Waiata 99

1 Ko Ihowa te Kingi; kia wiri nga iwi: e noho ana ia i waenganui i nga kerupima; kia ngaueue te whenua.

Yahweh reigns! Let the peoples tremble. He sits enthroned among the cherubim. Let the earth be moved.

2 He nui a Ihowa i Hiona: kei runga ake ia i nga iwi katoa.

Yahweh is great in Zion. He is high above all the peoples.

3 Kia whakamoemiti ratou ki tou ingoa nui, whakamataku; he tapu ia.

Let them praise your great and awesome name. He is Holy!

4 E matenui ana hoki te kaha o te kingi ki te whakawa tika; ko koe hei whakapumau i te pono: he whakawa tika, he hekore tau mahi i roto i a Hakopa.

The King’s strength also loves justice. You establish equity. You execute justice and righteousness in Jacob.

5 Whakanuia a Ihowa, to tatou Atua: koropiko ki tona turanga waewae; he tapu ia.

Exalt Yahweh our God. Worship at his footstool. He is Holy!

6 Ko Mohi raua ko Arona i roto i ana tohunga, me Hamuera i roto i te hunga e karanga ana ki tona ingoa: i karanga ratou ki a Ihowa, a whakahoki kupu ana mai ia ki a ratou.

Moses and Aaron were among his priests, Samuel was among those who call on his name. They called on Yahweh, and he answered them.

7 I korero ia ki a ratou i roto i te pou kapua: i pupuri ratou i ana whakaaturanga, i te tikanga i whakatakotoria e ia ki a ratou.

He spoke to them in the pillar of cloud. They kept his testimonies, the statute that he gave them.

8 E Ihowa, e to matou Atua, i whakahoki kupu koe ki a ratou: he Atua tohu koe i a ratou, otiia i rapu utu ano koe mo a ratou mahi.

You answered them, Yahweh our God. You are a God who forgave them, although you took vengeance for their doings.

9 Whakanuia a Ihowa, to tatou Atua, koropiko atu i tona maunga tapu: he tapu hoki a Ihowa, to tatou Atua.

Exalt Yahweh, our God. Worship at his holy hill, for Yahweh, our God, is holy!