KumaHebheru 10

1 Umthetho uyisithunzi nje sezinto ezinhle ezizayo kodwa hatshi lokho okuyikho uqobo. Ngenxa yemihlatshelo efanayo ephindwaphindwa kokuphela iminyaka leminyaka ayingeke ibenze baphelele labo abasondela ekukhonzeni.

For the law having a shadow of good things to come, [and] not the very image of the things, can never with those sacrifices which they offered year by year continually make the comers to [them] perfect.

2 Aluba wawusanelisa, imihlatshelo yayingayikuyekelwa ukunikelwa na? Ngoba abakhonzayo babezahlanjululwa kube kanye kuphela, njalo babengasayikuzizwa belecala lezono zabo.

For then would they not have ceased to be offered? because that the worshipers once cleansed, would have had no more conscience of sins.

3 Kodwa imihlatshelo iyisikhumbuzo sezono zeminyaka yonke,

But in those [sacrifices there is] a remembrance again [made] of sins every year.

4 ngoba akwenzakali ukuba igazi lenkunzi lelembuzi lisuse izono.

For [it is] not possible that the blood of bulls and of goats should take away sins.

5 Ngakho-ke, uKhristu esefikile emhlabeni wathi: “Umhlatshelo lomnikelo kawukufunanga, kodwa wena wangilungisela umzimba;

Wherefore, when he cometh into the world, he saith, Sacrifice and offering thou wouldst not, but a body hast thou prepared me:

6 kawuthokozanga ngeminikelo yokutshiswa leminikelo yesono.

In burnt-offerings and [sacrifices] for sin thou hast had no pleasure.

7 Ngasengisithi, ‘Ngilapha, kulotshiwe ngami emqulwini, ngilande ukuzokwenza intando yakho, Oh Nkulunkulu.’”

Then said I, Lo, I come (in the volume of the book it is written concerning me, ) to do thy will, O God.

8 Kuqala wathi, “Imihlatshelo leminikelo, iminikelo yokutshiswa kanye leminikelo yesono kawuyifunanga, njalo kayikuthokozisanga” (lanxa umthetho usithi kayenziwe).

Above, when he said, Sacrifice and offering and burnt-offerings and [offering] for sin thou wouldst not, neither hadst pleasure [in them]; which are offered by the law;

9 Wabuya wathi, “Ngilapha, ngilande ukuzokwenza intando yakho.” Ususa okokuqala ukuze amise okwesibili.

Then said he, Lo, I come to do thy will, O God. He taketh away the first, that he may establish the second.

10 Njalo ngaleyontando senziwe saba ngcwele ngomhlatshelo womzimba kaJesu Khristu kanye kuphela.

By which will we are sanctified through the offering of the body of Jesus Christ once [for all].

11 Insuku zonke umphristi uyema enze imisebenzi yakhe yenkonzo, anikele njalonjalo imihlatshelo minye, engeke isuse izono.

And every priest standeth daily ministering and offering often the same sacrifices, which can never take away sins:

12 Kodwa kwathi umphristi lo esenikelele izikhathi zonke umhlatshelo owodwa wezono, wahlala phansi esandleni sokunene sikaNkulunkulu.

But this man, after he had offered one sacrifice for sins, for ever sat down on the right hand of God;

13 Kusukela ngalesosikhathi ulindele izitha zakhe ukuba zibe yisenabelo sakhe,

From henceforth waiting till his enemies are made his footstool.

14 ngoba ngomhlatshelo owodwa usephelelise nini lanini labo abenziwayo ukuba ngcwele.

For by one offering he hath perfected for ever them that are sanctified.

15 LoMoya oNgcwele uyafakaza kithi ngalokho. Kuqala uthi:

[Of this] the Holy Spirit also is a witness to us: for after that he had said before,

16 “Lesi yisivumelwano engizasenza labo emva kwalesosikhathi, kutsho iNkosi. Ngizafaka imithetho yami ezinhliziyweni zabo ngiyilobe lasezingqondweni zabo.”

This [is] the covenant that I will make with them after those days, saith the Lord, I will put my laws into their hearts, and in their minds will I write them;

17 Wabuya wengeza wathi: “Izono zabo lezenzo zokungabi lomthetho, angiyikukhumbula futhi.”

And their sins and iniquities will I remember no more.

18 Nxa lezi sezithethelelwe, kawusekho umhlatshelo wesono.

Now where remission of these [is], [there is] no more offering for sin.

19 Ngakho-ke, bazalwane, njengoba silethemba lokungena eNdaweni eNgcwelengcwele ngegazi likaJesu,

Having therefore, brethren, boldness to enter into the holiest by the blood of Jesus,

20 ngendlela entsha ephilayo, esiyivulelwe ekhethenini, okuyikuthi umzimba wakhe,

By a new and living way, which he hath consecrated for us, through the vail, that is to say, his flesh;

21 njalo njengoba silomphristi omkhulu ophethe indlu kaNkulunkulu,

And [having] a high priest over the house of God;

22 kasisondeleni kuNkulunkulu ngezinhliziyo eziqotho ngethemba elipheleleyo lokholo; sibe lezinhliziyo ezicheliweyo ukuba sihlanjululwe isazela secala lemizimba yethu igeziswe ngamanzi ahlanzekileyo.

