UJoshuwa 12

1 La ngamakhosi amazwe anqotshwa ngabako-Israyeli njalo alezabelo ezathunjwa empumalanga yeJodani, kusukela eDongeni lwase-Arinoni kusiya entabeni yaseHemoni, okugoqela lonke icele langempumalanga ye-Arabha:

Lala ngamakhosi elizwe abantwana bakoIsrayeli abawatshayayo, badla ilifa lelizwe lawo ngaphetsheya kweJordani ngempumalanga, kusukela esifuleni seArinoni kusiya entabeni yeHermoni, lamagceke wonke ngempumalanga:

2 USihoni inkosi yama-Amori, wayebusa eHeshibhoni. Wayebusa kusukela e-Aroweri emaphethelweni oDonga lwase-Arinoni, kusukela phakathi laphakathi kodonga kusiyafika emfuleni uJabhoki, oyiwo umngcele wama-Amoni. Lokhu kwakugoqela ingxenye yeGiliyadi.

USihoni inkosi yamaAmori owayehlala eHeshiboni, ebusa kusukela eAroweri esekhunjini lwesifula seArinoni laphakathi kwesifula, lengxenye yeGileyadi kuze kufike esifuleni iJaboki, umngcele wabantwana bakoAmoni,

3 Wayebusa njalo empumalanga ye-Arabha kusukela olwandle lweKhinerethi kusiyafika olwandle lwe-Arabha (uLwandle lweTswayi) kusiya eBhethi-Jeshimothi, eningizimu phansanyana kwemithezuko yasePhisiga:

lamagceke kuze kufike elwandle lweKinerothi, kuze kube selwandle lwamagceke, uLwandle lweTshwayi, empumalanga, indlela yeBeti-Jeshimothi, njalo kusukela eningizimu ngaphansi kweAshidodi-Pisiga;

4 Lelizwe lika-Ogi inkosi yaseBhashani, omunye wamaRefayi okucina owayebusa e-Ashitharothi le-Edreyi.

lomngcele kaOgi inkosi yeBashani owensali zeziqhwaga owayehlala eAshitarothi leEdreyi,

5 Wabusa eNtabeni yaseHemoni, eSalekha, iBhashani yonke kusiya emngceleni wabantu beGeshuri leMahakhathi, lengxenye yeGiliyadi kusiya emngceleni kaSihoni inkosi yeHeshibhoni.

wabusa entabeni yeHermoni leSaleka leBashani lonke, kuze kube semngceleni wamaGeshuri lamaMahakathi, lengxenye yeGileyadi, umngcele kaSihoni inkosi yeHeshiboni.

6 UMosi inceku kaThixo, labako-Israyeli babanqoba. UMosi inceku kaThixo wanika ilizwe labo abakoRubheni labakoGadi lengxenye yesizwana sakoManase ukuthi libe ngelabo.

UMozisi inceku yeNkosi labantwana bakoIsrayeli babatshaya. UMozisi inceku yeNkosi waselinika abakoRubeni labakoGadi lengxenye yesizwe sakoManase ukuba yilifa.

7 La yiwo amakhosi elizwe lelo uJoshuwa labako-Israyeli abalithumbayo eceleni elisentshonalanga yeJodani, kusukela eBhali-Gadi esiGodini seLebhanoni kusiya eNtabeni yeHalakhi ekhangele eSeyiri (amazwe abo uJoshuwa wawanika njengelifa ezizwaneni zako-Israyeli kusiya ngezigaba zezizwana zabo,

Lala ngamakhosi elizwe uJoshuwa labantwana bakoIsrayeli abawatshayayo nganeno kweJordani entshonalanga, kusukela eBhali-Gadi esihotsheni seLebhanoni kusiya entabeni yeHalaki eyenyukela eSeyiri. UJoshuwa walinika-ke izizwe zakoIsrayeli laba yilifa njengokwehlukaniswa kwazo:

8 indawo elamaqaqa, amawatha asentshonalanga, i-Arabha, lemithezukweni yezintaba, inkangala leNegebi, amazwe amaHithi, ama-Amori, amaKhenani, amaPherizi, amaHivi, lamaJebusi): La ayengamakhosi:

Ezintabeni, lezihotsheni, lemagcekeni, lemawatheni, lenkangala, leningizimu: AmaHethi, amaAmori, lamaKhanani, amaPerizi, amaHivi, lamaJebusi.

9 inkosi yeJerikho, eyodwa inkosi ye-Ayi (eduze leBhetheli), eyodwa

Inkosi yeJeriko, eyodwa; inkosi yeAyi, eseceleni kweBhetheli, eyodwa;

10 inkosi yeJerusalema, eyodwa inkosi yeHebhroni, eyodwa

inkosi yeJerusalema, eyodwa; inkosi yeHebroni, eyodwa;

11 inkosi yeJamuthi, eyodwa inkosi yeLakhishi, eyodwa

inkosi yeJarimuthi, eyodwa; inkosi yeLakishi, eyodwa;

12 inkosi ye-Egiloni, eyodwa inkosi yeGezeri, eyodwa

inkosi yeEgiloni, eyodwa; inkosi yeGezeri, eyodwa;

13 inkosi yeDebhiri, eyodwa inkosi yeBhethi-Gaderi, eyodwa

inkosi yeDebiri, eyodwa; inkosi yeGederi, eyodwa;

14 inkosi yeHoma, eyodwa inkosi ye-Aradi, eyodwa

inkosi yeHorma, eyodwa; inkosi yeAradi, eyodwa;

15 inkosi yeLibhina, eyodwa inkosi ye-Adulami, eyodwa

inkosi yeLibhina, eyodwa; inkosi yeAdulamu, eyodwa;

16 inkosi yeMakheda, eyodwa inkosi yeBhetheli, eyodwa

inkosi yeMakeda, eyodwa; inkosi yeBhetheli, eyodwa;

17 inkosi yeThaphuwa, eyodwa inkosi yeHeferi, eyodwa

inkosi yeTapuwa, eyodwa; inkosi yeHeferi, eyodwa;

18 inkosi ye-Afekhi, eyodwa inkosi yeLasharoni, eyodwa

inkosi yeAfeki, eyodwa; inkosi yeLasharoni, eyodwa;

19 inkosi yeMadoni, eyodwa inkosi yeHazori, eyodwa

inkosi yeMadoni, eyodwa; inkosi yeHazori, eyodwa;

20 inkosi yeShimron Meroni, eyodwa inkosi ye-Akhishafi, eyodwa

inkosi yeShimironi-Meroni, eyodwa; inkosi yeAkishafi, eyodwa;

21 inkosi yeThanakhi, eyodwa inkosi yeMegido, eyodwa

inkosi yeThahanakhi, eyodwa; inkosi yeMegido, eyodwa;

22 inkosi yeKhedeshi, eyodwa inkosi yeJokhiniyamu eseKhameli, eyodwa

inkosi yeKedeshi, eyodwa; inkosi yeJokineyamu eKharmeli, eyodwa;

23 inkosi yeDori (eNafothi Dori), eyodwa inkosi yeGoyimi eseGiligali, eyodwa

inkosi yeDori emngceleni weDori, eyodwa; inkosi yezizwe zeGiligali, eyodwa;

24 inkosi yeThiza, eyodwa. Amakhosi angamatshumi amathathu lanye esewonke.

inkosi yeTiriza, eyodwa; wonke amakhosi angamatshumi amathathu lanye.