuqala; ngakusisa kwephasika abantwana bakoIsrayeli baphuma ngesandla esiphakemeyo phambi kwamehlo awo wonke amaGibhithe,
4 wona eyephathekile engcwaba wonke amazibulo awo, lawo ayebulewe nguThixo phakathi kwawo; ngoba uThixo wayehlulele ngokujezisa onkulunkulu bawo.
lapho amaGibhithe engcwaba labo iNkosi eyabatshayayo phakathi kwawo, wonke amazibulo; laphezu kwabonkulunkulu bawo iNkosi yenza isigwebo.
5 Abako-Israyeli basuka eRamesesi bayamisa izihonqo zabo eSukhothi.
Abantwana bakoIsrayeli basebesuka eRamesesi, bamisa inkamba eSukothi.
6 Basuka eSukhothi bayamisa izihonqo zabo e-Ethamu, emaphethelweni enkangala.
Basuka eSukothi, bamisa inkamba eEthama elisekucineni kwenkangala.
7 Basuka e-Ethamu, baphenduka baya ePhi-Hahirothi; beqonda empumalanga yaseBhali-Zefoni, babuye njalo bamisa izihonqo zabo eMigidoli.
Basuka eEthama, babuyela ePi-Hahirothi ephambi kweBhali-Zefoni, bamisa inkamba phambi kweMigidoli.
8 Basuka ePhi-Hahirothi badabula olwandle bangena enkangala, bathi sebehambe okwensuku ezintathu enkangala ye-Ethamu, bamisa izihonqo zabo eMara.
Basuka ePi-Hahirothi, badabula phakathi kolwandle besiya enkangala; bahamba uhambo lwensuku ezintathu enkangala yeEthama, bamisa inkamba eMara.
9 Basuka eMara baya e-Elimi, lapho okwakulezintombo zamanzi ezilitshumi lambili kanye lezihlahla zohlobo lwelala ezingamatshumi ayisikhombisa, bafika bamisa izihonqo khonapho.
Basuka eMara, bayafika eElimi; njalo eElimi kwakukhona imithombo yamanzi elitshumi lambili lezihlahla zelala ezingamatshumi ayisikhombisa; basebemisa inkamba lapho.
10 Basuka e-Elimi bayamisa izihonqo zabo besekele uLwandle oluBomvu.
Basuka eElimi, bamisa inkamba eLwandle oluBomvu.
11 Basuka oLwandle oluBomvu bayamisa enkangala yaseSini.
Basuka eLwandle oluBomvu, bamisa inkamba enkangala yeSini.
12 Basuka enkangala yeSini bayamisa eDofuka.
Basuka enkangala yeSini, bamisa inkamba eDofika.
13 Basuka eDofuka bayamisa e-Alusha.
Basuka eDofika, bamisa inkamba eAlushi.
14 Basuka e-Alusha bayamisa eRefidimu, lapho okwakungelamanzi okunathwa ngabantu.
Basuka eAlushi, bamisa inkamba eRefidimi lapho okwakungelamanzi khona okuthi abantu banathe.
15 Basuka eRefidimu bayamisa enkangala yeSinayi.
Basebesuka eRefidimi, bamisa inkamba enkangala yeSinayi.
16 Basuka enkangala yeSinayi bayamisa eKhibhrothi Hathava.
Basuka enkangala yeSinayi, bamisa inkamba eKibirothi-Hathava.
17 Basuka eKhibhrothi Hathava bayamisa eHazerothi.
Basuka eKibirothi-Hathava, bamisa inkamba eHazerothi.
18 Basuka eHazerothi bayamisa eRithima.
Basuka eHazerothi, bamisa inkamba eRithima.
19 Basuka eRithima bayamisa eRimoni-Pherezi.
Basuka eRithima, bamisa inkamba eRimoni-Perezi.
20 Basuka eRimoni-Pherezi bayamisa eLibhina.
Basuka eRimoni-Perezi, bamisa inkamba eLibhina.
21 Basuka eLibhina bayamisa eRisa.
Basuka eLibhina, bamisa inkamba eRisa.
