Izililo 3
1 Yimi umuntu olubonileyo usizi ngenxa yoswazi lokuthukuthela kukaThixo.
| אני הגבר ראה עני בשבט עברתו |
2 Ungixotshile, wangiphumputhekisa emnyameni hatshi ekukhanyeni;
| אותי נהג וילך חשך ולא אור |
3 ngempela usengiphakamisele isandla sakhe, waphindaphinda ilanga lonke.
| אך בי ישב יהפך ידו כל היום |
4 Usenze ijwabu lami laluphala, wangephula amathambo.
| בלה בשרי ועורי שבר עצמותי |
5 Ungihanqile wangihonqolozela ngosizi langobunzima.
| בנה עלי ויקף ראש ותלאה |
6 Ungenze ngahlala emnyameni njengalabo abafa kudala.
| במחשכים הושיבני כמתי עולם |
7 Ungihonqolozele ngenqaba ukuze ngingaphunyuki; ungibophe nko ngamaketane.
| גדר בעדי ולא אצא הכביד נחשתי |
8 Kuthi lanxa ngimemeza loba ngidinga usizo, awuvalele phandle umkhuleko wami.
| גם כי אזעק ואשוע שתם תפלתי |
9 Uvale indlela yami ngamatshe; waphambukisa izindlela zami.
| גדר דרכי בגזית נתיבתי עוה |
10 Njengebhele licathamile, njengesilwane sicatshile,
| דב ארב הוא לי אריה (ארי) במסתרים |
11 wangihudulela eceleni kwendlela, wangifohloza, wangitshiya ngingelamsizi.
| דרכי סורר ויפשחני שמני שמם |
12 Wadonsa idandili lakhe, ngaba yikudla kwemitshoko yakhe.
| דרך קשתו ויציבני כמטרא לחץ |
13 Wangiciba enhliziyweni ngemitshoko evela emxhakeni wakhe.
| הביא בכליתי בני אשפתו |
14 Ngaba yinhlekisa ebantwini bakithi bonke; sengitshona ngiyingoma eyinhlekisa kubo.
| הייתי שחק לכל עמי נגינתם כל היום |
15 Ungigqibe ngemithi ebabayo, wanginathisa inyongo.
| השביעני במרורים הרוני לענה |
16 Ungihlafunise ukhethe ngamazinyo; wangigiqa ebhuqwini.
| ויגרס בחצץ שני הכפישני באפר |
17 Ngincitshiwe ukuthula; angisakwazi ingabe iyini impumelelo.
| ותזנח משלום נפשי נשיתי טובה |
18 Ngakho ngithi, “Sebuphelile ubucwazicwazi bami, lakho konke engangikulindele kuThixo.”
| ואמר אבד נצחי ותוחלתי מיהוה |
19 Ngikhumbula ukuhlupheka lokuntula kwami, ubumunyu lenyongo.
| זכר עניי ומרודי לענה וראש |
20 Konke ngikukhumbula kamhlophe, umoya wami wephukile.
| זכור תזכור ותשיח (ותשוח) עלי נפשי |
21 Kodwa ngikhumbula lokhu ngibe lethemba:
| זאת אשיב אל לבי על כן אוחיל |
22 Ngenxa yothando olukhulu lukaThixo kasibhujiswanga, ngoba isihawu sakhe kasipheli.
| חסדי יהוה כי לא תמנו כי לא כלו רחמיו |
23 Siba sitsha ukusa kwamalanga; kukhulu ukuthembeka kwakho.
| חדשים לבקרים רבה אמונתך |
24 Ngiyazitshela ngithi, “UThixo uyisabelo sami; ngakho ngizalindela yena.”
| חלקי יהוה אמרה נפשי על כן אוחיל לו |
25 UThixo ulungile kulowo omethembayo, kulowo omdingayo;
| טוב יהוה לקוו לנפש תדרשנו |
26 kuhle ukulinda ngokuthula, ukulindela insindiso kaThixo.
| טוב ויחיל ודומם לתשועת יהוה |
27 Kuhle ukuthi umuntu alithwale ijogwe ngesikhathi esesemutsha.
| טוב לגבר כי ישא על בנעוריו |
28 Kahlale yedwa ngokuthula, ngoba uThixo ulibeke phezu kwakhe.
| ישב בדד וידם כי נטל עליו |
29 Kembele ubuso bakhe ethulini, mhlawumbe ithemba lizakuba khona.
| יתן בעפר פיהו אולי יש תקוה |
30 Kaphe isihlathi sakhe kulowo ofuna ukumhlankala, agcwale ihlazo.
| יתן למכהו לחי ישבע בחרפה |
31 Ngoba uThixo kabalahli abantu kuze kube nini lanini.
| כי לא יזנח לעולם אדני |
32 Loba engaletha ubuhlungu, uzatshengisa uzwelo, lukhulu kakhulu uthando lwakhe olungapheliyo.
| כי אם הוגה ורחם כרב חסדיו |
33 Ngoba kehliseli ukuhlupheka losizi ebantwini ngokuthanda.
| כי לא ענה מלבו ויגה בני איש |
34 Ukuhlifiza ngezinyawo zonke izibotshwa elizweni,
| לדכא תחת רגליו כל אסירי ארץ |
35 ukuncitsha umuntu amalungelo akhe phambi koPhezukonke,
| להטות משפט גבר נגד פני עליון |
36 ukungahluleli kuhle, kambe uThixo uyabe engaziboni izinto ezinjalo na?