Let us draw near with a true heart in full assurance of faith, having our hearts sprinkled from an evil conscience, and our bodies washed with pure water.

23 Kasibambeleleni ngokuqina kulo ithemba esilikholwayo, ngoba lowo owathembisayo uthembekile.

Let us hold fast the profession of [our] faith without wavering; for he [is] faithful that promised:

24 Njalo kasicabangeni ukuba singakhuthazana njani ethandweni lasezenzweni ezinhle.

And let us consider one another to excite to love and to good works:

25 Kasingakudeli ukuhlangana, njengalokhu abanye abajayele ukukwenza kodwa kasikhuthazaneni ikakhulu njengoba sibona uSuku lusondela.

Not forsaking the assembling of ourselves, as the manner of some [is]; but exhorting [one another]: and so much the more, as ye see the day approaching.

26 Nxa siqhubeka sisenza izono ngabomu emva kokuba iqiniso sesilazi, kawusekho umhlatshelo wezono,

For if we sin willfully after we have received the knowledge of the truth, there remaineth no more sacrifice for sins,

27 kodwa umlindelo owesabekayo wokwahlulelwa kuphela kanye lomlilo ovuthayo ozaqothula izitha zikaNkulunkulu.

But a certain fearful apprehension of judgment and fiery indignation, which shall devour the adversaries.

28 Owawalayo umthetho kaMosi wafa kungela sihawu ngobufakazi babafakazi ababili kumbe abathathu.

He that despised Moses' law, died without mercy under two or three witnesses:

29 Pho licabanga ukuthi ufanele ukujeziswa kakhulu kangakanani umuntu owanyathela iNdodana kaNkulunkulu ngaphansi konyawo, ophathe igazi lesivumelwano elamenza waba ngcwele njengento engangcwele, lohlambaza uMoya womusa na?

Of how much more severe punishment, suppose ye, shall he be thought worthy, who hath trodden under foot the Son of God, and hath counted the blood of the covenant, by which he was sanctified, an unholy thing, and hath done despite to the Spirit of grace?

30 Ngoba thina siyamazi lowo owathi, “Ukuphindisela ngokwami; ngizabuyisela,” njalo wathi, “INkosi izakwahlulela abantu bayo.”

For we know him that hath said, Vengeance [belongeth] to me, I will recompense, saith the Lord. And again, The Lord will judge his people.

31 Kuyinto eyesabekayo ukuwela ezandleni zikaNkulunkulu ophilayo.

[It is] a fearful thing to fall into the hands of the living God.

32 Khumbulani insuku zakuqala leziyana emva kokuba selamukele ukukhanya, lapho elaqinisela khona ebunzimeni obukhulu phakathi kokuhlupheka.

But call to remembrance the former days, in which, after ye were illuminated, ye endured a great fight of afflictions;

33 Ngezinye izikhathi lenziwa umbukiso wokuhlanjazwa lokuhlukuluzwa; kwathi ngezinye izikhathi lamanyana lalabo ababephathwa kanjalo.

Partly, while ye were made a gazing-stock both by reproaches and afflictions; and partly, while ye became companions of them that were so used.

34 Laba lozwelo kulabo ababesentolongweni, lamukela ngentokozo ukuthunjwa kwempahla yenu, ngoba lalikwazi ukuthi lina lilempahla engcono engapheliyo.

For ye had compassion of me in my bonds, and took joyfully the seizing of your goods, knowing in yourselves that ye have in heaven a better and an enduring substance.

35 Ngakho lingalilahli ithemba lenu; lizavuzwa ngokunengi.

Cast not away therefore your confidence, which hath great recompense of reward.

36 Kuyadingeka ukuba libekezele ukuze kuthi lapho seliyenzile intando kaNkulunkulu, lamukele lokho akuthembisayo.

For ye have need of patience, that, after ye have done the will of God, ye may receive the promise.

37 Ngoba, “Ngesikhatshana nje, lowo ozayo uzafika njalo kasoze aphuze.”

For yet a little while, and he that is coming will come, and will not tarry.

38 Kodwa, “Olungileyo wami uzaphila ngokukholwa. Angahlehlela emuva, kangiyikuthokoza ngaye.”

Now the just shall live by faith: but if [any man] shall draw back, my soul shall have no pleasure in him.

39 Kodwa thina kasisibo balabo abahlehlela emuva babhujiswe, kodwa labo abakholwayo basindiswe.

But we are not of them who draw back to perdition; but of them that believe to the saving of the soul.