U-Eksodusi 15
1 Ngakho uMosi labako-Israyeli basebehlabelela lelihubo kuThixo: “Ngizamhlabelela uThixo ngoba uphakeme kakhulu. Ibhiza lomgadi walo ukuphosele ngamandla olwandle.
那时，摩西和以色列人向耶和华唱歌说： 我要向耶和华歌唱，因他大大战胜， 将马和骑马的投在海中。
2 UThixo ungamandla ami lehubo lami; useyikusindiswa kwami. UnguNkulunkulu wami, ngizamdumisa; uNkulunkulu kababa ngizamphakamisa.
耶和华是我的力量，我的诗歌， 也成了我的拯救。 这是我的 神，我要赞美他， 是我父亲的 神，我要尊崇他。
3 UThixo ulibutho; nguThixo ibizo lakhe.
耶和华是战士； 他的名是耶和华。
4 Izinqola zikaFaro lempi yakhe ukuphosele ngamandla olwandle. Izikhulu zikaFaro ezithenjiweyo, zigalule oLwandle oluBomvu.
法老的车辆、军兵，耶和华已抛在海中； 他特选的军长都沉于红海。
5 Inziki zamanzi zibagubuzele; batshona ekujuleni njengelitshe.
深水淹没他们； 他们如同石头坠到深处。
6 Isandla sakho sokunene, Oh Thixo, saba lamandla obukhosi. Isandla sakho sokunene, Oh Thixo, sasihlikiza isitha.
耶和华啊，你的右手施展能力，显出荣耀； 耶和华啊，你的右手摔碎仇敌。
7 Ebukhulwini bobukhosi bakho wabasakazela phansi abakuphikisayo. Wavulela ulaka lwakho oluvuthayo, lwabatshisa njengencwathi.
你大发威严，推翻那些起来攻击你的； 你发出烈怒如火，烧灭他们像烧碎秸一样。
8 Ngokuphefumula kwamakhala akho amanzi aqoqana aba yinqwaba. Amanzi ageleza ngenhlokomo ema enza udonga; amanzi azikileyo ajiya enzikini yolwandle.
你发鼻中的气，水便聚起成堆， 大水直立如垒， 海中的深水凝结。
9 Isitha sakloloda sathi, ‘Ngizabaxhuma, ngibedlule. Ngizakwaba impango; ngizazitika ngokungokwabo. Ngizakhokha inkemba yami, isandla sami sibabhubhise.’
仇敌说：我要追赶，我要追上； 我要分掳物，我要在他们身上称我的心愿。 我要拔出刀来，亲手杀灭他们。
10 Kodwa wena wavuthela ngomoya wokuphefumula kwakho, ulwandle lwabasibekela. Batshona njengomnuso emanzini esabekayo.
你叫风一吹，海就把他们淹没； 他们如铅沉在大水之中。
11 Ngubani kubonkulunkulu bonke onjengawe, Thixo? Ngubani onjengawe, olobukhosi ebungcweleni bakhe, owesabekayo ngenkazimulo, owenza izimangaliso?
耶和华啊，众神之中，谁能像你？ 谁能像你—至圣至荣， 可颂可畏，施行奇事？
12 Welula isandla sakho sokunene umhlabathi uziginye izitha zakho.
你伸出右手， 地便吞灭他们。
13 Ngothando lwakho olungapheliyo uzabahola abantu obahlengileyo. Ngamandla akho uzabaholela endaweni yakho engcwele.
你凭慈爱领了你所赎的百姓； 你凭能力引他们到了你的圣所。
14 Izizwe zizakuzwa zithuthumele; umhedehede ubahlukuluze abantu baseFilistiya.
外邦人听见就发颤； 疼痛抓住非利士的居民。
15 Izinduna zase-Edomi zizatshaywa luvalo, abakhokheli baseMowabi bafikelwe yikwesaba, abantu baseKhenani banyamalale nya!
