U-Eksodusi 40

1 UThixo wasesithi kuMosi:

And the LORD spoke unto Moses, saying,

2 “Misa ithabanikeli, ithente lokuhlangana, ngosuku lokuqala lwenyanga yakuqala.

On the first day of the first month shall you set up the tabernacle of the tent of the congregation.

3 Beka umtshokotsho wesivumelwano kulo ube ususitha umtshokotsho wobufakazi ngekhetheni.

And you shall put therein the ark of the testimony, and cover the ark with the vail.

4 Ngenisa itafula ube usufaka izinto ezibekwa phezu kwayo. Letha-ke uluthi lwesibane ube usuxhuma izibane zalo.

And you shall bring in the table, and set in order the things that are to be set in order upon it; and you shall bring in the candlestick, and light the lamps thereof.

5 Beka i-alithari lempepha elenziwe ngegolide phambi komtshokotsho wobufakazi njalo ufake ikhetheni esangweni lethabanikeli.

And you shall set the altar of gold for the incense before the ark of the testimony, and put the hanging of the door to the tabernacle.

6 Beka i-alithari lomnikelo wokutshiswa phambi kwesango lethabanikeli, ithente lokuhlangana;

And you shall set the altar of the burnt offering before the door of the tabernacle of the tent of the congregation.

7 beka umkolo phakathi laphakathi kwethente lokuhlangana le-alithari ube usuthela amanzi kuwo.

And you shall set the vessel that holds water between the tent of the congregation and the altar, and shall put water therein.

8 Lungisa iguma eliwugombolozeleyo ubusufaka ikhetheni esangweni leguma.

And you shall set up the court round about, and hang up the hanging at the court gate.

9 Thatha amafutha okugcoba abantu abakhethiweyo ezikhundleni, ugcobe ngawo ithabanikeli lakho konke okukulo, ulibusise kanye lempahla zalo, ngalokho lizakuba ngcwele.

And you shall take the anointing oil, and anoint the tabernacle, and all that is therein, and shall hallow it, and all the vessels thereof: and it shall be holy.

10 Gcoba-ke i-alithari lomnikelo wokutshiswa lazozonke izitsha zalo; ubusise i-alithari ukuze libe ngcwelengcwele.

And you shall anoint the altar of the burnt offering, and all his vessels, and sanctify the altar: and it shall be an altar most holy.

11 Gcoba umkolo lenyawo zawo ubusuwubusisa.

And you shall anoint the vessel that holds water and his foot, and sanctify it.

12 Letha u-Aroni lamadodana akhe ethenteni lokuhlangana ubusubagezisa ngamanzi.

And you shall bring Aaron and his sons unto the door of the tabernacle of the congregation, and wash them with water.

13 Ubusugqokisa u-Aroni izembatho ezingcwele umgcobe ngamafutha umbusise ukuze angenzele umsebenzi wobuphristi.

And you shall put upon Aaron the holy garments, and anoint him, and sanctify him; that he may minister unto me in the priest's office.

14 Letha amadodana akhe uwagqokise amabhatshi.

And you shall bring his sons, and clothe them with coats:

15 Bagcobe labo njengokugcotshwa kukayise ukuze bangenzele umsebenzi wobuphristi. Ukugcotshwa kwabo kubapha umsebenzi wobuphristi kuzozonke izizukulwane ezizayo.”

And you shall anoint them, as you did anoint their father, that they may minister unto me in the priest's office: for their anointing shall surely be an everlasting priesthood throughout their generations.

16 UMosi wenza konke njengokulaywa kwakhe nguThixo.

Thus did Moses: according to all that the LORD commanded him, so did he.

17 Lamiswa-ke ithabanikeli ngosuku lwakuqala ngenyanga yakuqala emnyakeni wesibili.

And it came to pass in the first month in the second year, on the first day of the month, that the tabernacle was reared up.

18 Kwathi uMosi emisa ithabanikeli, wafaka izisekelo endaweni yazo, wamisa amathala, wafaka imithando wasemisa izinsika.

And Moses reared up the tabernacle, and fastened his sockets, and set up the boards thereof, and put in the bars thereof, and reared up his pillars.

19 Wasesendlala ithente phezu kwethabanikeli wafaka isembeso phezu kwethente njengokulaywa kwakhe nguThixo.

And he spread abroad the tent over the tabernacle, and put the covering of the tent above upon it; as the LORD commanded Moses.

20 Wathatha izibhebhedu zobufakazi wazibeka emtshokotshweni wesivumelwano, wahloma imijabo kuwo wasefaka isihlalo somusa phezu kwawo.

