UJobe 38
1 UThixo wasekhuluma loJobe ephakathi kwesiphepho. Wathi:
| ויען-יהוה את-איוב מנהסערה (מן הסערה) ויאמר |
2 “Ngubani na lowo odunga amacebo ami ngamazwi okungazi?
| מי זה מחשיך עצה במלין-- בלי-דעת |
3 Qina njengendoda; ngizakubuza, lawe uzangiphendula.
| אזר-נא כגבר חלציך ואשאלך והודיעני |
4 Wawungaphi lapho ngibeka izisekelo zomhlaba na? Ngitshela nxa uqedisisa.
| איפה היית ביסדי-ארץ הגד אם-ידעת בינה |
5 Ngubani owamisa izilinganiso zawo na? Phela angithi uyazi! Ngubani owayidonsayo intambo yokulinganisa kuwo na?
| מי-שם ממדיה כי תדע או מי-נטה עליה קו |
6 Izinsika zawo zamiswa phezu kwani na, loba ngubani owamisa ilitshe lawo lekhoneni na
| על-מה אדניה הטבעו או מי-ירה אבן פנתה |
7 lapho izinkanyezi zokusa zazihlabelela kanyekanye lezingilosi zonke zamemeza ngentokozo?
| ברן-יחד כוכבי בקר ויריעו כל-בני אלהים |
8 Ngubani owavalela ulwandle ngemva kwezivalo lapho selufohla esiswini na,
| ויסך בדלתים ים בגיחו מרחם יצא |
9 lapho ngisenza amayezi aba yisembatho salo na ngalugoqela ngomnyama omkhulu,
| בשומי ענן לבשו וערפל חתלתו |
10 lapho ngalubekela imikhawulo ngamisa iminyango yalo lemigoqo endaweni yayo,
| ואשבר עליו חקי ואשים בריח ודלתים |
11 lapho engathi, ‘Ungeza uze ufike lapha kodwa ungedluli; kulapha amagagasi akho azigqajayo aphelela khona?’
| ואמר--עד-פה תבוא ולא תסיף ופא-ישית בגאון גליך |
12 Sewake wabekela ikuseni umthetho na, loba watshengisa ukusa indawo yakho
| המימיך צוית בקר ידעתה שחר (ידעת השחר) מקמו |
13 ukuba kuphakamise umhlaba ngemiphetho kuthintithe ababi abakuwo?
| לאחז בכנפות הארץ וינערו רשעים ממנה |
14 Umhlaba ubumbeka isimo njengebumba ufakwe uphawu; imibala yawo ikhanye ithi bha njengelembu.
| תתהפך כחמר חותם ויתיצבו כמו לבוש |
15 Ababi bayacitshelwa ukukhanya, lengalo yabo ephakanyisiweyo iyephulwa.
| וימנע מרשעים אורם וזרוע רמה תשבר |
16 Sewake wahamba emithonjeni yolwandle na loba wahamba ezingoxweni zenziki yalo na?
| הבאת עד-נבכי-ים ובחקר תהום התהלכת |
17 Amasango okufa aseke abonakaliswa kuwe na? Usuke wawabona amasango ethunzi lokufa na?
| הנגלו לך שערי-מות ושערי צלמות תראה |
18 Ubuqedisisile na ubukhulu bobubanzi bomhlaba? Ngitshela nxa ukwazi konke lokhu.
| התבננת עד-רחבי-ארץ הגד אם-ידעת כלה |
19 Yiphi indlela eya ekhaya elihlala ukukhanya na? Ubumnyama bona buhlala ngaphi?
| אי-זה הדרך ישכן-אור וחשך אי-זה מקמו |
20 Ungakusa ezindaweni zakho na? Uyazazi izindlela eziya emizini yazo na?
| כי תקחנו אל-גבולו וכי-תבין נתיבות ביתו |
21 Ye uyakwazi, ngoba wawuvele usuzelwe! Usuphile iminyaka yonke le!
| ידעת כי-אז תולד ומספר ימיך רבים |
22 Sewake wangena eziphaleni zikangqwaqwane loba wabona iziphala zesiqhotho na,
| הבאת אל-אצרות שלג ואוצרות ברד תראה |
23 engizilindisele izikhathi zohlupho, insuku zempi lokuhlasela na?
| אשר-חשכתי לעת-צר ליום קרב ומלחמה |
24 Ingaphi indlela eya esigodlweni sokwaba umbane, loba indawo yokuhlakaza umoya wempumalanga phezu komhlaba na?
| אי-זה הדרך יחלק אור יפץ קדים עלי-ארץ |
25 Ngubani ogubhe intshukuntshu yezihlambo zezulu, lendlela yomdumo wesiphepho;
| מי-פלג לשטף תעלה ודרך לחזיז קלות |
26 ukuthelezela ilizwe elingahlali muntu, inkangala okungelamuntu kuyo,
| להמטיר על-ארץ לא-איש-- מדבר לא-אדם בו |
27 ukusuthisa ilizwe elilugwadule kulenze lihlume utshani na?
| להשביע שאה ומשאה ולהצמיח מצא דשא |
28 Izulu elinayo liloyise na? Ngubani onguyise wamathonsi amazolo na?
| היש-למטר אב או מי-הוליד אגלי-טל |
29 Ngesikabani isisu esizala iliqhwa na? Ngubani ozala umtshazo ovela phezulu na
| מבטן מי יצא הקרח וכפר שמים מי ילדו |
30 lapho amanzi abalukhuni njengelitshe, lapho iphezulu yolwandle ijiyile?
| כאבן מים יתחבאו ופני תהום יתלכדו |
31 Ungasibopha na isiLimela lesi esihle? Ungazithukulula yini izintambo zeziNja?
| התקשר מעדנות כימה או-משכות כסיל תפתח |
32 Ungawuletha na uMthala ngesikhathi sawo loba ukhuphe inkanyezi ethiwa yiNgulube lemidlwane yayo?
| התציא מזרות בעתו ועיש על-בניה תנחם |
33 Uyayazi imithetho yasezulwini na? Ungawakha yini umbuso kaNkulunkulu emhlabeni?
| הידעת חקות שמים אם-תשים משטרו בארץ |
34 Ungawamemeza yini amayezi uthi akunethise ngesihlambo samanzi?
| התרים לעב קולך ושפעת-מים תכסך |
35 Uyakuthuma yini ukuphazima kombane? Uyabika kuwe yini uthi, ‘Ngilapha’?
| התשלח ברקים וילכו ויאמרו לך הננו |
36 Ngubani owapha inhliziyo ukuhlakanipha kumbe owapha ingqondo ukuzwisisa na?
| מי-שת בטחות חכמה או מי-נתן לשכוי בינה |
37 Ngubani ololwazi lokubala amayezi na? Ngubani ongagenqula amaqhaga asezulwini na
| מי-יספר שחקים בחכמה ונבלי שמים מי ישכיב |
38 nxa uthuli seluqina lamagade omhlabathi esebumbene?
| בצקת עפר למוצק ורגבים ידבקו |
39 Uyasizingelela na isilwanekazi ukudla kwaso, uyiqede indlala yezilwane
| התצוד ללביא טרף וחית כפירים תמלא |
40 lapho zilele ezikhundleni zazo kumbe zicwathile ezixukwini?
| כי-ישחו במעונות ישבו בסכה למו-ארב |
41 Ngubani opha iwabayi ukudla lapho amatsiyane alo ekhala kuNkulunkulu ezulazula ehayila ngendlala na?”
| מי יכין לערב צידו כי-ילדו אל-אל ישועו יתעו לבלי-אכל |
