U-Eksodusi 40
1 UThixo wasesithi kuMosi:
| וידבר יהוה אל משה לאמר׃ |
2 “Misa ithabanikeli, ithente lokuhlangana, ngosuku lokuqala lwenyanga yakuqala.
| ביום החדש הראשון באחד לחדש תקים את משכן אהל מועד׃ |
3 Beka umtshokotsho wesivumelwano kulo ube ususitha umtshokotsho wobufakazi ngekhetheni.
| ושמת שם את ארון העדות וסכת על הארן את הפרכת׃ |
4 Ngenisa itafula ube usufaka izinto ezibekwa phezu kwayo. Letha-ke uluthi lwesibane ube usuxhuma izibane zalo.
| והבאת את השלחן וערכת את ערכו והבאת את המנרה והעלית את נרתיה׃ |
5 Beka i-alithari lempepha elenziwe ngegolide phambi komtshokotsho wobufakazi njalo ufake ikhetheni esangweni lethabanikeli.
| ונתתה את מזבח הזהב לקטרת לפני ארון העדת ושמת את מסך הפתח למשכן׃ |
6 Beka i-alithari lomnikelo wokutshiswa phambi kwesango lethabanikeli, ithente lokuhlangana;
| ונתתה את מזבח העלה לפני פתח משכן אהל מועד׃ |
7 beka umkolo phakathi laphakathi kwethente lokuhlangana le-alithari ube usuthela amanzi kuwo.
| ונתת את הכיר בין אהל מועד ובין המזבח ונתת שם מים׃ |
8 Lungisa iguma eliwugombolozeleyo ubusufaka ikhetheni esangweni leguma.
| ושמת את החצר סביב ונתת את מסך שער החצר׃ |
9 Thatha amafutha okugcoba abantu abakhethiweyo ezikhundleni, ugcobe ngawo ithabanikeli lakho konke okukulo, ulibusise kanye lempahla zalo, ngalokho lizakuba ngcwele.
| ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש׃ |
10 Gcoba-ke i-alithari lomnikelo wokutshiswa lazozonke izitsha zalo; ubusise i-alithari ukuze libe ngcwelengcwele.
| ומשחת את מזבח העלה ואת כל כליו וקדשת את המזבח והיה המזבח קדש קדשים׃ |
11 Gcoba umkolo lenyawo zawo ubusuwubusisa.
| ומשחת את הכיר ואת כנו וקדשת אתו׃ |
12 Letha u-Aroni lamadodana akhe ethenteni lokuhlangana ubusubagezisa ngamanzi.
| והקרבת את אהרן ואת בניו אל פתח אהל מועד ורחצת אתם במים׃ |
13 Ubusugqokisa u-Aroni izembatho ezingcwele umgcobe ngamafutha umbusise ukuze angenzele umsebenzi wobuphristi.
| והלבשת את אהרן את בגדי הקדש ומשחת אתו וקדשת אתו וכהן לי׃ |
14 Letha amadodana akhe uwagqokise amabhatshi.
| ואת בניו תקריב והלבשת אתם כתנת׃ |
15 Bagcobe labo njengokugcotshwa kukayise ukuze bangenzele umsebenzi wobuphristi. Ukugcotshwa kwabo kubapha umsebenzi wobuphristi kuzozonke izizukulwane ezizayo.”
| ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם׃ |
16 UMosi wenza konke njengokulaywa kwakhe nguThixo.
| ויעש משה ככל אשר צוה יהוה אתו כן עשה׃ |
17 Lamiswa-ke ithabanikeli ngosuku lwakuqala ngenyanga yakuqala emnyakeni wesibili.
| ויהי בחדש הראשון בשנה השנית באחד לחדש הוקם המשכן׃ |
18 Kwathi uMosi emisa ithabanikeli, wafaka izisekelo endaweni yazo, wamisa amathala, wafaka imithando wasemisa izinsika.
| ויקם משה את המשכן ויתן את אדניו וישם את קרשיו ויתן את בריחיו ויקם את עמודיו׃ |
19 Wasesendlala ithente phezu kwethabanikeli wafaka isembeso phezu kwethente njengokulaywa kwakhe nguThixo.
| ויפרש את האהל על המשכן וישם את מכסה האהל עליו מלמעלה כאשר צוה יהוה את משה׃ |
20 Wathatha izibhebhedu zobufakazi wazibeka emtshokotshweni wesivumelwano, wahloma imijabo kuwo wasefaka isihlalo somusa phezu kwawo.