| לעות אדם בריבו אדני לא ראה |
37 Ngubani ongatsho ulutho lwenzakale nxa lungavunyelwanga nguThixo na?
| מי זה אמר ותהי אדני לא צוה |
38 Akuveli emlonyeni woPhezukonke ukuthi kuyehla inhlupheko lezinto ezinhle na?
| מפי עליון לא תצא הרעות והטוב |
39 Pho kungani umuntu ophilayo esola nxa ejeziselwa izono zakhe na?
| מה יתאונן אדם חי גבר על חטאו |
40 Kasilingeni njalo sihlole izindlela zethu, sibuyele kuThixo.
| נחפשה דרכינו ונחקרה ונשובה עד יהוה |
41 Asiphakamiseleni inhliziyo lezandla zethu kuNkulunkulu ezulwini sithi:
| נשא לבבנו אל כפים אל אל בשמים |
42 “Sonile sahlamuka, njalo kawusithethelelanga.
| נחנו פשענו ומרינו אתה לא סלחת |
43 Uzigubuzele ngolaka waxhumana lathi; ubhubhisile ungelazwelo.
| סכותה באף ותרדפנו הרגת לא חמלת |
44 Uzisibekele ngeyezi ukuze kungafinyeleli mkhuleko kuwe.
| סכותה בענן לך מעבור תפלה |
45 Usenze saba ngamanyala lengcekeza phakathi kwezizwe.
| סחי ומאוס תשימנו בקרב העמים |
46 Izitha zethu zonke zivule imilomo yazo zezwakala zisihoza.
| פצו עלינו פיהם כל איבינו |
47 Sesihlukuluzwe yikuthuthumela lokukhilikithela, ukudilika lokubhidlika.”
| פחד ופחת היה לנו השאת והשבר |
48 Imifula yezinyembezi iyajuluka emehlweni ami ngoba abantu bakithi babhujisiwe.
| פלגי מים תרד עיני על שבר בת עמי |
49 Amehlo ami azajuluka kokuphela, engelakuphumula,
| עיני נגרה ולא תדמה מאין הפגות |
50 UThixo aze akhangele phansi esezulwini, angibone.
| עד ישקיף וירא יהוה משמים |
51 Engikubonayo kuthelela usizi emphefumulweni wami ngenxa yabesifazane bonke bomuzi wakithi.
| עיני עוללה לנפשי מכל בנות עירי |
52 Labo ababa yizitha zami kungelasizatho, bangizingela njengenyoni.
| צוד צדוני כצפור איבי חנם |
53 Bazama ukuquma impilo yami emgodini bangijikijela ngamatshe;
| צמתו בבור חיי וידו אבן בי |
54 amanzi asibekela ikhanda lami, ngabona ukuthi okwami sekuphelile.
| צפו מים על ראשי אמרתי נגזרתי |
55 Ngalimemezela ibizo lakho, Oh Thixo, ngisekujuleni komgodi.
| קראתי שמך יהוה מבור תחתיות |
56 Wezwa ukuncenga kwami: “Ungavali indlebe zakho nxa ngikhalela ukwenyulwa.”
| קולי שמעת אל תעלם אזנך לרוחתי לשועתי |
57 Wasondela lapho ngikumemeza, wathi kimi, “Ungesabi.”
| קרבת ביום אקראך אמרת אל תירא |
58 Oh Thixo, wasamukela isikhalazo sami; wahlenga ukuphila kwami.
| רבת אדני ריבי נפשי גאלת חיי |
59 Ububonile Thixo, ububi obenziwe kimi. Ngisekela kulobubunzima!
| ראיתה יהוה עותתי שפטה משפטי |
60 Usubonile ukujula kokusonga kwabo, lamacebo abo wonke ngami.
| ראיתה כל נקמתם--כל מחשבתם לי |
61 Awu Thixo, uzwile inhlamba zabo, wonke amacebo abo ngami,
| שמעת חרפתם יהוה כל מחשבתם עלי |
62 ukunyenyeza lokungunguna kwabo ngami ukusa kwamalanga.
| שפתי קמי והגיונם עלי כל היום |
63 Ake ubabone! Bahlezi kumbe bajamile, bayangihleka ngezingoma zabo.
| שבתם וקימתם הביטה אני מנגינתם |
64 Awu Thixo, akubaphindisele ngokubafaneleyo, ngalokho okwenziwe yizandla zabo.
| תשיב להם גמול יהוה כמעשה ידיהם |
65 Basibekele ngelembu ezinhliziyweni zabo, isiqalekiso sakho sehlele phezu kwabo!
| תתן להם מגנת לב תאלתך להם |
66 Xhumana labo ngolaka, ubabhubhise ngaphansi kwamazulu kaThixo.
| תרדף באף ותשמידם מתחת שמי יהוה |
