< 1 KwabaseKhorinte 12 >

1 Mayelana lezipho zikamoya, bazalwane, kangifuni ukuba lingaze lazi.
Now concerning spiritual things, brothers, I don’t want you to be ignorant.
2 Liyakwazi ukuthi ngesikhathi lingakabi ngabakholwayo, ngezinye indlela laholelwa njalo ledukiselwa ezithombeni eziyizimungulu.
You know that when you were heathen, you were led away to those mute idols, however you might be led.
3 Ngakho ngiyalitshela ukuthi kakho okhuluma ngoMoya kaNkulunkulu othi, “UJesu kathukwe,” njalo kakho ongathi, “UJesu yiNkosi,” ngaphandle kokuba kungoMoya oNgcwele.
Therefore I make known to you that no man speaking by God’s Spirit says, “Jesus is accursed.” No one can say, “Jesus is Lord,” but by the Holy Spirit.
4 Kulenhlobo ezehlukeneyo zezipho zikamoya kodwa uMoya munye.
Now there are various kinds of gifts, but the same Spirit.
5 Kulezindlela ezehlukeneyo zokukhonza, kodwa iNkosi yinye.
There are various kinds of service, and the same Lord.
6 Kulezindlela ezehlukeneyo zokukhonza kodwa uNkulunkulu munye njalo uzisebenza zonke ebantwini bonke.
There are various kinds of workings, but the same God who works all things in all.
7 Emuntwini ngamunye ukubonakaliswa kukaMoya kwenzelwa ukusiza umuntu wonke.
But to each one is given the manifestation of the Spirit for the profit of all.
8 Omunye ngoMoya uphiwa amandla okukhuluma ngokuhlakanipha, omunye amandla okukhuluma ngokwazi ngaye uMoya munye lowo,
For to one is given through the Spirit the word of wisdom, and to another the word of knowledge according to the same Spirit,
9 omunye uphiwa ukukholwa ngoMoya munye lowo, omunye uphiwa izipho zokusilisa ngawona lowo Moya munye,
to another faith by the same Spirit, and to another gifts of healings by the same Spirit,
10 omunye uphiwa amandla okwenza izimangaliso, omunye uphiwa ukuphrofitha, omunye uphiwa amandla okuhlola omoya, omunye njalo aphiwe ukuchasisa izindimi.
and to another workings of miracles, and to another prophecy, and to another discerning of spirits, to another different kinds of languages, and to another the interpretation of languages.
11 Konke lokhu kungumsebenzi kaMoya munye, njalo ukupha umuntu ngamunye, njengokuthanda kwakhe.
But the one and the same Spirit produces all of these, distributing to each one separately as he desires.
12 Umzimba munye lanxa ubunjwe ngezitho ezinengi; njalo lanxa izitho zawo zonke zinengi, zibumba umzimba owodwa. Kunjalo ngoKhristu.
For as the body is one and has many members, and all the members of the body, being many, are one body; so also is Christ.
13 Ngoba sonke sabhaphathizwa ngoMoya munye kulowomzimba munye, loba singamaJuda kumbe abeZizwe, izigqili loba abakhululekileyo, sonke saphiwa uMoya munye ukuba siwunathe.
For in one Spirit we were all baptized into one body, whether Jews or Greeks, whether bond or free; and were all given to drink into one Spirit.
14 Umzimba kawenziwanga ngesitho esisodwa kodwa ezinengi.
For the body is not one member, but many.
15 Nxa unyawo lungathi, “Njengoba ngingasisandla, kangisingxenye yomzimba,” ngalesosizatho alungeke lwekele ukuba yingxenye yomzimba.
If the foot would say, “Because I’m not the hand, I’m not part of the body,” it is not therefore not part of the body.
16 Njalo nxa indlebe ingathi, “Njengoba ngingasilihlo, kangisingxenye yomzimba,” ngalesosizatho ayingeke yekele ukuba yingxenye yomzimba.
If the ear would say, “Because I’m not the eye, I’m not part of the body,” it’s not therefore not part of the body.
17 Aluba umzimba wonke wawulilihlo, pho ukuzwa kwakuzakuba ngaphi na? Aluba umzimba wonke wawuyindlebe, pho kwakuzanukwa ngani na?
If the whole body were an eye, where would the hearing be? If the whole were hearing, where would the smelling be?
18 Kodwa okuyikho yikuthi uNkulunkulu wabeka izitho zomzimba, zonke, njengayefune ukuba zibe yikho khona.
But now God has set the members, each one of them, in the body, just as he desired.
19 Aluba zonke zaziyisitho sinye, pho umzimba wawuzakuba ngaphi na?
If they were all one member, where would the body be?
20 Njengoba kunjalo, kulezitho ezinengi, kodwa umzimba munye.
But now they are many members, but one body.
21 Ilihlo alingeke lithi esandleni, “Kangikudingi!” Lekhanda alingeke lithi enyaweni, “Kangikudingi!”
The eye can’t tell the hand, “I have no need for you,” or again the head to the feet, “I have no need for you.”
22 Kodwa, lezozitho zomzimba ezikhanya zibuthakathaka ziyadingeka,
No, much rather, those members of the body which seem to be weaker are necessary.
23 lezitho thina esicabanga ukuthi kazihlonipheki kakhulu siziphatha ngokuhlonipha okuthize.
Those parts of the body which we think to be less honorable, on those we bestow more abundant honor; and our unpresentable parts have more abundant modesty,
24 Izitho ezihloniphisayo siziphatha ngokuhlonipha kakhulu. Kodwa uNkulunkulu wahlanganisa izitho zomzimba njalo usenike udumo olukhulu kulezozitho ezazingelalo,
while our presentable parts have no such need. But God composed the body together, giving more abundant honor to the inferior part,
25 ukuze kungabi lokwehlukana emzimbeni, kodwa ukuba izitho zawo zibe lokuzwelana okufananayo.
that there should be no division in the body, but that the members should have the same care for one another.
26 Nxa esinye isitho sibongwa, izitho zonke zithokoza laso.
When one member suffers, all the members suffer with it. When one member is honored, all the members rejoice with it.
27 Lina lingumzimba kaKhristu njalo omunye lomunye wenu uyingxenye yawo.
Now you are the body of Christ, and members individually.
28 Ebandleni uNkulunkulu wabeka abapostoli kuqala kulabo bonke, okwesibili abaphrofethi, okwesithathu abafundisi, kwaba labenza izimangaliso, lalabo abalezipho zokusilisa, abalezokusiza abanye, abalezipho zokuthungamela, kanye lalabo abakhuluma inhlobo zezindimi ezehlukeneyo.
God has set some in the assembly: first apostles, second prophets, third teachers, then miracle workers, then gifts of healings, helps, governments, and various kinds of languages.
29 Bonke bangabapostoli na? Bonke bangabaphrofethi na? Bonke bangabafundisi na? Bonke bayazenza izimangaliso na?
Are all apostles? Are all prophets? Are all teachers? Are all miracle workers?
30 Bonke balezipho zokusilisa na? Bonke bakhuluma ngendimi na? Bonke bayachasisa na?
Do all have gifts of healings? Do all speak with various languages? Do all interpret?
31 Kodwa zifuneni ngokutshiseka izipho ezinkulu. Khathesi-ke ngizalitshengisa indlela eyiyo enhle kakhulu.
But earnestly desire the best gifts. Moreover, I show a most excellent way to you.

< 1 KwabaseKhorinte 12 >