| ויקח ויתן את העדת אל הארן וישם את הבדים על הארן ויתן את הכפרת על הארן מלמעלה׃ |
21 Wasengenisa umtshokotsho wobufakazi ethabanikeleni, waphanyeka ikhetheni lokusitha wawugubuzela, njengalokho okwakulaywe nguThixo.
| ויבא את הארן אל המשכן וישם את פרכת המסך ויסך על ארון העדות כאשר צוה יהוה את משה׃ |
22 UMosi wasebeka itafula ethenteni lokuhlangana eceleni langenyakatho lethabanikeli ngaphandle kwekhetheni,
| ויתן את השלחן באהל מועד על ירך המשכן צפנה מחוץ לפרכת׃ |
23 wasebeka isinkwa phezu kwalo phambi kukaThixo njengokulaywa kwakhe nguThixo.
| ויערך עליו ערך לחם לפני יהוה כאשר צוה יהוה את משה׃ |
24 Wabeka uluthi lwesibane ethenteni lokuhlangana lukhangele itafula eningizimu kwethabanikeli,
| וישם את המנרה באהל מועד נכח השלחן על ירך המשכן נגבה׃ |
25 wasemisa izibane phambi kukaThixo, njengokulaywa kwakhe nguThixo.
| ויעל הנרת לפני יהוה כאשר צוה יהוה את משה׃ |
26 UMosi wabeka i-alithari legolide ethenteni lokuhlangana phambi kwekhetheni,
| וישם את מזבח הזהב באהל מועד לפני הפרכת׃ |
27 wasetshisela impepha phezu kwalo njengokulaywa kwakhe nguThixo.
| ויקטר עליו קטרת סמים כאשר צוה יהוה את משה׃ |
28 Waselengisa ikhetheni esangweni lethabanikeli.
| וישם את מסך הפתח למשכן׃ |
29 Wamisa i-alithari lomnikelo wokutshiswa phansi kwesango lethabanikeli lethente lokuhlangana, wanikela phezu kwalo iminikelo yokutshiswa leminikelo yezilimo njengokulaywa kwakhe nguThixo.
| ואת מזבח העלה שם פתח משכן אהל מועד ויעל עליו את העלה ואת המנחה כאשר צוה יהוה את משה׃ |
30 Wasebeka umkolo phakathi laphakathi kwethente lokuhlangana le-alithari wasethela amanzi okugeza phakathi kwawo,
| וישם את הכיר בין אהל מועד ובין המזבח ויתן שמה מים לרחצה׃ |
31 ngakho uMosi lo-Aroni kanye lamadodana akhe bawusebenzisa ukugeza izandla zabo kanye lezinyawo.
| ורחצו ממנו משה ואהרן ובניו את ידיהם ואת רגליהם׃ |
32 Babegeza ngasosonke isikhathi nxa bengena ethenteni lokuhlangana loba nxa besiya e-alithareni njengokulaywa kukaMosi nguThixo.
| בבאם אל אהל מועד ובקרבתם אל המזבח ירחצו כאשר צוה יהוה את משה׃ |
33 Ngakho uMosi walungisa iguma elihonqolozele ithabanikeli le-alithari waselengisa ikhetheni esangweni leguma kwaba yikho ukuqeda kukaMosi umsebenzi.
| ויקם את החצר סביב למשכן ולמזבח ויתן את מסך שער החצר ויכל משה את המלאכה׃ |
34 Emva kwalokho iyezi lasibekela ithente lokuhlangana, kwathi inkazimulo kaThixo yagcwala ithabanikeli.
| ויכס הענן את אהל מועד וכבוד יהוה מלא את המשכן׃ |
35 UMosi kenelisanga ukungena ethenteni lokuhlangana ngenxa yeyezi elalimi phezu kwalo, inkazimulo kaThixo yagcwala ethabanikeleni.
| ולא יכל משה לבוא אל אהל מועד כי שכן עליו הענן וכבוד יהוה מלא את המשכן׃ |
36 Kulolonke uhambo lwabako-Israyeli, kwakusithi iyezi lingaphakama lisuka phezu kwethabanikeli, labo baqhubeke;
| ובהעלות הענן מעל המשכן יסעו בני ישראל בכל מסעיהם׃ |
37 kodwa kuthi nxa iyezi lingaphakamanga, labo babengaqhubekeli phambili, kuze kube mhla liphakama.
| ואם לא יעלה הענן ולא יסעו עד יום העלתו׃ |
38 Ngokunjalo iyezi likaThixo lalisiba phezu kwethabanikeli emini, kuthi ebusuku kube lomlilo eyezini, bekubona bonke abako-Israyeli ekuhambeni kwabo konke.
| כי ענן יהוה על המשכן יומם ואש תהיה לילה בו לעיני כל בית ישראל בכל מסעיהם׃ |
