UJobe 8
1 UBhilidadi umShuhi wasephendula wathi:
| ויען בלדד השוחי ויאמר׃ |
2 “Koze kube nini ukhuluma izinto ezinjalo? Amazwi akho angumoya ophenquzayo.
| עד אן תמלל אלה ורוח כביר אמרי פיך׃ |
3 Kambe uNkulunkulu uyakuhlanekela ukulunga na? Kambe uSomandla uyakuhlanekela okuhle na?
| האל יעות משפט ואם שדי יעות צדק׃ |
4 Lapho abantwabakho besona kuye, wabapha isijeziso sokona kwabo.
| אם בניך חטאו לו וישלחם ביד פשעם׃ |
5 Kanti nxa wena uzakhangela kuNkulunkulu uncenge kuSomandla,
| אם אתה תשחר אל אל ואל שדי תתחנן׃ |
6 nxa umsulwa ulungile, lamanje nje uzaphakama akusize akubuyisele esimeni sakho.
| אם זך וישר אתה כי עתה יעיר עליך ושלם נות צדקך׃ |
7 Lapho owaqalisa khona kuzakhanya sekukuncinyane, ngoba ngezinsuku ezizayo uzabe usuphumelela kakhulu.
| והיה ראשיתך מצער ואחריתך ישגה מאד׃ |
8 Buza izizukulwane ezingaphambili udinge ukuthi okhokho babo bafundani,
| כי שאל נא לדר רישון וכונן לחקר אבותם׃ |
9 ngoba thina sizelwe izolo nje, kasazi lutho, lezinsuku zethu emhlabeni zilithunzi kuphela.
| כי תמול אנחנו ולא נדע כי צל ימינו עלי ארץ׃ |
10 Kambe kaziyikukulaya zikutshele na? Kaziyikuletha amazwi okuzwisisa na?
| הלא הם יורוך יאמרו לך ומלבם יוצאו מלים׃ |
11 Konje imihlanga ingakhula ibe mide ingekho exhaphozini na? Imizi ingaphila kungelamanzi na?
| היגאה גמא בלא בצה ישגה אחו בלי מים׃ |
12 Nxa leyonqodi isakhula ingakaqunywa imane ibune masinyane kulotshani.
| עדנו באבו לא יקטף ולפני כל חציר ייבש׃ |
13 Sinjalo isiphetho sabo bonke abakhohlwa uNkulunkulu; litshabalala kanjalo ithemba lalowo ongakholwayo.
| כן ארחות כל שכחי אל ותקות חנף תאבד׃ |
14 Lokho akuthembayo kufohlozeka lula; lokho eyeme kukho yibulembu besayobe.
| אשר יקוט כסלו ובית עכביש מבטחו׃ |
15 Uyeyama kulobubulembu bakhe, kodwa bubhidlike; uyabambelela kubo, kodwa bukhithike.
| ישען על ביתו ולא יעמד יחזיק בו ולא יקום׃ |
16 Unjengesihlahla esithelelwa kakhulu sikhula elangeni, esisabalalisa ingatsha zaso esivandeni;
| רטב הוא לפני שמש ועל גנתו ינקתו תצא׃ |
17 sinxibanise impande zaso enqunjini yamatshe, sizama ukuzuza ukugxila kuhle ematsheni.
| על גל שרשיו יסבכו בית אבנים יחזה׃ |
18 Kodwa singasitshulwa kuleyondawo, leyondawo isisilandula ithi, ‘Angikaze ngikubone.’
| אם יבלענו ממקומו וכחש בו לא ראיתיך׃ |
19 Ngeqiniso impilo yaso iyabuna, ezinye izihlahla zibe zilokhu zikhula emhlabathini lowo.
| הן הוא משוש דרכו ומעפר אחר יצמחו׃ |
20 Ngeqiniso uNkulunkulu kamlahli umuntu ongelasici futhi kaqinisi izandla zezigangi.
| הן אל לא ימאס תם ולא יחזיק ביד מרעים׃ |
21 Usazogcwalisa umlomo wakho ngohleko lezindebe zakho ngokumemeza ngentokozo.
| עד ימלה שחוק פיך ושפתיך תרועה׃ |
22 Izitha zakho zizakwembathiswa ngehlazo, lamathente ababi azatshabalala.”
| שנאיך ילבשו בשת ואהל רשעים איננו׃ |
