UJobe 6
1 Wasephendula uJobe wathi:
| ויען איוב ויאמר׃ |
2 “Nxa ubuhlungu bami bungalinganiswa lokuhlupheka kwami konke kufakwe esikalini!
| לו שקול ישקל כעשי והיתי במאזנים ישאו יחד׃ |
3 Ngempela bungasinda ukwedlula itshebetshebe yolwandle, akungamangalisi ukuthi amazwi ami abhede kanje.
| כי עתה מחול ימים יכבד על כן דברי לעו׃ |
4 Imitshoko kaSomandla iphakathi kwami, umoya wami unatha itshefu yayo; inhlupho zokuhlukuluza zikaNkulunkulu ziqondiswe kimi.
| כי חצי שדי עמדי אשר חמתם שתה רוחי בעותי אלוה יערכוני׃ |
5 Kambe ubabhemi weganga uyakhala yini utshani bukhona, loba inkabi ikhonye yona ukudla ilakho?
| הינהק פרא עלי דשא אם יגעה שור על בלילו׃ |
6 Ukudla okuduma kuyadleka na kungelatswayi, kumbe okumhlophe kweqanda kuyanambitheka yini?
| היאכל תפל מבלי מלח אם יש טעם בריר חלמות׃ |
7 Ngiyala ukukuthinta; ukudla okunjalo kubuyisa inhliziyo yami.
| מאנה לנגוע נפשי המה כדוי לחמי׃ |
8 Oh, aluba ngingazuza isicelo sami, uNkulunkulu angiphe lokho engikufisayo,
| מי יתן תבוא שאלתי ותקותי יתן אלוה׃ |
9 ukuthi uNkulunkulu avume ukungichoboza, ekele nje isandla sakhe singiqede!
| ויאל אלוה וידכאני יתר ידו ויבצעני׃ |
10 Lalapho ngizabe ngilokhu ngilale induduzo intokozo yami ebuhlungwini obungadediyo, ukuthi bengingawaphikanga amazwi akhe oNgcwele.
| ותהי עוד נחמתי ואסלדה בחילה לא יחמול כי לא כחדתי אמרי קדוש׃ |
11 Ngilamandla bani okuthi ngibe lokhu ngithemba? Ngisamelelwe yini ukuba ngibe ngilokhu ngibekezela?
| מה כחי כי איחל ומה קצי כי אאריך נפשי׃ |
12 Ngilamandla elitshe yini? Inyama yami ilithusi na?
| אם כח אבנים כחי אם בשרי נחוש׃ |
13 Ngilawo yini amandla okuzisiza, manje njengoba sengemukwe impumelelo?
| האם אין עזרתי בי ותשיה נדחה ממני׃ |
14 Iloba ngubani ogodla umusa kumkhula wakhe udela ukwesaba uSomandla.
| למס מרעהו חסד ויראת שדי יעזוב׃ |
15 Kodwa abafowethu kabathenjwa njengemifula egeleza icitsha, njengemifula echithayo
| אחי בגדו כמו נחל כאפיק נחלים יעברו׃ |
16 ileliqhwa eselincibilika, njalo igcwele ngongqwaqwane osencibilikile,
| הקדרים מני קרח עלימו יתעלם שלג׃ |
17 kodwa ikhawule ukugeleza ngesikhathi sokoma, kuthi sekutshisa amanzi anyamalale ezindleleni zawo.
| בעת יזרבו נצמתו בחמו נדעכו ממקומם׃ |
18 Indwendwe zamakamela ziyaphambuka ezindleleni zazo; zintule enkangala zifele khona.
| ילפתו ארחות דרכם יעלו בתהו ויאבדו׃ |
19 Indwendwe zamakamela aseThema zidinga amanzi, abathengisi baseShebha balinde bethembile.
| הביטו ארחות תמא הליכת שבא קוו למו׃ |
20 Bayadana ngoba bebekade bethembile; bayafika khonale bafike badane.
| בשו כי בטח באו עדיה ויחפרו׃ |
21 Lani selitshengise ukuthi kalilancedo; libona into eyesabekayo beselisesaba.
| כי עתה הייתם לא תראו חתת ותיראו׃ |
22 Sengake ngatsho yini ukuthi, ‘Ake lingihlawulele lokhu, ngihlengani ngempahla yenu,
| הכי אמרתי הבו לי ומכחכם שחדו בעדי׃ |
23 ngikhululani esandleni sesitha, ngihlengani ekufithizelweni ngabalesihluku’?
| ומלטוני מיד צר ומיד עריצים תפדוני׃ |
24 Ngifundisani, ngizathula; ake lingitshengise lapho engiphambanise khona.
| הורוני ואני אחריש ומה שגיתי הבינו לי׃ |
25 Abuhlungu kanganani amazwi eqiniso! Kodwa ukuphikisa kwenu kutshengisani?
| מה נמרצו אמרי ישר ומה יוכיח הוכח מכם׃ |
26 Lizama ukuqondisa engikutshoyo, amazwi omuntu oselahlekelwe lithemba liwathethe njengomoya nje na?
| הלהוכח מלים תחשבו ולרוח אמרי נאש׃ |
27 Lina lingenza inkatho ngezintandane, lithengise lomngane wenu.
| אף על יתום תפילו ותכרו על ריעכם׃ |
28 Kodwa okwamanje wobani lomusa lingizwele. Ngingaqamba amanga phambi kwenu na?
| ועתה הואילו פנו בי ועל פניכם אם אכזב׃ |
29 Dedani, lingenzi okungaqondanga; khumbulani kutsha, phela ubuqotho bami busengozini.
| שבו נא אל תהי עולה ושבי עוד צדקי בה׃ |
30 Kukhona okubi na okusezindebeni zami? Kambe umlomo wami kawukwehlukanisi okubi na?”
| היש בלשוני עולה אם חכי לא יבין הוות׃ |
