UJobe 5
1 “Memeza nxa uthanda, kodwa ngubani ozakuphendula na? Uzaphendukela kuwuphi wabangcwele na?
| קרא-נא היש עונך ואל-מי מקדשים תפנה |
2 Ukucaphuka kuyasibulala isiwula lomhawu uyamqeda oyisithutha.
| כי-לאויל יהרג-כעש ופתה תמית קנאה |
3 Mina ngokwami sengasibona isiwula siphumelela, kodwa masinyane nje indlu yaso yayisiqalekisiwe.
| אני-ראיתי אויל משריש ואקוב נוהו פתאם |
4 Abantwabaso kabavikelekanga lakancinyane, baphoselwa entolongweni bengelamvikeli.
| ירחקו בניו מישע וידכאו בשער ואין מציל |
5 Abalambileyo bayazidlela isivuno sakhe, besithatha kanye lasemeveni, labomileyo bahahabela inotho yakhe.
| אשר קצירו רעב יאכל--ואל-מצנים יקחהו ושאף צמים חילם |
6 Ngoba ubunzima kabugobhozi emhlabathini, loba uhlupho luhlume phansi.
| כי לא-יצא מעפר און ומאדמה לא-יצמח עמל |
7 Kodwa umuntu uzalelwa ukuhlupheka njengoba ngeqiniso inhlansi zomlilo ziqhatshela phezulu.
| כי-אדם לעמל יולד ובני-רשף יגביהו עוף |
8 Kodwa aluba ubuyimi, bengizamncenga uNkulunkulu; bengizakwethula udubo lwami kuye.
| אולם--אני אדרש אל-אל ואל-אלהים אשים דברתי |
9 Uyazenza izimanga ezingelakulinganiswa, imimangaliso engelakubalwa.
| עשה גדלות ואין חקר נפלאות עד-אין מספר |
10 Uyanisa izulu emhlabeni; uthumela amanzi elizweni.
| הנתן מטר על-פני-ארץ ושלח מים על-פני חוצות |
11 Abaphansi uyabakhweza phezulu, lalabo abakhalayo ubaphakamisela ekuphepheni.
| לשום שפלים למרום וקדרים שגבו ישע |
12 Uyawafubisa amacebo amaqili, ukuze izandla zawo zingaphumeleli.
| מפר מחשבות ערומים ולא-תעשנה ידיהם תשיה |
13 Uyababamba abahlakaniphileyo ebuqilini babo, kuthi amaqhinga eziphoxo achitheke.
| לכד חכמים בערמם ועצת נפתלים נמהרה |
14 Ubumnyama buyabehlela emini; phakathi kwemini bayaphumputha kungathi kusebusuku.
| יומם יפגשו-חשך וכלילה ימששו בצהרים |
15 Uyabasindisa abaswelayo baphephe inkemba emlonyeni wabo; uyabasindisa ekubanjweni ngabalamandla.
| וישע מחרב מפיהם ומיד חזק אביון |
16 Ngakho abayanga balalo ithemba, ukwahlulela kubi kuvala owakho umlomo.
| ותהי לדל תקוה ועלתה קפצה פיה |
17 Ubusisiwe umuntu oqondiswa nguNkulunkulu; ngakho ungaseyisi isijeziso sikaSomandla.
| הנה אשרי אנוש יוכחנו אלוה ומוסר שדי אל-תמאס |
18 Ngoba uyagwaza, kodwa aphinde abophe amanxeba; uyalimaza kodwa izandla zakhe njalo ziyapholisa.
| כי הוא יכאיב ויחבש ימחץ וידו תרפינה |
19 Uzakuhlenga ezinhluphekweni eziyisithupha; kweziyisikhombisa kawuyikuwelwa yingozi.
| בשש צרות יצילך ובשבע לא-יגע בך רע |
20 Ngesikhathi sendlala uzakuhlenga ekufeni, lasempini akuhlenge ekugaleleni kwenkemba.
| ברעב פדך ממות ובמלחמה מידי חרב |
21 Uzavikelwa ekuhletshweni, ungaze wesaba nxa kufika incithakalo.
| בשוט לשון תחבא ולא-תירא משד כי יבוא |
22 Uzakuhleka ukuchithakala kanye lendlala, njalo ungaze wazesaba izilo zomhlaba.
| לשד ולכפן תשחק ומחית הארץ אל-תירא |
23 Ngoba uzakuba lesivumelwano lamatshe eganga, lezinyamazana zeganga zizahlalisana kuhle lawe.
| כי עם-אבני השדה בריתך וחית השדה השלמה-לך |
24 Uzakwazi ukuthi ithente lakho livikelekile; uzahlolisisa impahla yakho uthole kungelalutho olungekho.
| וידעת כי-שלום אהלך ופקדת נוך ולא תחטא |
25 Uzakwazi ukuthi abantwabakho bazakuba banengi, lesizukulwane sakho sibe ngangotshani bomhlaba.
| וידעת כי-רב זרעך וצאצאיך כעשב הארץ |
26 Uzakuza engcwabeni usukhulile okugcweleyo njengezikhwebu zamabele eziqoqwa seziphelele.
| תבוא בכלח אלי-קבר כעלות גדיש בעתו |
27 Sesikuhlolile lokhu, kuliqiniso. Ngakho kuzwisise, ukulandele wena ngokwakho.”
| הנה-זאת חקרנוה כן-היא שמענה ואתה דע-לך |