那时，以东的族长惊惶， 摩押的英雄被战兢抓住， 迦南的居民心都消化了。
16 Ukwesaba lokuthuthumela kuzabehlela. Ngamandla engalo yakho, bazathula njengelitshe, abantu bakho baze bedlule, Oh Thixo, abantu owabadalayo baze bedlule.
惊骇恐惧临到他们。 耶和华啊，因你膀臂的大能， 他们如石头寂然不动， 等候你的百姓过去， 等候你所赎的百姓过去。
17 Uzabangenisa ubahlanyele entabeni yelifa lakho, indawo, Oh Thixo, owayenzela ukuthi uhlale kuyo, indawo engcwele, Oh Thixo, eyamiswa ngezandla zakho.
你要将他们领进去，栽于你产业的山上— 耶和华啊，就是你为自己所造的住处； 主啊，就是你手所建立的圣所。
18 UThixo uzabusa kuze kube nini lanini.”
耶和华必作王，直到永永远远！
19 Kwathi lapho amabhiza kaFaro, izinqola kanye labagadi bamabhiza sebengenile olwandle, uThixo wawabuyisa amanzi alo phezu kwabo, kodwa abako-Israyeli bona bazihambela badabula ulwandle phezu komhlabathi owomileyo.
法老的马匹、车辆，和马兵下到海中，耶和华使海水回流，淹没他们；惟有以色列人在海中走干地。
20 Khonapho uMiriyemu umphrofethikazi, udadewabo ka-Aroni, wathatha isigubhu sakhe ngesandla, bamlandela bonke abesifazane bephethe izigubhu begida.
亚伦的姊姊，女先知米利暗，手里拿着鼓；众妇女也跟她出去拿鼓跳舞。
21 UMiriyemu wabahlabelela wathi: “Mhlabeleleni uThixo ngoba uphakeme kakhulu. Ibhiza lomgadi walo ukuphosele ngamandla olwandle.”
米利暗应声说： 你们要歌颂耶和华，因他大大战胜， 将马和骑马的投在海中。
22 UMosi wasebahola abako-Israyeli basuka oLwandle Olubomvu baya enkangala yeShuri bengatholi manzi.
摩西领以色列人从红海往前行，到了书珥的旷野，在旷野走了三天，找不着水。
23 Kwathi befika eMara behluleka ukunatha amanzi akhona ngoba ayebaba. (Yikho indawo leyo kuthiwa yiMara.)
到了玛拉，不能喝那里的水；因为水苦，所以那地名叫玛拉。
24 Abantu basebekhonona kuMosi besithi, “Sinatheni-ke manje?”
百姓就向摩西发怨言，说：“我们喝什么呢？”
25 UMosi wasekhala kuThixo, uThixo wasemtshengisa isigojwana. Wasiphosela emanzini, amanzi aphenduka aba mnandi. Khonapho uThixo wabenzela isimiso lomthetho, njalo khonapho wabalinga.
摩西呼求耶和华，耶和华指示他一棵树。他把树丢在水里，水就变甜了。 耶和华在那里为他们定了律例、典章，在那里试验他们；
26 Wathi, “Nxa lilalela kakuhle ilizwi likaThixo uNkulunkulu wenu, lenze okulungileyo kuye, lilandele imilayo yakhe njalo ligcine lezimiso zakhe, kangisoze ngilehlisele iziga lezo engazehlisela amaGibhithe; ngoba nginguThixo olisilisayo.”
又说：“你若留意听耶和华—你 神的话，又行我眼中看为正的事，留心听我的诫命，守我一切的律例，我就不将所加与埃及人的疾病加在你身上，因为我—耶和华是医治你的。”
27 Basebefika e-Elimi lapho okwakulemithombo yamanzi elitshumi lambili khona, lezihlahla zelala ezingamatshumi ayisikhombisa. Basebemisa khona lapho eduze kwamanzi.
他们到了以琳，在那里有十二股水泉，七十棵棕树；他们就在那里的水边安营。
