UJobe 34
1 U-Elihu waqhubeka esithi:
Furthermore Elihu answered and said,
2 “Zwanini amazwi ami, lina madoda ahlakaniphileyo; lalelani kimi, lina madoda ayizifundiswa.
Hear my words, O you wise men; and give ear to me, you that have knowledge.
3 Phela indlebe iyawahlola amazwi njengolimi lunambitha ukudla.
For the ear tries words, as the mouth tastes meat.
4 Asizihluzeleni thina okulungileyo; kasifundeni ndawonye okuhle.
Let us choose to us judgment: let us know among ourselves what is good.
5 UJobe uthi, ‘Kangilacala, kodwa uNkulunkulu kangahluleli ngokulunga.
For Job has said, I am righteous: and God has taken away my judgment.
6 Loba mina ngiqondile, kuthiwa ngilamanga; loba ngingelacala, umtshoko wakhe ungihlaba isilonda esingelaphekiyo.’
Should I lie against my right? my wound is incurable without transgression.
7 UJobe kanti ungumuntu bani, onatha ukuklolodela njengamanzi?
What man is like Job, who drinks up scorning like water?
8 Uzwanana labantu abenza ububi; uhambisana labantu ababi.
Which goes in company with the workers of iniquity, and walks with wicked men.
9 Ngoba uthi, ‘Umuntu kakumsizi ngalutho ukuzama ukuthokozisa uNkulunkulu.’
For he has said, It profits a man nothing that he should delight himself with God.
10 Ngakho lalelani kimi lina madoda azwisisayo. Kakube khatshana laye uNkulunkulu ukwenza ububi, khatshana kukaSomandla ukona.
Therefore listen to me you men of understanding: far be it from God, that he should do wickedness; and from the Almighty, that he should commit iniquity.
11 Uyamphindisela umuntu ngalokho akwenzileyo; umehlisela lokho okufanele ukuziphatha kwakhe.
For the work of a man shall he render to him, and cause every man to find according to his ways.
12 Kakungeni engqondweni ukuthi uNkulunkulu angenza ububi, ukuthi uSomandla angakutshila ukwahlulela ngokulunga.
Yes, surely God will not do wickedly, neither will the Almighty pervert judgment.
13 Ngubani owambekayo phezu komhlaba na? Ngubani owathi kalawule umhlaba wonke na?
Who has given him a charge over the earth? or who has disposed the whole world?
14 Aluba wayengathanda asuse umoya wakhe lokuphefumula,
If he set his heart on man, if he gather to himself his spirit and his breath;
15 bonke abantu babengatshabalala kanyekanye, umuntu wayezabuyela othulini.
All flesh shall perish together, and man shall turn again to dust.
16 Nxa lilokuzwisisa, zwanini lokhu; lalelani lokhu engikutshoyo.
If now you have understanding, hear this: listen to the voice of my words.
17 Kambe lowo ozonda ukwahlulela ngokulunga angabusa na? Liyamlahla yini Yena oqotho njalo olamandla?
Shall even he that hates right govern? and will you condemn him that is most just?
18 Kayisuye yini othi emakhosini, ‘Kalisizi lutho,’ athi kwabayizikhulu, ‘Libabi,’
Is it fit to say to a king, You are wicked? and to princes, You are ungodly?
19 ongatshengisi ukwazisa amakhosana kulabanye loba athande abanothileyo kulabayanga, ngoba bonke bangumsebenzi wezandla zakhe?
How much less to him that accepts not the persons of princes, nor regards the rich more than the poor? for they all are the work of his hands.
20 Bayafa nje masinyane, loba phakathi kobusuku; abantu bayanyikinywa bedlule; abalamandla bayasuswa kungelasandla somuntu.
In a moment shall they die, and the people shall be troubled at midnight, and pass away: and the mighty shall be taken away without hand.
21 Amehlo akhe aphezu kwezindlela zabantu; ubona zonke izinyathelo zabo.
For his eyes are on the ways of man, and he sees all his goings.
22 Akulandawo emnyama loba ithunzi elisithileyo, lapho abenzi bobubi abangacatsha khona.
There is no darkness, nor shadow of death, where the workers of iniquity may hide themselves.
23 UNkulunkulu kasweli ukuthi aphinde abahlolisise abantu, ukuze abalethe ekwahlulelweni phambi kwakhe.
For he will not lay on man more than right; that he should enter into judgment with God.
24 Engaqalanga wahlola uyabaphahlaza abalamandla abeke abanye endaweni yabo.
He shall break in pieces mighty men without number, and set others in their stead.
25 Ngoba ezinanzelela izenzo zabo, uyabagenqula ebusuku bahlifizeke.
Therefore he knows their works, and he overturns them in the night, so that they are destroyed.
26 Uyabajezisa ngenxa yobubi babo kube segcekeni emuntwini wonke,
He strikes them as wicked men in the open sight of others;
27 ngoba baphambuka ekumlandeleni abaze banaka layiphi indlela yakhe.
Because they turned back from him, and would not consider any of his ways:
28 Benza ukukhala kwabayanga kweza phambi kwakhe, laye wakuzwa ukukhala kwabasweleyo.
So that they cause the cry of the poor to come to him, and he hears the cry of the afflicted.
29 Kodwa nxa elokhu ezithulele, ngubani ongamsola na? Angafihla ubuso bakhe ngubani ongambona na? Kanti uphezu komuntu lesizwe ngokufanayo,
When he gives quietness, who then can make trouble? and when he hides his face, who then can behold him? whether it be done against a nation, or against a man only:
30 ukwalela ongamesabiyo uNkulunkulu ukuthi abuse, ukuze angafakeli abantu izifu.
That the hypocrite reign not, lest the people be ensnared.
31 Akesithi umuntu athi kuNkulunkulu, ‘Ngilecala kodwa kangisayikona njalo.
Surely it is meet to be said to God, I have borne chastisement, I will not offend any more:
32 Ngifundisa lokho engingakuboniyo; nxa ngenze okubi, kangisayikuphinda ngikwenze.’
That which I see not teach you me: if I have done iniquity, I will do no more.
33 Pho uNkulunkulu akuvuze ngokwentando yakho na, wena usala ukuphenduka? Kumele ukhethe wena, hatshi mina; ngakho ngitshela lokho okwaziyo.
Should it be according to your mind? he will recompense it, whether you refuse, or whether you choose; and not I: therefore speak what you know.
34 Amadoda alokuqedisisa azakutsho, amadoda ahlakaniphileyo abangizwayo ngisithi kini,
Let men of understanding tell me, and let a wise man listen to me.
35 ‘UJobe ukhuluma engelalwazi; amazwi akhe kawalambono.’
Job has spoken without knowledge, and his words were without wisdom.
36 Oh, uJobe angasake alingwe ngokweqileyo ngoba uphendule njengomuntu omubi!
My desire is that Job may be tried to the end because of his answers for wicked men.
37 Phezu kwesono sakhe wengeza ukuhlamuka; uyakloloda ngokuqakeza izandla zakhe phakathi kwethu andise amazwi akhe aphikisa uNkulunkulu.”
For he adds rebellion to his sin, he claps his hands among us, and multiplies his words against God.
