UJeremiya 6
1 “Balekani ukuze liphephe, bantu bakoBhenjamini! Balekani eJerusalema! Tshayani icilongo eThekhowa! Phakamisani uphawu phezu kweBhethi-Hakheremi. Ngoba umonakalo uyabonakala ngasenyakatho, kanye lencithakalo eyesabekayo.
本雅明子民，請你們逃出耶路撒冷，在特科亞吹號，在貝特革楞豎立旗幟! 因為有一個災禍，即一個巨大的毀滅，已由北方隱約出現。
2 Indodakazi yaseZiyoni enhle kangaka lebucayi ngizayibhubhisa.
熙雍女郎仿佛美麗的草場，
3 Abelusi lemihlambi yabo bazakuza bamelane layo; bazamisa amathente abo eyihanqile, lowo lalowo elinde indawo yakhe.”
牧童領著自己的羊群坰她進發，在她四週張設帳幕，各據一方牧放。
4 “Lungelani ukulwa layo! Vukani, kasihlaseleni emini! Kodwa, habe, ukukhanya sekufiphala, lamathunzi okuhlwa asesiba made.
「請你們備戰，向她進攻；來，讓我們在正午就上前進攻! 我們真不幸! 因為日已偏西，暮影已長!
5 Ngakho vukani, kasihlaseleni ebusuku sidilize izinqaba zayo!”
不妨! 就趁夜上去，破壞她的閭闕。」
6 UThixo uSomandla uthi: “Gamulani izihlahla liziwise lakhe imiduli yokuvimbezela iJerusalema. Idolobho leli kumele lijeziswe, ligcwele ukuncindezela.
因為萬軍的上主這樣說：6.「他們該砍伐她的樹木，雀起壁壘，圍攻耶路撒冷，這該受罰的城市，因為在那裏充滿了壓榨。
7 Njengomthombo ugobhoza amanzi awo, ngokunjalo lalo ligobhoza ububi balo. Udlakela lokubhubhisa kuyezwakala phakathi kwalo, umkhuhlane walo lamanxeba ngihlezi ngikukhangele.
泉源怎樣湧出泉水，她就怎樣湧出邪惡；從那裏只可聽到強暴和迫害，我金看見疾病和瘡痍。
8 Xwayiseka, we Jerusalema, hlezi ngikutshiye, lelizwe lakho ngilichithe, kungabi lomuntu ohlala kulo.”
耶路撒冷! 你應接受訓戒，免得我的心疏遠你，使你荒涼，成為沒有人居住的地方。」
9 UThixo uSomandla uthi: “Kababuthe izinsalela zako-Israyeli ngokupheleleyo njengevini, dlulisa futhi isandla sakho phezu kwezingatsha, njengomuntu ovuna amavini.”
萬軍的上主這樣說：「你應像收拾葡萄，把以色列的遺民收拾淨盡；又如收割的人 向枝條再伸出你的手來。」
10 Ngubani engingakhuluma laye ngimxwayise na? Ngubani ozangilalela na? Indlebe zabo zivalekile ngakho abangeke bezwe. Ilizwi likaThixo liyisinengiso kubo. Kabafumani ntokozo kulo.
我應對誰說，應警告誰，使他們聽信我呢﹖看，他們的耳朵遲鈍不靈，不能留心細聽；看，上主的話對他們已成了笑柄，一點也不感興趣
11 Kodwa mina ngiyafuthelana ngolaka lukaThixo, ngingeke ngibe ngisalugodla ngaphakathi. “Lwehlisele phezu kwabantwana emgwaqweni laphezu kwamajaha abuthene ndawonye, bobabili indoda lomkayo luzabehlela, kanye labadala, labo abakhulelwa yiminyaka.
為此，我滿懷上主火憤怒，我已無法再控制：「只得將憤怒發洩在街上的孩童和青年的隊伍身上，因為男人和女人，年長和年老的人，都要被擄去；
12 Izindlu zabo zizanikwa abanye, konke lamasimu abo kanye labafazi babo, lapho ngiselula isandla sami ngimelana lalabo abahlala elizweni,” kutsho uThixo.
他們的住它、莊田和妻室，都要歸他人，因為我要向本地的居民伸出我的手──上主的斷語。」
13 “Kusukela kwabancane kusiya kwabakhulu, bonke bayizihwaba ezifuna inzuzo, banjalo abaphrofethi kanye labaphristi, bonke benza inkohliso.
實在，從最小的到最的，都貪財圖利；從先知到司祭，都欺詐行事，
14 Babopha inxeba labantu bami kungathi kalilibi kakhulu. Bathi, ‘Ukuthula, ukuthula,’ khona ukuthula kungekho.
草率治療我人民的瘡痍說：「好了，好了! 」其實卻沒有好。
15 Bayayangeka na ngokuziphatha kwabo okwenyanyekayo? Hatshi, bavele kabalazo inhloni lokuyangeka kabakwazi. Ngakho bazawela phakathi kwabawileyo, bazakwehliselwa phansi lapho sengibajezisa,” kutsho uThixo.
