1 KwabaseKhorinte 13

1 Loba ngikhuluma ngendimi zabantu lezezingilosi, kodwa ngingelalo uthando, ngiyinsimbi nje ekhalayo loba izenge elincencethayo.

If I speak with the tongues of men and of agents, but have not love, I have become sounding brass, or a clashing cymbal.

2 Loba ngilesipho sokuphrofitha, ngingaqedisisa imfihlakalo zonke kanye lokwazi konke, njalo nxa ngilokukholwa okungasusa izintaba, kodwa ngingelalo uthando, kangisilutho.

And if I have prophecy, and know all mysteries and all knowledge, and if I have all faith so as to remove mountains, and have not love, I am nothing.

3 Loba nginganika abayanga konke engilakho nginikele lomzimba wami emalangabini, kodwa ngingelalo uthando, kangizuzi lutho.

And if I dole out all things possessed by me, and if I deliver my body so that I may be burned, and have not love, I benefit nothing.

4 Uthando luyabekezela, uthando lulomusa. Kalulamona, kaluzincomi, kaluzigqaji.

Love is patient and is kind. Love does not envy. Love does not brag, and is not puffed up.

5 Kalusisosiqholo, kaluzifuneli okwalo, kaluphangisi ukuthukuthela, kalubambeli zikhwili.

It does not behave improperly, does not seek the things of itself, is not made sharp, does not contemplate evil,

6 Uthando kaluthokozeli okubi, kodwa luthokozela iqiniso.

does not rejoice in wrong but rejoices in the truth,

7 Luhlezi luvikela, luhlezi lukholwa, luhlezi lusethemba, luhlezi lubekezela.

covers all things, believes all things, hopes all things, endures all things.

8 Uthando kalupheli. Kodwa lapho okuleziphrofethi khona, zizaphela, lapho okulezindimi khona, zizathuliswa; lapho okulokwazi khona, kuzakwedlula.

Love never fails. But whether prophecies, they will be abolished, whether tongues, they will cease, whether knowledge, it will be abolished.

9 Ngoba sazi ingxenye, njalo siphrofitha ingxenye,

But we know in part, and we prophesy in part,

10 kodwa lapho ukuphelela kufika, ukungapheleli kuyanyamalala.

but when the perfect comes, then what is in part will be abolished.

11 Ngisesengumntwana, ngakhuluma njengomntwana, ngacabanga njengomntwana, nganakana njengomntwana. Sengiyindoda, ngaziyekela izindlela zobuntwana.

When I was a child, I spoke as a child, I understood as a child, I reasoned as a child, but when I became a man, I abolished the childish things.

12 Khathesi sibona kalufifi esibukweni; sizabuye sibone ubuso ngobuso. Khathesi ngazi ingxenye; ngizabuye ngazi okupheleleyo, njengoba lami ngisaziwa ngokupheleleyo.

For now we see by polished metal, in dimness, but then face to face. Now I know in part, but then I will know just as also I was known.

13 Okuthathu lokhu kuma kunjalo: ukukholwa, ithemba lothando. Kodwa okukhulu kwalokhu luthando.

And now remain faith, hope, love, these three, but the greater of these is love.