22 Basuka eRisa bayamisa eKhehelatha.
Basuka eRisa, bamisa inkamba eKehelatha.
23 Basuka eKhehelatha bayamisa eNtabeni yaseShefa.
Basuka eKehelatha, bamisa inkamba entabeni yeSheferi.
24 Basuka eNtabeni yaseShefa bayamisa eHarada.
Basuka entabeni yeSheferi, bamisa inkamba eHarada.
25 Basuka eHarada bayamisa eMakhelothi.
Basuka eHarada, bamisa inkamba eMakelothi.
26 Basuka eMakhelothi bayamisa eThahathi.
Basuka eMakelothi, bamisa inkamba eTahathi.
27 Basuka eThahathi bayamisa eThera.
Basuka eTahathi, bamisa inkamba eTera.
28 Basuka eThera bayamisa eMithika.
Basuka eTera, bamisa inkamba eMithika.
29 Basuka eMithika bayamisa eHashimona.
Basuka eMithika, bamisa inkamba eHashimona.
30 Basuka eHashimona bayamisa eMosera.
Basuka eHashimona, bamisa inkamba eMoserothi.
31 Basuka eMosera bayamisa eBhene Jayakhani.
Basuka eMoserothi, bamisa inkamba eBene-Jakani.
32 Basuka eBhene Jayakhani bayamisa eHori-Hagidigadi.
Basuka eBene-Jakani, bamisa inkamba eHori-Hagidigadi.
33 Basuka eHori-Hagidigadi bayamisa eJothibhatha.
Basuka eHori-Hagidigadi, bamisa inkamba eJotibatha.
34 Basuka eJothibhatha bayamisa e-Abhurona.
Basuka eJotibatha, bamisa inkamba eAbrona.
35 Basuka e-Abhurona bayamisa e-Eziyoni-Gebheri.
Basuka eAbrona, bamisa inkamba eEziyoni-Geberi.
36 Basuka e-Eziyoni-Gebheri bayamisa eKhadeshi, eNkangala yaseZini.
Basuka eEziyoni-Geberi, bamisa inkamba enkangala yeZini, eyiKadeshi.
37 Basuka eKhadeshi bayamisa eNtabeni yaseHori, emngceleni wase-Edomi.
Basuka eKadeshi, bamisa inkamba entabeni yeHori ekucineni kwelizwe leEdoma.
38 Ngokulaya kukaThixo, u-Aroni umphristi wakhwela eNtabeni yaseHori, lapho afela khona ngosuku lwakuqala lwenyanga yesihlanu yomnyaka wamatshumi amane emva kokuphuma kwabako-Israyeli eGibhithe.
UAroni umpristi wasesenyukela entabeni yeHori ngokomlayo weNkosi, wafela khona, ngomnyaka wamatshumi amane emva kokuphuma kwabantwana bakoIsrayeli elizweni leGibhithe, ngenyanga yesihlanu, ngosuku lokuqala lwenyanga.
39 U-Aroni wayeseleminyaka elikhulu elileminyaka engamatshumi amabili lemithathu yokuphila ekufeni kwakhe eNtabeni yaseHori.
Njalo uAroni wayeleminyaka elikhulu lamatshumi amabili lantathu ekufeni kwakhe entabeni yeHori.
40 Inkosi yase-Aradi engumKhenani eyayihlala eNegebi yaseKhenani, yezwa ukuthi abako-Israyeli babesiza.
UmKhanani, inkosi yeAradi, owayehlala eningizimu elizweni leKhanani, wasesizwa ngokuza kwabantwana bakoIsrayeli.
41 Basuka eNtabeni yaseHori bayamisa eZalimona.
Basebesuka entabeni yeHori, bamisa inkamba eZalimona.
42 Basuka eZalimona bayamisa ePhunoni.
Basuka eZalimona, bamisa inkamba ePunoni.
43 Basuka ePhunoni bayamisa e-Obhothi.
Basuka ePunoni, bamisa inkamba eObothi.
44 Basuka e-Obhothi bayamisa e-Iye-Abharimi, emngceleni waseMowabi.
Basuka eObothi, bamisa inkamba eIye-Abarimi, emngceleni wakoMowabi.