And he took and put the testimony into the ark, and set the staves on the ark, and put the mercy seat above upon the ark:

21 Wasengenisa umtshokotsho wobufakazi ethabanikeleni, waphanyeka ikhetheni lokusitha wawugubuzela, njengalokho okwakulaywe nguThixo.

And he brought the ark into the tabernacle, and set up the vail of the covering, and covered the ark of the testimony; as the LORD commanded Moses.

22 UMosi wasebeka itafula ethenteni lokuhlangana eceleni langenyakatho lethabanikeli ngaphandle kwekhetheni,

And he put the table in the tent of the congregation, upon the side of the tabernacle northward, without the vail.

23 wasebeka isinkwa phezu kwalo phambi kukaThixo njengokulaywa kwakhe nguThixo.

And he set the bread in order upon it before the LORD; as the LORD had commanded Moses.

24 Wabeka uluthi lwesibane ethenteni lokuhlangana lukhangele itafula eningizimu kwethabanikeli,

And he put the candlestick in the tent of the congregation, opposite to the table, on the side of the tabernacle southward.

25 wasemisa izibane phambi kukaThixo, njengokulaywa kwakhe nguThixo.

And he lighted the lamps before the LORD; as the LORD commanded Moses.

26 UMosi wabeka i-alithari legolide ethenteni lokuhlangana phambi kwekhetheni,

And he put the golden altar in the tent of the congregation before the vail:

27 wasetshisela impepha phezu kwalo njengokulaywa kwakhe nguThixo.

And he burnt sweet incense thereon; as the LORD commanded Moses.

28 Waselengisa ikhetheni esangweni lethabanikeli.

And he set up the hanging at the door of the tabernacle.

29 Wamisa i-alithari lomnikelo wokutshiswa phansi kwesango lethabanikeli lethente lokuhlangana, wanikela phezu kwalo iminikelo yokutshiswa leminikelo yezilimo njengokulaywa kwakhe nguThixo.

And he put the altar of burnt offering by the door of the tabernacle of the tent of the congregation, and offered upon it the burnt offering and the food offering; as the LORD commanded Moses.

30 Wasebeka umkolo phakathi laphakathi kwethente lokuhlangana le-alithari wasethela amanzi okugeza phakathi kwawo,

And he set the vessel that holds water between the tent of the congregation and the altar, and put water there, to wash likewise.

31 ngakho uMosi lo-Aroni kanye lamadodana akhe bawusebenzisa ukugeza izandla zabo kanye lezinyawo.

And Moses and Aaron and his sons washed their hands and their feet thereat:

32 Babegeza ngasosonke isikhathi nxa bengena ethenteni lokuhlangana loba nxa besiya e-alithareni njengokulaywa kukaMosi nguThixo.

When they went into the tent of the congregation, and when they came near unto the altar, they washed; as the LORD commanded Moses.

33 Ngakho uMosi walungisa iguma elihonqolozele ithabanikeli le-alithari waselengisa ikhetheni esangweni leguma kwaba yikho ukuqeda kukaMosi umsebenzi.

And he reared up the court round about the tabernacle and the altar, and set up the hanging of the court gate. So Moses finished the work.

34 Emva kwalokho iyezi lasibekela ithente lokuhlangana, kwathi inkazimulo kaThixo yagcwala ithabanikeli.

Then a cloud covered the tent of the congregation, and the glory of the LORD filled the tabernacle.

35 UMosi kenelisanga ukungena ethenteni lokuhlangana ngenxa yeyezi elalimi phezu kwalo, inkazimulo kaThixo yagcwala ethabanikeleni.

And Moses was not able to enter into the tent of the congregation, because the cloud abode thereon, and the glory of the LORD filled the tabernacle.

36 Kulolonke uhambo lwabako-Israyeli, kwakusithi iyezi lingaphakama lisuka phezu kwethabanikeli, labo baqhubeke;

And when the cloud was taken up from over the tabernacle, the children of Israel went onward in all their journeys:

37 kodwa kuthi nxa iyezi lingaphakamanga, labo babengaqhubekeli phambili, kuze kube mhla liphakama.

But if the cloud were not taken up, then they journeyed not till the day that it was taken up.

38 Ngokunjalo iyezi likaThixo lalisiba phezu kwethabanikeli emini, kuthi ebusuku kube lomlilo eyezini, bekubona bonke abako-Israyeli ekuhambeni kwabo konke.

For the cloud of the LORD was upon the tabernacle by day, and fire was on it by night, in the sight of all the house of Israel, throughout all their journeys.