UJobe 28
1 Kulomgodi wesiliva lendawo lapho okucengwa khona igolide.
| כי יש לכסף מוצא ומקום לזהב יזקו |
2 Insimbi ithathwa emhlabathini, lethusi lincibilikiswa emanyeleni.
| ברזל מעפר יקח ואבן יצוק נחושה |
3 Umuntu uyawuxotsha umnyama; uguduza ezingoxweni eziphansi kude edinga amanyele emnyameni othe bhuqe.
| קץ שם לחשך ולכל-תכלית הוא חוקר אבן אפל וצלמות |
4 Khatshana kwezindawo zabantu ugebha umgodi, ezindaweni lapho okungafiki nyawo lwamuntu; khatshana kwabantu uyalenga, azunguzeke.
| פרץ נחל מעם-גר--הנשכחים מני-רגל דלו מאנוש נעו |
5 Umhlaba, okuphuma kuwo ukudla, uyaguquka ngaphansi ingathi utshiswe ngomlilo;
| ארץ--ממנה יצא-לחם ותחתיה נהפך כמו-אש |
6 amasafire amatshe amahle ayaphuma emadwaleni, uthuli lwawo lugcwele igolide.
| מקום-ספיר אבניה ועפרת זהב לו |
7 Kakukho nyoni edla inyama eyaziyo leyondlela efihlekileyo, kakulalihlo laluphi ukhozi oselwake lwayibona.
| נתיב לא-ידעו עיט ולא שזפתו עין איה |
8 Izilo ezizithembileyo kazilubeki unyawo kuyo, njalo kakulasilwane esizingela khona.
| לא-הדריכוהו בני-שחץ לא-עדה עליו שחל |
9 Isandla somuntu yiso esihlasela idwala eliyinsengetshe siveze obala impande zezintaba.
| בחלמיש שלח ידו הפך משרש הרים |
10 Uyaligubha idwala angene; ilihlo lakhe liwabone wonke amagugu alo.
| בצורות יארים בקע וכל-יקר ראתה עינו |
11 Uyathungatha lapho okudabuka khona imifula aveze obala izinto ezifihlekileyo.
| מבכי נהרות חבש ותעלמה יצא אור |
12 Kodwa ukuhlakanipha kungafunyanwa ngaphi na? Kuhlala ngaphi na ukuzwisisa?
| והחכמה מאין תמצא ואי זה מקום בינה |
13 Umuntu kakuzwisisi ukuqakatheka kwakho; kakufunyanwa elizweni labaphilayo.
| לא-ידע אנוש ערכה ולא תמצא בארץ החיים |
14 Phansi ekujuleni kuthi, “Kakukho kimi”; ulwandle luthi, “Kangilakho mina.”
| תהום אמר לא בי-היא וים אמר אין עמדי |
15 Kungeke kwathengwa ngegolide elicolekileyo, njalo lentengo yakho ingeke yalinganiswa ngesiliva.
| לא-יתן סגור תחתיה ולא ישקל כסף מחירה |
16 Kungeke kwathengwa ngegolide lase-Ofiri, loba nge-onikisi kumbe isafire.
| לא-תסלה בכתם אופיר בשהם יקר וספיר |
17 Kungazake kulinganiswe legolide loba amatshe akhazimulayo, njalo kakuzuzwa ngemiceciso yegolide.
| לא-יערכנה זהב וזכוכית ותמורתה כלי-פז |
18 Amatshe amahle ekhorali lejaspa lawo kawabalwa lapha; intengo yokuhlakanipha ingaphezulu kwamarubhi.
| ראמות וגביש לא יזכר ומשך חכמה מפנינים |
19 Ithophazi yaseKhushi ngeke ilinganiswe lakho; ngeke kuthengwe langegolide elicolekileyo.
| לא-יערכנה פטדת-כוש בכתם טהור לא תסלה |
20 Pho kuvela ngaphi ukuhlakanipha na? Kuhlala ngaphi ukuzwisisa?
| והחכמה מאין תבוא ואי זה מקום בינה |
21 Kufihliwe emehlweni ento yonke ephilayo, kucatshisiwe lakuzo izinyoni zasemoyeni.
| ונעלמה מעיני כל-חי ומעוף השמים נסתרה |
22 INcithakalo loKufa kuthi, “Amahungahunga akho yiwo kuphela esiwezwayo.”
| אבדון ומות אמרו באזנינו שמענו שמעה |
23 UNkulunkulu uyayizwisisa indlela yakho njalo nguye yedwa okwaziyo lapho okuhlala khona,
| אלהים הבין דרכה והוא ידע את-מקומה |
24 ngoba uyayikhangela imikhawulo yomhlaba akubone konke okungaphansi kwamazulu.
| כי-הוא לקצות-הארץ יביט תחת כל-השמים יראה |
25 Wathi emisa umfutho womoya, elinganisa isimo samanzi,
| לעשות לרוח משקל ומים תכן במדה |
26 wathi ebeka umthetho wezulu elinayo lendlela yezulu elilesiphepho,
| בעשתו למטר חק ודרך לחזיז קלות |
27 wasekukhangela ukuhlakanipha wakuhlola butsha; wakukholwa wakuqinisa, wakulinga ukuthi kuqinile.
| אז ראה ויספרה הכינה וגם-חקרה |
28 Wathi emuntwini, “Ukumesaba uThixo yikho ukuhlakanipha, lokuxwaya ububi yikho ukuzwisisa.”
| ויאמר לאדם--הן יראת אדני היא חכמה וסור מרע בינה |