45 Basuka e-Iye-Abharimu bayamisa eDibhoni Gadi.
Basuka eIyimi, bamisa inkamba eDiboni-Gadi.
46 Basuka eDibhoni Gadi bayamisa e-Alimoni-Dibhilathayimi.
Basuka eDiboni-Gadi, bamisa inkamba eAlimoni-Dibilathayimi.
47 Basuka e-Alimoni-Dibhilathayimi bayamisa ezintabeni zase-Abharimi, phansi kweNebho.
Basuka eAlimoni-Dibilathayimi, bamisa inkamba entabeni zeAbarimi, phambi kweNebo.
48 Basuka ezintabeni zase-Abharimi bayamisa emagcekeni aseMowabi besekele uJodani ngaphetsheya malungana leJerikho.
Basuka entabeni zeAbarimi, bamisa inkamba emagcekeni akoMowabi eJordani eJeriko;
49 Khonapho emagcekeni aseMowabi bamisa izihonqo zabo belandela umfula uJodani kusukela eBhethi-Jeshimothi kusiya e-Abheli-Shithima.
bamisa inkamba eJordani kusukela eBeti-Jeshimothi kusiya eAbeli-Shithimi, emagcekeni akoMowabi.
50 Emagcekeni aseMowabi ngasemfuleni uJodani ngaphetsheya uvelela ngaseJerikho uThixo wathi kuMosi,
INkosi yasikhuluma kuMozisi emagcekeni akoMowabi, eJordani eJeriko, isithi:
51 “Khuluma kwabako-Israyeli ubatshele lokhu uthi: ‘Nxa lichapha uJodani lingena eKhenani,
Tshono ebantwaneni bakoIsrayeli uthi kubo: Lapho selichaphe iJordani laya elizweni leKhanani,
52 xotshani phambi kwenu bonke abahlala kulelolizwe. Dilizani zonke izithombe zabo ezibaziweyo kanye lezibunjiweyo, njalo libhidlize zonke izindawo eziphakemeyo zokukhonzela.
lizaxotsha bonke abakhileyo belizwe libakhuphe emfuyweni yabo phambi kwenu, lichithe yonke imifanekiso yabo, lichithe zonke izithombe zabo ezibunjwe ngokuncibilikisa, liqede zonke indawo zabo eziphakemeyo,
53 Thumbani ilizwe lelo lihlale kulo, ngoba ngilinike ukuthi libe ngelenu.
lidle ilifa lelizwe, lihlale kilo, ngoba ngilinike ilizwe ukuthi lidle ilifa lalo.
54 Yabelanani ilizwe ngenkatho, kusiya ngokwensendo zenu. Ixuku elikhulu kaliphiwe isabelo esikhulu, kuthi ixuku elincinyane liphiwe isabelo esincinyane. Okuzakuya kubo ngenkatho akube ngokwabo. Kwabelananeni kusiya ngezizwana zabokhokho benu.
Njalo lizakudla ilifa lelizwe ngenkatho ngensendo zenu; kwabanengi lizakwengeza ilifa labo, lakwabalutshwana lizanciphisa ilifa labo. Lapho inkatho ezamphumela khona umuntu, kuzakuba ngokwakhe. Njengezizwe zaboyihlo lizakudla ilifa.
55 Kodwa nxa lingaxotshanga abahlala kulelolizwe, abaseleyo babo bazakuba lukhophe emehlweni enu njalo babe ngameva enyameni yenu. Bazakuba luhlupho ezweni elizahlala kulo.
Kodwa nxa lingabakhuphi abakhileyo elizweni emfuyweni yabo phambi kwenu, khona kuzakuthi elibatshiyayo babo bazakuba zimvava emehlweni enu babe ngameva ezinhlangothini zenu, balihluphe elizweni elihlala kilo.
56 Ngakho-ke ngizakwenza kini lokho engizimisele ukukwenza kubo.’”
Kuzakuthi-ke, ngizakwenza kini njengalokhu ebengicabanga ukukwenza kubo.