他們既彿事可憎，就應當知恥；可是，他們不但毫不知恥，反而連羞愧也不知道是什麼；為此，他們要與倒斃者一同倒斃，在我降罰他們時，都要一厥不振──上主說。
16 UThixo, uthi: “Manini emahlanganweni emigwaqo likhangele, libuze izindledlana ezindala, libuze lapho okulendlela enhle khona, lihambe ngayo, lizathola ukuphumula kwemiphefumulo yenu. Kodwa lina lithe, ‘Kasiyikuhamba ngayo.’
上主這樣說：「你們應站在交叉路口，觀察探問舊路；那一條是好路，就在那路上走，你們的的心靈必獲安寧。」他們卻答說：「我們偏不走。」
17 Ngalibekela abantu bokulilinda ngathi, ‘Lalelani ukukhala kwecilongo!’ Kodwa lina lathi, ‘Kasiyikulalela.’
我給你們派駐哨兵，你們連注意號聲! 」他們卻答說：「我們偏不注意。
18 Ngakho zwanini, lina zizwe, khangelani, lina elingofakazi, libone okuzakwenzakala kubo.
為此，萬民! 你們必需細聽；群眾! 你們應知道他們的遭遇。
19 Zwana, wena mhlaba, ngiletha umonakalo phezu kwabantu laba, izithelo zamaqhinga abo, ngoba kabawalalelanga amazwi ami njalo bawalile lomthetho wami.
大地注意：看，我必給這百姓帶來災禍，作他們失節的的苦果，因為他們沒有聽從我的言辭，拋棄了卜法律。
20 Ngilani lempepha yaseShebha loba imfe evela elizweni elikude na? Iminikelo yenu yokutshiswa kayamukeleki, imihlatshelo yenu kayingithokozisi.”
那些來自舍巴的乳香，出自遠方的香蒲，於我有何用﹖你們的全燔祭不受悅納，你的犧牲不樂我意。
21 Ngakho uThixo uthi: “Ngizabeka imigoqo phambi kwalababantu. Abazali labantwana bazakhubeka kuyo, omakhelwane labangane bazabhubha.”
為此，上主這樣說：「看，我將這人民設下絆腳石，使父子一起絆倒，使鄰居和朋友同趨滅亡。」
22 UThixo uthi: “Khangelani, ibutho liyeza livela elizweni lasenyakatho, isizwe esikhulu siyadungwa kusukela emikhawulweni yomhlaba.
上主這樣說：「看，有一個民族從北方前來，有一個強大的異邦從地極興起，
23 Bahlome ngamadandili langemikhonto, balesihluku kabalasihawu. Bezwakala njengolwandle oluhlokomayo lapho begade amabhiza abo, beza njengabantu abalungele impi ukuba bakuhlasele, wena Ndodakazi yaseZiyoni.”
緊握弓戈，殘忍無情，像海嘯一般喧嚷，騎著戰馬，萬眾一心，嚴陣準備向你進攻，熙雍女郎! 」
24 Sesizwe imibiko ngabo, njalo izandla zethu zilenga zingelamandla. Usizi lusibambile, ubuhlungu obunjengowesifazane ohelelwayo.
我們聽到了這消息，束手無策，不勝憂慮，痛苦得有如臨產的婦女。
25 Lingayi phandle egangeni, loba lihambe emigwaqweni, ngoba isitha silenkemba, njalo silencithakalo emaceleni wonke.
你們不要到田間去，不要在路上徘徊，因為敵人正在撕殺，四處令人恐怖。
26 Awu bantu bami, gqokani amasaka, lizibhuqe emlotheni, khalani lilile kabuhlungu njengokwendodana eyiyo yodwa, ngoba masinyane nje umchithi uzafika kithi.
我的女兒──人民──你該穿上麻衣，輾轉於灰塵，悲哀傷心痛哭，如喪獨子，因為劫奪者要突然來襲擊我們!
27 “Ngikwenze umhloli wezinsimbi labantu bami babayilitshe elixubene lensimbi ukuba ukhangele ubone ube usuhlola izindlela zabo.
我立了你作我人民的查察員，原是為叫你認識並考察他們的行徑。
28 Bonke bangabahlamuki abalukhuni, abahamba behleba. Balithusi lensimbi, bonke benza ukuxhwala.
他們盡是極頑固的叛徒，往來散播流言，確是壞透了的破銅爛鐵。
29 Imvutho ivutha okwesabekayo incibilikisa umnusu ngokutshisa komlilo kodwa ukucenga kuqhubeka kuyize, ababi kabakhutshwanga.
風箱猛吹，雖有烈火，但鉛仍不溶化；煉工徒然鍛煉，渣滓總煉不掉。
30 Kuthiwa bayisiliva esilahliweyo, ngoba uThixo usebalahlile.”
人都稱他們為「拋棄的銀渣，」因為上主已將他們拋棄。
