UJobe 11

1 UZofari umNahama wasephendula wathi:

Then Zophar, the Naamathite, answered,

2 “Uthi amazwi wonke la angayekelwa ukuphendulwa na? Uwawane lolu luyekelwe nje lubheda?

"Shouldn't the multitude of words be answered? Should a man full of talk be justified?

3 Umbhedo wakho lo ungenza abantu bathule na? Uthi ungangakhuzwa muntu wena ukhulumela eceleni?

Should your boastings make men hold their peace? When you mock, shall no man make you ashamed?

4 Uthi kuNkulunkulu, ‘Inkolo yami kayilansolo njalo ngimsulwa phambi kwakho.’

For you say, 'My doctrine is pure. I am clean in your eyes.'

5 Oh, ngize ngifise ukuthi ngabe uNkulunkulu uyakhuluma, avule izindebe zakhe ekusola

But oh that God would speak, and open his lips against you,

6 akuvulele imfihlo zokuhlakanipha, ngoba inhlakanipho yeqiniso ikabili. Yazi lokhu: UNkulunkulu uvele usezikhohliwe ezinye izono zakho.

that he would show you the secrets of wisdom. For true wisdom has two sides. Know therefore that God exacts of you less than your iniquity deserves.

7 Kambe ungayifinyelela yini imfihlakalo kaNkulunkulu? Ungaziphenya iziphetho zikaSomandla na?

"Can you fathom the mystery of God? Or can you probe the limits of Shaddai?

8 Ziqongile ngaphezu kwamazulu, ungenzani kambe? Zizikile kulokujula kolwandle, kuyini ongakwazi pho? (Sheol h7585)

They are high as heaven. What can you do? They are deeper than Sheol. What can you know? (Sheol h7585)

9 Ukulinganiswa kwazo kude kulomhlaba njalo kubanzi kulolwandle.

Its measure is longer than the earth, and broader than the sea.

10 Nxa engeza lapha akuphosele entolongweni abize inkundla, ngubani ongamphikisa na?

If he passes by, or confines, or convenes a court, then who can oppose him?

11 Liqiniso ukuthi uyababona abantu abakhohlisayo; njalo nxa ebona okubi, kananzeleli na?

For he knows false men. He sees iniquity also, even though he doesn't consider it.

12 Kodwa umuntu oyisithutha ngeke ahlakaniphe njengoba ubabhemi weganga engeke azalwa ngumuntu.

An empty-headed man becomes wise when a man is born as a wild donkey's colt.

13 Kodwa nxa ugxilisa inhliziyo yakho kuye uphakamisele izandla zakho kuye,

"If you set your heart aright, stretch out your hands toward him.

14 nxa ulahla isono esisesandleni sakho ungavumeli bubi buhlale ethenteni lakho,

If iniquity is in your hand, put it far away. Do not let unrighteousness dwell in your tents.

15 lapho-ke uzabuveza ubuso bakho ungelanhloni; uzakuma uqine ungesabi.

Surely then you shall lift up your face without spot; Yes, you shall be steadfast, and shall not fear:

16 Uzalukhohlwa ngempela uhlupho lwakho, lufike nje engqondweni njengezikhukhula ezadlulayo.

for you shall forget your misery. You shall remember it as waters that are passed away.

17 Impilo izakhanya kulemini enkulu, lobumnyama buzakuba njengasekuseni.

Life shall be clearer than the noonday. Though there is darkness, it shall be as the morning.

18 Uzavikeleka, ngoba ithemba likhona; uzakhangela ofuna khona uzuze ukuphumula uvikelekile.

You shall be secure, because there is hope. Yes, you shall search, and shall take your rest in safety.

19 Uzazilalela, kungekho okwethusayo, njalo abanengi bazabe sebezisondeza kuwe.

Also you shall lie down, and none shall make you afraid. Yes, many shall court your favor.

20 Kodwa amehlo ababi azafiphala, behluleke lokubaleka; ithemba labo libe yikuhotsha umoya wokufa.”

But the eyes of the wicked shall fail. They shall have no way to flee. Their hope shall be the giving up of the spirit."