UJobe 30
1 “Kodwa manje bayangiklolodela, amadoda angabantwana kimi, oyise engangingabehlisa ngibelusise izimvu zami.
| ועתה שחקו עלי-- צעירים ממני לימים אשר-מאסתי אבותם-- לשית עם-כלבי צאני |
2 Amandla ezandla zabo ayengangisiza ngani mina, ngoba amadlabuzane abo ayesephelile;
| גם-כח ידיהם למה לי עלימו אבד כלח |
3 sebejujukile ngokuswela langendlala, bazula elizweni elomileyo emangweni eyinkangala engelalutho ebusuku.
| בחסר ובכפן גלמוד הערקים ציה--אמש שואה ומשאה |
4 Enkotheni khonale bakha imibhida emunyu, ukudla kwabo kuzimpande zezihlahla.
| הקטפים מלוח עלי-שיח ושרש רתמים לחמם |
5 Baxotshwa ebantwini bakibo, bathethiswa kungathi babengamasela.
| מן-גו יגרשו יריעו עלימו כגנב |
6 Kwasekumele bahlale ezihotsheni zezifula ezomileyo, ezimbalwini emadwaleni lemilindini emhlabathini.
| בערוץ נחלים לשכן חרי עפר וכפים |
7 Bakhonya phakathi kwezihlahla baququbala ezixukwini.
| בין-שיחים ינהקו תחת חרול יספחו |
8 Base bengabantu abaphansi abangaselabizo, sebexotshiwe elizweni.
| בני-נבל גם-בני בלי-שם-- נכאו מן-הארץ |
9 Kodwa manje amadodana abo asengihaya ngengoma; sengiyisiga kubo.
| ועתה נגינתם הייתי ואהי להם למלה |
10 Bayangenyanya njalo bamela khatshana lami; kabathikazi ukungikhafulela ebusweni.
| תעבוני רחקו מני ומפני לא-חשכו רק |
11 Khathesi njengoba uNkulunkulu eselithukulule idandili lami wangitshaya ngezinhlupheko, sebeklamasa kabasazithinti.
| כי-יתרו (יתרי) פתח ויענני ורסן מפני שלחו |
12 Kwesokunene kwami ixuku liyangihlasela; bathiya inyawo zami ngemijibila bakhe imibundu yokungivimbezela.
| על-ימין פרחח יקומו רגלי שלחו ויסלו עלי ארחות אידם |
13 Badiliza indlela yami; bayaphumelela ukungibhidliza besithi ‘Akekho ozamsiza.’
| נתסו נתיבתי להותי יעילו לא עזר למו |
14 Bahlasela ingathi bafohlela esikhaleni esivulekileyo; beza bethululeka phezu kwezinqwaba zamanxiwa.
| כפרץ רחב יאתיו תחת שאה התגלגלו |
15 Ukwesaba okukhulu kungiphethe; isithunzi sami sobuntu singathi siphethwe ngumoya, ukuvikeleka kwami kunyamalala njengeyezi.
| ההפך עלי בלהות תרדף כרוח נדבתי וכעב עברה ישעתי |
16 Manje impilo yami isincipha; insuku zokuhlupheka zingibambe nko.
| ועתה--עלי תשתפך נפשי יאחזוני ימי-עני |
17 Ubusuku bugwaza amathambo ami; lokuqaqamba kobuhlungu bami kakupheli.
| לילה--עצמי נקר מעלי וערקי לא ישכבון |
18 Ngamandla akhe amakhulu uNkulunkulu unjengelembu kimi; uyangikhama ngamabheqe entanyeni yami.
| ברב-כח יתחפש לבושי כפי כתנתי יאזרני |
19 Ungivoxela edakeni, ngicina sengiluthuli lomlotha.
| הרני לחמר ואתמשל כעפר ואפר |
20 Ngikhala kuwe, Oh Nkulunkulu, kodwa kawuphenduli; ngiyasukuma, kodwa uyangikhangela kuphela.
| אשוע אליך ולא תענני עמדתי ותתבנן בי |
21 Ungisukela ngesihluku; ungihlasela ngamandla esandla sakho.
| תהפך לאכזר לי בעצם ידך תשטמני |
22 Uyangihlwitha ngiphetshulwe ngumoya; ngiphoseke le lale phakathi kwesiphepho.
| תשאני אל-רוח תרכיבני ותמגגני תשוה (תשיה) |
23 Ngiyazi ukuthi uzangilalisa phansi ekufeni, endaweni emiselwe konke okuphilayo.
| כי-ידעתי מות תשיבני ובית מועד לכל-חי |
24 Ngempela kakho ombeka isandla umuntu oswelayo nxa ekhalela ukusizwa esebunzimeni.
| אך לא-בעי ישלח-יד אם-בפידו להן שוע |
25 Kangibakhalelanga yini labo abahluphekileyo? Umoya wami kawubazwelanga usizi abayanga na?
| אם-לא בכיתי לקשה-יום עגמה נפשי לאביון |
26 Kodwa ngathi ngilindele ubuhle, kweza ububi; ngathi ngilindele ukukhanya kweza ubumnyama.
| כי טוב קויתי ויבא רע ואיחלה לאור ויבא אפל |
27 Ukudunguluka ngaphakathi kwami kakukhawuli; insuku zokuhlupheka zingijamele.
| מעי רתחו ולא-דמו קדמני ימי-עני |
28 Ngihamba nje ngimnyama kubi, kungesikutshiswa lilanga; ngiyasukuma enkundleni ngicele uncedo.
| קדר הלכתי בלא חמה קמתי בקהל אשוע |
29 Sengingumfowabo wamakhanka, umkhula wezikhova.
| אח הייתי לתנים ורע לבנות יענה |
30 Isikhumba sami siba mnyama, siyaxathuka; umzimba wami uyatshisa ngomkhuhlane.
| עורי שחר מעלי ועצמי-חרה מני-חרב |
31 Ichacho lami selilungiselwe isililo, lomqangala wami ulindele umkhosi wokukhala.”
| ויהי לאבל כנרי ועגבי לקול בכים |
